點解依家d家長越來越唔重視子女身心健康？

細路係要管教，但係真係要睇下能力去到邊。同埋睇下用咩方式去教。

唔尻谷=/= 放任佢一日廿四小時瘋狂打機。

我中學果陣有同學比佢老豆逼佢一日溫三四個鐘書， weekend 溫六七個鐘書。佢自己就叫做“座書監”。根本冇意思......

其實都可以調轉諗
幼稚園到小學比人chur 咗十年
然後入中學青春期想反抗父母專登唔溫書/ 嫌惡咗讀書呢樣嘢
無一條公式包生仔，因材施教啦

中間嗰堆唔會做到醫生
醫生係Top 10% 入面Top嗰班

之前我先問過
依加呢代啲老豆老母 由細到大應該見唔少啲細路點樣壓力大迫到去JUMP 或者自己細個應該受唔少比老豆老母迫去上呢樣上個樣搞到無童年

結果呢班受唔少嘅人大個咗做人老豆老母 迫得自己啲仔女仲誇張 以前放學補幾科已經好撚誇張
屌那星依加補幾科仲要學兩三種興趣班 真係頂得住咩

主流parenting style 主要分幾種

Authoritative, Authoritarian, permissive, neglectful。

最正係authoritative ，係有要求得來，你個人係真係要合理，對小朋友係要有boundary 同埋empathy。
所謂“愉快“係應該呢個意思。

而唔係permissive ，由個小朋友打24個鐘機。
亦都唔係authoritarian ，一味狂屌去催殘小朋友自信。

我都有同學係咁，最後入唔到大學
反而其他考試前先溫下書嘅全部入到

因材施教，恩威並施。

你個小朋友真係叻咪引導佢去做多啲學術嘢。
你個小朋友畫畫叻咪比佢去發揮。

唔係話，你希望佢彈琴叻，然後谷到佢八級為止。依家唔係“你希望”，而係究竟你小朋友係一個咩人，佢係一個獨立嘅人，唔係你自己嘅延伸。

無錯，我認真小朋友係要快樂成長，開心長大，唔應該追考試。



咁老咗先多人做KFC

根本讀書係講資質

我讀書唔叻，但係自己間中學唔係咩叻學校。
正所謂池塘無魚蝦為大，舊時我都有教吓啲同學功課......有啲人，某啲科係真係教極都唔識。

但係唔等於佢地冇前途，有啲已經移左民，生活得重開心過我好多。

最on9係啲父母話自己細個冇得學，
仔女有得學要珍惜，好幸福

好心自己去學啦

其實我覺得好多人都唔識聽仔女心聲
因為細個父母都唔會聽自己心聲

識人成日話個仔唔做功課唔溫書，掛住睇電視
拖到瞓覺時間先做
（但佢個仔日日都有補習有校隊訓練
返到屋企仲要做功課溫書
一啲屬於自己嘅me time都無）
有啲朋友叫佢比個仔學少啲嘢比多啲自由時間佢
佢就屌返人唔理解佢
又話唔係人人個小朋友都乖
係佢個仔唔合作乜乜柒柒
聽到都覺得做佢個仔好窒息

我覺得父母係有責任去幫小朋友發掘自己興趣。

所以報得多班唔係問題。
但係我覺得要留意返小朋友係咪真係鐘意玩，如果已經開始厭惡就可以傾下，佢真係唔想再去就唔好勉強。

呢個post好多人以為唔使讀書/學術hea就係happy school

其實大把名校行happy school 係多活動又重學術

真
我細個被迫學琴，學到8級後無再掂過部琴
到依家都係無乜長處，一樣on99生存到

依家兩個仔女話唔想學就由佢
慳返啲錢
反正屋企唔等佢哋開飯

嗰啲乜野興趣班，
只要唔係個細路催你快啲出門口，
一律都係唔鐘意

最on9就係呢啲言論
就算係兩個HKU都唔係包生讀書叻既人
兩個廢物都有機率生到天才出黎
讀書讀上去一定靠智商
智力呢樣野一定會回歸中間值

名校收一班資質好嘅
梗係可以又讀到書又玩到活動
因為真正資優係用好少時間溫書就攞高分
多出嘅時間可以做其他嘢

但如果資質普通又要追資優學生步伐
就追到氣喘都未追到資優生條尾………

家長最好認清自己小朋友性格能力先…….

其實屋村學校多數都唔係happy school
佢哋反而多數仲玩緊傳統課程多，只不過有部分學術弱先被位性為happy

私幼/直私小學個模式係happy好多

真名校小學啲卷深到唔正常
細路個腦都未發育完成又要逼死自己個仔
呢啲家長係為左自己既不安多過個仔既成長

我好認同谷同放養中間有好多空間，但係我唔認為AI可以令到小朋友唔需要在記/寫付出時間，就係因為AI將會喺依個時代大流行，所以將來嘅人才一定要有能力去辨別AI寫嘅嘢係唔係正確或者有用，所以將來嘅人仍然需要有一定能力嘅閱讀同文字創作能力，呢類能力唔能夠只靠死記硬背培養出嚟，但係仍然需要付出一定時間多讀多寫，尤其語文能力唔好嘅小朋友

其實就我觀察朋友嘅仔女，填鴨式教育對於小朋友最痛苦嘅嘢就係佢唔擅長或者唔鍾意嘅科目都需要谷，好多時候佢哋唔會覺得擅長嘅科目會係谷佢，至於愉快學習就係只係溫和引導小朋友去面對佢唔擅長嘅科目，唔追求結果只觀察過程。除非愉快學習可以同填鴨式教育一樣，都可以令小朋友在不擅長的科目取得相近的結果，否則兩種教育本質上並無優越之分，只是對小朋友的發展的取捨

至於你所講世間能力有好多種，我好認同讀書只係其中一種能力，將來大個可能賺錢亦並非靠讀書能力，但有一樣嘢係好肯定就係讀書能力可以有效保證一個人的下限。

至於其他能力能否為一個人帶來成就，好多時候都需要天時地利人和配合，冇人可以保證只靠吹水能力或者其他能力就可以足以謀生，所以好多時候長輩都想一個小朋友上面讀書精益求精，從宏觀角度嚟講係冇錯嘅

啲傳統名校去到中學
六年都走好多人，前排睇中學group
有啲學校走成40-50%學生
（原因有好多，去外國升學、太辛苦轉國際等等）
然後又有一堆band 1學校上游嘅學生插班生插入去
幫學校維持好成績

想請問下樓主有咩成就？

全世界𡃁仔跳樓都因為父母啦 得得得