[Switch] 異度神劍 Xenoblade 系列討論區 - Xenoblade X 終極版25年3月20日發售

XB系列除咗XB3 我都建議一開頭要刷下經先 除非你鐘意畀怪追殺

今日mono終於直接降到零皇得百幾萬 不過條血都係冇乜點郁過

跟wiki去昇LV,原來都唔易,一出完地圖炮成10條8條線射住...

零皇有咩機制 除左最後幾分鐘好似會開反噬 btw隻game真係好缺攻略

我用控場打法唔理佢有咩機制

飛哂啲教學
打到廿lv 接左琳個牽絆任
戇鳩鳩keep住做埋下半段 要我打d 44～47 lv既怪去拎關鍵道具
又無得取消任務

四十幾lv果啲怪係唔係唔洗打
我卡到就黎想重玩

試下飛返去NLA
等個地圖重新定位
因為同款怪有唔同lv
個導航會帶你去最近嗰個

有冇好似2集咁 咁多大波妹

長知識
搞掂左 感激

XBX原版d角色模組幾醜樣, 以前有人屌過黎
之後XB2先成堆大波靚女
今次DE版d人樣有執過, 但唔好太期待會整到好似XB2咁
始終有原作既限制

今集極多樣衰大叔

我趁呢段時間特雷西亞死得快要多d刷 零王都係偏慢 但好過之前成千萬條血冇人打

之前條血真係出年都未死

其實個挑戰係點玩，打贏有咩

世界王？定講緊計時挑戰先

世界王打完會畀啲素材你整裝
例如黃金心臟係Ares 90嘅素材之一
但掉落率應該好低 未見過跌畀我

另外佢死咗會再根據你打咗幾多條血畀嘢你
啲嘢可以喺武裝公司開發新裝備嗰度整防具
不過呢啲防具偏外觀向 得一兩件真係有著嘅價值
所以當係打世界王可以換skin咁

計時挑戰就都係刷素材
有啲素材係計時挑戰獨有
應該得好少數人真係想刷紀錄

不過除咗極少部份成本太高 需求量又大嘅素材
基本上有連線都一定係用物料票券換最方便快捷
所以啲計時挑戰真係冇刷嘅意義 完全係浪費時間

突然諗起呢到我記得好似有幾個巴絲話買咗但想等NS2先玩

想講下等緊NS2嘅各位朋友將會比目前玩緊嘅人難刷裝
目前DE版超規體嘅掉寶機制 連線狀態下 超規體會分金銀銅冠
金冠固定掉落三份裝備（武器/防具/裝置 ）銀冠兩份 銅冠一份
而金銀銅係取決嗰隻於超規體全世界加埋嘅勝敗比例
即係大家刷得多就會降掉寶量 有啲比較好刷嘅已經係銅冠
所以除非玩家集體自殺 或者Mono肯改金銀銅嘅機制
愈遲玩嘅人（同埋冇買NSO嘅人）掉寶量只有1/3

順便修正、整合兼補充之前講過嘅嘢，樓主考慮下要唔要Pin

===============================================

強烈建議買遊戲嘅時候，順便買一個可以自動連撳同一粒掣嘅副廠手掣（除非你已經用緊），同埋最好買埋NSO連線，我下面會解釋點解。

只要你處於唔限制移動嘅狀態下，遊戲都會每隔一段時間根據你嘅邊境網絡佈置提供你米拉礦、錢同埋稀有資源，但如果系統判定你掛緊機，30分鐘之後就會停派，而跳躍可以防止系統判定掛機。

即係你用副廠手掣連撳跳，之後擺低部機瞓覺/翻工，玩嗰陣就滿米拉礦，仲可以攞到唔少錢同稀有資源，其中「凡德潔原礦」喺遊戲後期會非常缺乏，大多數最高級嘅裝置都需要。

至於NSO，唔買會除咗掉寶量只有1/3（詳情請碌上樓上），所有素材都可以透過「物料票券」交換，而冇買NSO唯二嘅票券來源只有地圖探索度（一次性獎勵），同埋每日~300嘅聯團報酬，而連線刷票又快又輕鬆（具體數量好睇你用咩刷法，但4分鐘內2235票應該係最低數字），甚至喺公開特遣隊掛機都有人哋完成特遣隊要務/綜合要務所獲得嘅1/10票券。仲會有啲裝備同機偶嘅製作素材喺無連線嘅情況下只可以用票券先換到，所以請做好心理準備XBXDE完全係pay to win。

不過港版同日版有送7日NSO嘅試用Code，如果真係唔打算買NSO請等12章完結先拎嚟刷票刷裝。

===============================================

神劍基地嘅網路主控台，裡面嘅支援要務係冇NSO都可以打，呢啲支援要務可以用嚟刷經驗值、戰鬥點數、米拉礦、錢同埋牽絆度，所以呢啲支援要務非常有用，特別係前期唔夠礦唔夠錢嗰陣就係靠佢好過等時間到。

===============================================

無論有冇連線，票券第一樣嘢請優先換「耶基勒斯的黃金心臟」， 因為呢個幾乎只能夠靠換（冇連線就只有用票換先拎到），呢粒嘢係Ares 90嘅素材之一。Ares 90係第12章完結之後解鎖嘅機偶，對刷票定刷裝都好有用，到時請優先整Ares 90，另外有部份素材係要刷網絡主控台嘅計時挑戰（冇NSO都可以打），當然用票換都得。

超兵器嘅傷害要準備極大量頂級裝置先可以追上Ares 90，不過如果農夠裝置，係會勁過Ares 90。

===============================================

有兩隻世界王係連線限定，分別係：「零皇耶基勒斯（下稱零皇）」同埋「特雷西亞翼龍（下稱翼龍）」，佢哋嘅素材會有部份機偶同裝備需要用到，例如前面提到嘅「耶基勒斯的黃金心臟」就係出自零皇。

世界王有限挑戰次數，兩隻各自都係十次，當佢重生嗰陣（或者官方出手）先會刷新次數。

世界王只有當所有血條（下稱RP）被玩家打晒先會死，RP之前最高總共係2400萬，不過目前已經大幅下降，翼龍通常半日左右死，而零皇就要好幾日。

而素材分兩種掉落類型，第一類係打到夠鐘之後按機率畀你，「耶基勒斯的黃金心臟」就係呢類型。第二類型係世界王死咗之後根據你打咗幾多RP畀你，要死咗之後喺「世界強敵報酬」嗰度攞。僅有「特雷西亞的再生粒子」同埋「耶基勒斯的王鱗」係第二類型。

第二類素材都係用嚟整外觀向嘅軀體裝備，不過當中有一兩件嘅詞條其實有著嘅價值。

===============================================

學咗嘅戰技同被動技能都可以畀錢重置，唔需要擔心點錯技，而且後期基本上係會學齊晒。

軀體傷害主要係睇格鬥力、射擊力同潛力。格鬥力影響近戰、射擊力影響遠程，潛力影響近戰同遠程嘅所有TP輸出技能。如果想主要玩非TP嘅技，盡量堆高格鬥力/射擊力，而主要玩TP技盡量堆高潛力。

超頻可以透過喺每件防具都插滿「戰技+TP XX」嘅裝置，同埋將軍劍士嘅被動技能「全軍進擊」達成無限超頻。

因為每個裝置會回500TP 全軍進擊都會回500TP，另外如果武器/防具嘅詞條有齒輪計數加成，或者被動技能帶埋全金屬獵豹嘅「幻影計數」，咁你只要連撳超頻就可以直接MAX。

===============================================
暫時淨係諗到咁多，有人想知我再睇下諗唔諗到啲值得講

雅克瑟娜牽絆任務可以攞到嘅「衝壓步槍II」，自動攻擊每發子彈可以回300TP，用埋「彈匣增量XX」嘅裝置每個增加20發子彈，如果畀伊莉娜/HB用，再加上5個「雙重填充縮短XX」，戰技列淨係放「最後一戰」，佢就會不停幫你狂補TP。

===============================================

66級或以上嘅怪只會跌嗰個系列最高級嘅防具，不過61~65嘅怪都有嘅會跌，如果用尼爾涅爾嘅戰技「英勇之詩」可以幫隻怪加5級，從而保證跌嘅防具係最高級嘅。

另外掉落率100%（詞條係「寶藏感應器」）會保證打怪出嘅箱一定係金箱。

===============================================

「部位粉碎者」裝置插夠5個，傷害公式會獨立x2.5。

另外精神探求者嘅被動技能「內核破壞者」同樣喺傷害公式當中係獨立乘數，所以軀體主要輸出嘅武器最好都用以太屬性再加上「內核破壞者」。

===============================================

後期軀體戰鬥嘅主要嘅生存方式係靠全金屬獵豹嘅戰技「幽靈行者」（使用後8次保證閃避）、堆超過100%屬性耐性（部份敵人會降低屬性耐性）、用戰技反射傷害（部份敵人會無視特定屬性反射）同埋睡眠/倒地/暈眩維持控場（部份敵人會無視特定控場）。

買就買咗，好想入坑開Game參與討論

但XB2 XB3啲性能樽頸印象太過深刻，我都係等6月部Switch 2到手先開坑

超頻可以透過喺每件防具都插滿「齒輪+TP XX」嘅裝置，同埋將軍劍士嘅被動技能「全軍進擊」達成無限超頻。