試當真（暫名）| 認真試下．試下認真 | (95) | 26/10/2025五週年停止運作 |《小朋友齊打交》製作中 |

其實都係養太多人
其他channel 邊有養咁多幕後

認同 校花校草就係個台盛轉衰轉捩點 當年已經極反對 事關同台風格格格不入 當然任何比賽都會有堆所謂新人出現(新唔代表好 唔夾就係唔夾) 仲要呢個係主張外貌而非才藝嘅比賽 睇返歷屆邊有人會理校花校草邊個贏 港姐就有 最多啲人紅咗第時話返佢參加過就有 呢個第一步突然出咗成堆同試當真無關嘅人不斷係台出現 舊有觀眾已經歸屬感大跌 view數不斷跌

結果論 過咗3年一個成功少少嘅校花校草都無 勉強叫多咗510同泰妹兩個kol仔 難聽啲講連演員/歌手都稱唔上 其他果堆就算有留意開娛樂圈嘅人都真係連佢地名都講唔出 亦見唔到有咩明顯潛力 而呢班人仍然時不時係試當真片出現

就算連幕後果班都唔好得幾多 次次view數高都要靠修 養你班友就死得啦 叫做維持台基本運作 但就只限於此 唔好講忙唔忙 片view數跌 live人數跌 好少再製造到迴響 許賢搞新台 一步一步走向滅亡 唔好再用疫情做藉口

我唔會話校花校草搞到試當真收皮 但絕對認同係盛轉衰嘅轉捩點 無咗佢地可能都有一日完 但個高峰期應該可以唔使短到咁 出名youtube channel嚟講 得果5年完仲要後半都係捱咁濟 其實好少見

講緊藝人分傭
係修大哥咁好人先捧完由佢地走
Ca姐kayan夠頂班幕後人工

本身最好景嗰個校草衰自己，冇晒啲job

其實著茄啲短片都係低view，好多都唔過10萬/10萬多少少
不過綜藝同訪問片就廿萬view起跳
所以繼續堅持拍劇情片真係好難捱到落去

第一次buy你講嘅嘢

Confirm 係真？

-..-

最鍾意睇配音片，簡單又好笑
墨魚遊戲，黑白大廚雖然係抄
都想睇下港版係點
(正常呢類節目應該電視台制作)

短片有D真係唔識欣賞唔明意思
太玄get唔到，我又唔睇謝票場

可能修哥意境太高，我寧願睇
趙羅尼，飛夢個類爽片

題外話，唔講拍片質素，但管理員工，
公關處理就唔太好，成個形象唔太健康

等今個星期五

由盛轉衰好明顯就係因為NFT
到而家都仲賴落花草到都唔知做乜
(莫講話花草本身就係NFT承諾嘅其中一個project)

如果大家有經歷過嘅話
就知NFT果時係幾大鑊
邊個台掂就邊個台俾人屌到收皮(參考SUNNY)
但果時咁多人屌之下仍然一意孤行繼續搞NFT
怪得邊個

搞NFT果時係一次過令人堆街客同部份死忠都嬲撚咗唔再睇個Channel
雖然你話之後會努力做番NFT承諾嘅嘢
亦好多都有做到
但已經太遲
對個台個形像同埋走咗嘅街客/死忠都已經救唔番

修哥都有話過，大家鍾意嘅元祖成員好多都係疫情無戲開先做試當真。呢個台本質上都係疫情救市，本身就係無法持久先要搞校花校草。始終試當真唔係素人台，大家本身都有野做，唔係想專心經營YouTube 。 而家收台都係好結果，證明幕前們都有新發展。

反而係為班花草同幕後可惜，佢地啱啱先有啲起息。好似阿發 Ellen 呢類人都係好適合做網。不過YouTube 呢行都大勢已去，台灣都死好多個台。

Nft仲有一日一片 請完人都做唔到又唔敢炒

泥姐失業可以去舊老友到做

不嬲有碗話碗

個台衰落就唔只一個原因既
NFT>校花校草>劇情片質素變差>ca姐做老板娘
連番操作咁令個台走向下坡
最後以為可以靠公開試當真拉番起個台
點知就俾阿康伸番落去

係啦請佢返去坐鎮篤住含仔做嘢
又可以一齊打L

個陣有人話整張實體會員證仲好

呢個講法我完全唔同意 話就話本意係疫情時間當磨練 但其他同期開始又收皮嘅channel(16比9）根本無人睇而收皮 而佢地係異數爆到上過50萬訂閱 講緊係香港top 30 channel仲要又搞show又電影又盛 同時養起咗成班幕後 呢個時候就應該用run一間新公司角度嚟睇佢地
唔應該再話本身諗住點點點 而家多嘢做退落嚟好合理

而竟然係5年內收皮係完全估唔到 只能歸究於轉型失敗 + 捧新幕前幕後失敗導致

重申重注落校花校草就係個轉捩點 質素問題加無及時抽身 同 搵唔到其他新人代替 做成而家局面 有點可惜

與其話由盛轉衰收皮之類，不如話見好就收。

本身就用創新去高速發展，基本上第一年已經開實體show 已經追上好多發展一定年期嘅channel，正常人哋channel都係開咗三至五年以上先至會開實體表演（撇除一啲大公司嘅YouTube Channel例如captv，100毛）

劇情片出片嘅質同量都唔差，我認為呢一個唔係所謂要收皮嘅原因。先唔講香港第一次走鐘獎提名，用數據睇五年五十萬訂，千七條片，二十條以上嘅百萬片，過億收看次數，依啲數據放出嚟一啲都唔失禮。

綜藝，都唔洗多講啦，不如諗吓冇咗試玩毛可以有邊個台代替到

校花校草，雖然成效不如理想我只會話初代成功嘅成功係不可以複製，不可思議，天時地利人和缺一不可。但直播同節目，每周觀眾投票選秀，依個做法係冇其他台試過。

實體活動，實體謝票同舞台劇，將YouTube片放上去電影大銀幕播放，印象中除咗試當真同16:9有做過之外，好似冇其他Channel做過。
海外見面會有四個國家應該都冇其他香港Channel試過。
運動會，觀眾唔止可以睇仲可以一齊比賽一齊玩，希望薯茄運動會都可以咁，但操作難度極大。

電影，公開試當真，LF2都唔多講啦。香港YouTube 片可以入金像投票名單應該都係第一次。

其他仲有好多不能盡錄，你要有一個新嘅YouTube Channel或者現存嘅YouTube Channel可以做到以上嘅嘢，其實都好難想像，有當然係好。某程度上我覺得個發展上限太高已經唔係一個YouTube Channel可以容納到嘅嘢。

Fh真係好神奇冇咩片出 但又維持到 仲成日玩得好開心