《第三章．多益I》(4)
「嗰個老嘢，嗯⋯⋯唔可以而家殺佢。佢仲有利用價值。」多益盤算著。「佢係穩定以色列民心不可或缺嘅一部份。但佢一日喺度，一日都會阻住地球轉。」他一邊用姆指和食指中指間捏捽著石頭，一邊思考著。
他的腦海就像一個複雜的棋局。若撒母耳被殺，領袖奪權，但他沒有德行鎮住眾人，那麼以色列必然出現一場腥風血雨的權力遊戲，自己無論為誰站台，都未必能夠逃出權鬥的漩渦。即使有德行，也要有不能被取代的魅力，才可鎮住眾人，不被野心家奪權⋯⋯要是另一個撒母耳⋯⋯撒母耳能被造成傀儡嗎？⋯⋯
他一直旋轉著石塊，一直思考著不同的可能性。
他一手捉住石塊。終於，他知道要如何使用這次機會。
他假意跟身邊一個觀察已久的人「閒聊」道：「我真係唔明點解大家對祭司咁不滿喎。我見非利士人、阿瑪力人佢哋都有自己嘅王，要向啲王俯首稱臣⋯⋯有啲仲好似多過一個添。而家個祭司都係做啲無謂儀式，都唔係咁差唧⋯⋯」
「唉，咁你都睇唔透？個祭司係唔使我哋做嘢，但佢無能力帶我哋打勝仗嘛。我自己曾經都去過下軍營服役，我知道行軍打仗最重要係個領袖。群龍無首，好難打勝仗㗎。」
「睇你右手虎口咁多繭就知你去過軍營啦，不出所料。仲有啲憤世愱俗，啱晒。」多益心道，然後他說：「哦，係咁㗎？打仗呢啲嘢我真係唔識喎。但嗰個撒母耳睇落都好似幾清廉聖潔吖？我聽講一般啲祭司都抽幾多油水㗎嘛⋯⋯」
「佢清廉？佢咪又係同佢前任，嗰個以利一樣！佢啲仔咪一樣都係咁貪污受賄？佢背後收幾多錢你點會知吖？」他說得興起，漸漸眉飛色舞起來。
「Bingo。」多益用力控制著面容，不展露任何笑意。
「年輕人，你太單純喇，政治呢啲嘢好污漕邋塌㗎。嗰個祭司都未必係咁乾淨，只係收埋啲嘢無畀人知唧。佢食水有幾深你都唔知啊。如果有個王，起碼我哋可以有支勁啲嘅軍隊，唔使畀外族恰，大家生活都好啲啦。」他續道 。
「你講咩話？講多次？」群眾中另一個人問道。
「我話，啲外族人打仗贏到我哋係因為佢哋有個王，帶佢哋行軍打仗。嗰個祭司，唔識帶我哋打仗，貪唔貪錢我唔知，但起碼佢成日做埋晒啲無用嘅嘢。咁不如換走佢，要個以色列王啦。」那人回道。
「吓？要個王？你想我哋全部去做奴隸啊？」又有另一個人加入討論，群眾突然熱鬧起來。
「嗰個祭司清唔清廉我就唔知，不過上樑不正下樑歪。你無聽講過佢嗰兩個仔喺出面收錢判案嗰啲嘢咩？退一萬步，就算呢個祭司唔貪，佢都係無貢獻。但如果我哋有個王，帶我哋打勝仗，搶多啲資源奴隸返嚟，就算個王攞多我哋攞少都有賺啦。相反，嗰個撒母耳，成日『耶和華耶和華』，要我哋做呢個儀式嗰個儀式，攞晒啲肥羊嚟一把火燒咗佢，得閒無事又話我哋犯罪犯罪，又話要咩獻祭！根本上佢就係做埋晒啲又無用又嘥錢嘅嘢！大家唔想要個王，係唔想做奴隸，但我哋而家唔係做緊個祭司嘅奴隸咩？」
「都講得有道理喎！」
「係囉，我哋都畀人恰夠喇。外族又恰我哋，個祭司⋯⋯都唔知佢哋係咪夾埋嘅。」
「迫佢讓位啦！」
多益站在遠處觀察著這一切，心中暗笑。這一切都正如他預期般發展，現在，就只差一小步。
他在人群中悄悄向撒刻的方向拋出一把刀。撒刻看著人群的喧鬧，正想問個究竟，但不料竟險些被飛刀刺中。他怒火填膺，然後大叫：「邊個叛徒喺度搞事，捉佢出嚟。」說罷，他的手下便往人群走去。
人群一片混亂，當中有人喊叫：「我哋討論立唔立王都係搞事？」
「佢係撒母耳隻走狗。要維穩啊！而家佢求其搵個籍口咋！」
「同佢死過！」
「為以色列民族而戰！」
人群很快和撒刻的手下扭打起來。起初只是互相推撞，但後來撒刻手下的刀無意刺中一個民眾。於是，雙方進入渾戰。有人拿起酒壺從後砸人的頭，有人拿刀亂劈，有人搶刀，群眾中一片狼藉，血腥的味道瀰漫整個房子。
******
**************************************************************************
筆者Facebook:
https://www.facebook.com/people/雷寂/61573858342296/
上一篇:
https://lihkg.com/thread/3900319/page/1
致非基督徒讀者的話：
作為非信徒的你，相信早有耳聞大衛和歌利亞的故事。但讀到此書，卻可能會感到十分不解。看見「耶和華」、「上主」、「造物主」等字眼，可能你心中不免想起那些街頭宣教士；或者是那些音調不對的粵語詩歌、或是你中小學的「幼稚」、跟「女禍補天」、「嫦娥奔月」等同樣可笑的宗教教育。
我明白這些都可能會引起你自然的反感。然而，筆者並沒有打算在這本書中「講經」，跟你說「信耶穌，得永生」。然而，假如你只看大衛的行為，將他的信仰抽離，但就如同不理說話的態度，無視語氣和情境，單憑字面意思去理解一個人的說話一樣。
所以，我懇請你嘗試帶著開放的態度去觀察和理解書中各個角色的信念。雖然不少角色都相信上帝的存在，但他們與上帝的溝通和相處方式都迴異不同。當中有人心悅誠服，有人懷恨在心，有人不置可否⋯⋯但他們對上帝的態度卻沒有直接決定他們的下場。和人生一樣，有好人枉死，也有壞人笑到最後。這不是一個信上帝必勝，正義必勝的童話（至少在塵世間）。事實上，上帝從沒有寫過一個如此幼稚的故事。
敞開心扉聆聽他們作為信徒的內心對話並不等同你認同上帝存在，或是認同祂的美善；但至少，你的視野會變得更廣闊。起碼，你會知道信耶穌的人為甚麼有所為，有所不為⋯⋯你甚至可能會明白為甚麼有人雖說自己信耶穌，但卻能面不改容地做出大奸大邪，連無信仰的人也不會做出的惡事。
如果你願意一試，筆者相信此書不會令你失望。