試當真（暫名）| 認真試下．試下認真 | (95) | 26/10/2025五週年停止運作 |《小朋友齊打交》製作中 |

因為個expectation太低，所以又冇想像中咁差，反而覺得佢救護出車的場口幾好，甚至乎前半段我覺得幾好睇，有啲位都有少少幽默，我睇嗰場都幾多人笑咗出聲。

但就同好多人講嘅差唔多，覺得佢移民劇情有啲夾硬 ，亦都可能我本身對呢個topic冇乜共鳴感，覺得唔加好過加，專心拍好救護題材觀感會好好多，而家就搞到有啲兩頭唔到岸。

另外，臨尾巴士車禍救援嗰part以為係高潮位，但戛然而止，我都唔expect你有大場面，拍多少少救援嘅緊張畫面唔使死啫，突然之間就cut，跟住就跳去播歌播香港景色

仲有就係唔知係咪因為啲大頭好多，拍到古生都幾老態吓

同埋雖然預告有剪到修仔啲火爆衝動鬧人場面出嚟，但實質上王維個角色比較上似係啲職場醒目仔類型，又真係同佢過往嘅角色幾唔同，而且感覺上戲份分配上比看我要多。

整體嚟講你話係爛片，可能我要求低，又覺得不至於，10分大約6.5-7左右。