[Switch] 異度神劍 Xenoblade 系列討論區 - Xenoblade X 終極版25年3月20日發售

依照目前版本 愈遲玩愈難刷 有啲比較好刷嘅怪已經得2/3~1/3掉寶量

遲入坑成日發生嘅問題

舊有刷嘢方法唔work

我依家先LV41,打零王o個類會唔會好似打monhunt咁拖後腿/被秒咁...

會唔會死主要係配裝決定

今次係啲怪刷得多會降低掉落量
即係好刷嘅怪大家刷得多 會跌到得1/3
遲入坑嘅之後真係玩撚

pk啦 唔小心轉左第一身轉唔返第三身

L+右蘑菇

唔該哂

請問一下
超兵器插件嘅效果只係個件武器有加成定所有都裝係機甲身嘅武器有同樣效果，例如插對機械人加40%傷，係得個件武器有定全部都有？

我仲不停打90LV甲蟲精英怪刷職業LV

幾乎所有武器裝置不論機偶定係軀體，都係全部武器都食到效果，但係唯獨個名一開頭寫住「Custom.」嘅就只限嗰把武器有效，例如「Custom.WP-POW XX」就係只限嗰把武器。

不過「Custom.」系列係獨立乘數，所以最好係超兵器放滿「Custom.WP-POW XX」，然後其他部位全部放滿種族特效/開幕戰技。

假設電磁炮塞3個「Custom.WP-POW XX」（武器攻擊力上升40%），其他部位加埋塞夠24個「Start.ARTS-ATTACK XX」（開幕戰技傷害上升100%），就係120%x2400%，絕大多數情況都可以打出傷害上限（機偶每段傷害嘅上限係9999999）。

不過到呢到為止其實都未到極限，因為有啲武器可以有多段攻擊，而第13-3章嘅新地圖，機械類敵人都有0.3%機會跌4槽機偶武器，所以假設超兵器以外嘅部位都用4槽武器，就可以做到120%x3200%，加埋多段數嘅超兵器例如電鑽，總傷害會遠超9999999。

加油 但建議真係要玩快少少
愈嚟愈多超規體變咗銀/銅 有啲直頭跌到銅都冇撚埋
我真係想知Mono會唔會搞搞佢 咁落去遲下啲人玩撚咩

我依家先LV49...打螳螂(?)依家已經升得好慢,但又未夠買LV50 DOLL...

呢個系列我都支持咗好耐 1,2,3本身都係一路玩一路屌老母 但係故事夠吸引 音樂夠正 俾到動力我玩 當年冇玩過x諗住今次俾返個機會自己
但係係今集重製嘅X 真係玩到有發火

今集真係將三集有嘅問題都放一齊
呢間公司嘅Level制有問題 完全係懲罰系統

由第一集開始所有主線，如果你順住去打一定唔會夠經驗 變相逼你去打其他任

咁多集，其實都習慣咗 成隻game係冇分新手地區 你行出門口就可以見到一啲超級Boss級怪 或者高你20lv 而且係有警覺系統

第一集第二集地圖闊落少少 同埋怪物重生冇咁密集 今集我由頭到尾打主線 打啲細怪已經係咁拉開 都瘋狂遇到巡邏型精英怪

超多狹窄地形 一路打一路add怪 遊戲體驗真係極差

主線任務設定有等級要求同埋前置 呢一集嗰個地圖，簡直係二代問題嘅嚴重版 勁多地方行唔到，打支線任 我可能比較黑仔好多任務物品我打廿幾30隻先跌一個出嚟 主線任務又要你係咁開地圖
我淨係想玩個主線都勁多限制

好啦到我想升lv你唔打高等級過你根本冇經驗 裝備跌落極垃圾

然之後將三代個導航放落嚟，以為好多地方會搵到 佢哋又好撚偷工減料 成日帶你行嗰啲路就係唔啱Level去嘅地方 一係有啲路條紅線會跨越埋個空中 根本去唔到 一係連個位置都錯

第四章有個任要去西邊 行嗰個死人山窿 我都唔知打撚咗起碼20定30隻龜 朝早佢自動打你 算
夜晚 已經避開佢咁樣行都要喺地下彈出嚟逼你打

成隻game由頭到尾玩，我都體驗唔到流暢嘅主線 我連第二代逼我刷神劍要神劍技能 我都頂得算

今集嗰個遊戲體驗仲衰過1.0 2.0版既魔獸

好明顯佢成個格局就係為咗刁難你打斷你既節奏

我打打吓主線唔夠Level要我做其他任務好我去搵 然後嗰啲支線任務，可能要你救人或者打某啲怪物任務嗰隻怪係符合等級 然之後可能周圍放一大堆秒殺你嘅

到啲唔需要打怪嘅人就叫你行到老年咁遠去開一個點 然之後嗰條點放一大堆精英怪要你左閃右避 就算唔係精英怪都係一大堆自動攻擊型

成個遊戲俾人打斷體驗嗰個撕裂感係三集之中最重 仲要將三集所有缺點可以放大到仆街

我做咗呢個系列死忠好耐 呢10年嚟都係咁推介人哋玩 今集我真係玩到有啲想棄

可能會有人笑我，你唔識得計劃你個行程或者點
我唔會嬲 我都唔係嬲呢隻game咁有惡意
我係玩到有啲沮喪

用the club啲分加錢換game，當年有玩WiiU版，不過系統方面好多都唔記得，但劇情仲有印象，所以睇返Elma啲對話有另一種感覺

錢可以睡覺同翻工嗰陣用手掣掛機
再唔係就招募3個99lv嘅玩家角色刷支援要務 一場30萬錢+3萬礦

我都係123X都玩晒，又係一樣好唔鐘意前期畀怪追，我有少少建議畀到你

首先經驗值方面，30lv前刷10lv支援要務，30lv後要燒蟲（需要機偶）。另外推圖嗰陣可以招募3個99lv玩家角色幫拖，至於招募費同機偶成本可以刷支援要務賺錢，希望幫到你

招募係真係3個玩家ONLINE打定其實係NPC咁?

NPC咁 有啲人會專登砌到佢個角色可以幫你秒怪/補TP/刷票/刷裝/刷礦之類 要解釋嘅話要講好耐

總之你搵啲格鬥力/射擊力高嘅就得 真係要特化嘅話 我諗射擊力3000以上揸機槍嘅清怪會最好

諗落個AI係弱智 未必識發揮3000射擊力

打超規體呢類單目標就揀格鬥力 最好係用長劍 戰技要有「大力士呼嘯」
敵人數量多嘅話就揀射擊力 最好用機槍 戰技要有「子彈旋風」
當然可以請夠3個 第3個就搵用步槍 戰技只係得一招「最後一戰」嘅 呢種係專門配好幫你補TP

不過照計求其請3個數值高嘅99 基本上已經係輾過去

我再補充下，如果主要玩超兵器，除咗之前提及過嘅裝置外，仲可以增加超兵器用緊嘅屬性嘅傷害，例如電磁炮就係物理（機偶骨架有增加屬性傷害嘅裝置），另外比較有用嘅數值就係格鬥命中、射擊命中同迴避。

點解唔係格鬥力同射擊力呢？因為超兵器嘅基礎傷害遠超格鬥力同射擊力提供嘅傷害，導致嘅格鬥力同射擊力對超兵器嚟講微不足道。

但唔代表格鬥力同射擊力就係垃圾，對於低傷害高段數嘅武器嚟講，格鬥力同射擊力提供嘅傷害好唔錯，所以如果想玩一般嘅機偶武器，增加呢兩項數值就好有用。

最後值得一提嘅係，有啲機偶武器表面上寫嘅段數係嚴重誇大，實際用落根本冇打咁多次。

你唔講我真係唔知有呢個機制，半單機game都搞呢啲嘢

終於升到lv50,但就到冇錢買50doll...

又要farm...

我記得之前機甲好似有件普通武器係射飛碟出去，唔洗扣油但超高攻，基本係秒怪，但唔記得係邊度刷出嚟

呢個機制真心on9 邊有可能掉番轉懲罰遲起步既玩家