《疏理Brandy事件來龍去脈》

革爾 · 2025-03-28T08:01:50+08:00

首先重點唔係佢生活態度，而係佢做嘅好多野有欺騙成份。話自己窮，攞住5萬港紙移民加拿大，但係3年入面大部分時間都冇認真返工。當租金$2300，供新車連保險$1000（3年owp當比佢分3年供），唔返工3個月已經夠燒晒佢5萬蚊。仲要有錢買mac book pro，做smile，買貴餸，食好野，去外國旅行，住貴酒店，佢條女去韓國一個月學寵物美容（佢已經del晒呢啲片），兩個人relocate去生活成本更高嘅溫哥華。條數點計都唔合理，除非有父母資助，但係佢又刻意誤導觀眾令人以為佢生活好艱難。 Brandy已經唔係第一次比其他youtuber質疑，今次中年大叔出post串佢，緊係唔可以錯過流量密碼。明明係比人串緊好食懶做有手有腳賣慘乞課金，佢叫條女喺鏡頭面前喊，斷章取義將件事刻意spin去IRCC苦主比上岸撚落井下石，後生仔比中年人網絡欺凌嘅方向。佢平時啲片得2-3萬view，由最近講ircc條片先一下子上到十幾萬view，所以大部分睇到佢條女喊嘅人都係冇跟開佢過去3年做過啲咩，以為佢同其他努力儲鐘慘跌入黑洞嘅ircc苦主一樣。引來唔少好心人捐錢幫佢地渡過難關，500美金，100加紙，500港幣咁捐錢比佢，佢地一條片加加埋埋起碼收到幾千蚊加紙，而家搞大左件事驚比稅局查走去del片。 Brandy哥，善長人翁係捐錢比你改善生活，唔該交待下人地捐比你啲錢用左去邊。