點解依家d家長越來越唔重視子女身心健康？

你一出世就有得追夢，有得話我要做老闆
我呀，一出世就係老闆啦，想追都無得追呀

另外話

有個朋友由細到大都貼自己個女上自己Facebook，
幾乎係日日，啲相拎嚟第日結婚做成長片段應該夠
播足成個婚禮

咁個女踏入青春期，就開始好介意俾人影相，
見阿媽拎起電話想影就用手擋住自己塊面，
個老母仲當玩，成日偷影到佢樣照post，
跟住有日真係開大波，
屌個老母要del哂Facebook有佢樣既相，
反面咗成個月，老母先屈服del相

你呢個以前已經係四十幾年前啦，我都幾肯定廿年前已經唔係讀唔到就算，由鳩成績差

應該話開心個門檻高左
但又冇人會知點先夠料過開心生活
唯有死谷爛谷 多好過少

當然仲有一班係諗住仔女賺到錢可以帶協埋自己享福
反正書就你而家溫，錢就我第時伸手攞

中間果班要佢地肯學先得架
同埋成個社會根本唔需要咁多人讀文史哲
又唔需要唔叻既人做科研

你谷死中間果班人都唔係對社會極大化有貢獻
大部分工作根本唔需要咁多知識

真
睇到樓主個post 我第一個諗法係 近年嘅家長放鬆咗好多啦 早十年開始多學生自殺 近年又人少
但唔記得咗 早幾年 好多仆心仆命為仔女嘅家長移咗民

Happy school係真係要多好多資源㗎
最基本 埋尾唔可以考dse 最最最平都要直資igce
但小朋友要英文好好先有可能
即係佢開心得嚟 要學得好英文 又係錢

真係有錢唔諗嘅 就揀ischool
其他所謂嘅happy school 都要好多planning
唔少其實都係plan小朋友去外國讀書

啲谷小朋友 又唔係真係讀名校嗰啲家長
好多係話 佢哋兩公婆都覺得小朋友應該努力啲
即係佢哋唔捨得俾錢俾資源 所以小朋友辛苦啲都正常

有啲誠實啲 又實際啲嘅就話
近年人少 dse都上到大學
佢哋唔捨得駛多啲錢 或者冇咁多錢俾小朋友
因為都要plan自己退休

雖則社會上並非好多職業都需要書本嘅知識，
但係讀書除咗帶來職業導向嘅實際利益之外，
仲有個人修養、見識這些無形嘅好處，
好多時候，如果學校唔教，小朋友更加難有機會接觸到依類知識，唔係講緊好難借到有關嘅書籍，而係好難認識這類知識嘅樂趣

點解

因為你淨係係連登睇育兒，
收到既資料有極嚴重偏差。

係呢度極端化啫
做老豆老母稍為做吓功課都知愉快學習完全唔係放養

其實睇小朋友本身，
就算係同一家庭，同一學校，
一個可以快樂學習，自己對知識有追求，
另一個就唔肯入腦，逼都逼唔到。

知識無限，到你發覺某類知識有用，
有能力自學，
同你學唔到/唔學知識會對你人生有好大影響。

好似你仔女反叛期，弱智父母唔識點處理，淨係識打。
但有學習能力就知有好多方法，或者說話技巧去處理。

另外，智力低，處理能力同學習能力差既人，
少少野就有大壓力，會易d有精神問題。

到而家小朋友出黎做野AI既真確性唔再係問題
類比返製造業發展而家係由人手整車過渡到去機械臂整車，一間廠幾千個工人變成幾十個
由落手整車變左維修機械臂，設計機械臂之間點樣協作既過程
但係香港主流學校仲係教緊細路點樣擰鏍絲
係咪有機械臂就唔駛識擰鏍絲，唔係，但絕對唔值得擺咁多時間去學機械做得更加好既野

至於你話努力讀書可以保底，咁係岩既，但係唔可以只睇到個得著睇唔到個代價
現代人最緊要係自學能力，由其個世界變得咁快
正常人一世人學到既野起碼95%既野係學校外學返黎
填鴨最唔好有兩樣，一係由細已經抹殺左一個人既天生有既好奇心，學習=痛苦，考完試燒晒d書佢
二係灌輸左個概念你跟父母，跟學校，跟老師，跟書本個套，讀晒佢就掂
世界唔係咁運作，可能父母，學校，老師，課程全部都係錯
所有進步都係由發問而黎
香港一般都無凡事質疑，凡事發問，凡事思考既習慣
所以香港無創業，無創新，全部出工具人，讀同一堆學校，行差唔多既路，讀唔多既書，講差唔多既野

個人分享，同父異母，阿哥媽媽由細好重視小朋友教育，學樂器，幼稚園九龍塘名幼，名小一條龍再外國留學，我媽放養邨幼邨校無興趣班，真心長大出社會搵工起點係天差地別

你可唔可以返落地面先討論？
如果你話中小學課程無用，咁你覺得學咩野先有用？
唔學abcd學c+?
唔學加減計算積分學寫ai?

其實中學課程都唔深

而家都有 湊細佬妹呢個concept真係痴痴哋

家長咪幫緊小朋友 令佢更有條件 去更適合嘅學校

基礎語文同數學能力係重要
但基礎語文能力係唔需要好似香港d學校串埋乜尻恐龍學名呀，越級去學習明明高年班先會讀既野
按部就班去讀就係，係香港人/中國人先會覺得早d識等於勁，仲好自豪個仔k3識計乘數個類

表達能力，邏輯思維，創意思維呢d你覺得香港教育邊一樣培養到，淨係drill埋d垃圾題目

學士學位證明到條友識活用AI 寫文過抄襲系統

咁係因為你本身係讀書料 雖然我都係
但係我有同理心理解到 如果畫畫第一之後會最揾錢 我呢啲冇天份既點谷都唔會劃得好

其實AI就係能力放大器
你有咁既好奇心自己去學
例如你以前用幾年係學校讀中西史
你叫AI教你可能一星期就識晒啦
AI會令本來比你聰明一倍既人聰明十倍
將來會出現一班乜野都識，乜野都做得快既超級怪物

畫畫音樂嗰啲學咗陣就無興趣無逼
咁就係唔係迫囉
大把家長一定要個仔女識彈琴

而家百花齊放個個免費吸客就係 我覺得遲早會好貴 而家大家燒錢做 應該冇人breakeven

錯
係要有返一億幾千萬
躺平日日打機好似鄭伊健咁嘅生活

講到坐office寫字樓就好開心咁
咪又係社畜一隻