Viu原創劇[爛尾or not？] 《弊傢伙！我要去祓魔》(17)

唔係個個靈力者都隱姓埋名，有班有牌風水師，類如計冥界之門嗰班
星滿天同靈犀者咁friend，緊係匿埋啦，呢點好寫實㗎喎

見到dreaming，至少有陰陽眼
suzuki自盡完，話個魂飛走嘛
唔好問點解飛得咁快

定係電視直播同網上重溫版唔一樣㗎

唔係針對陳姑娘
只係講緊成套劇入面一個咁重要嘅角色，對佢描寫太少
當然巴打你講嘅嘢冇錯，有啲嘢係可以「推測」到出嚟，我亦明白有時唔使畫公仔畫出腸
如果一套劇入面，比佢戲份少嘅角色都有一定程度上描述嘅時候，例如你識話天狗識搵星滿天(擺明唔信佢所以要佢喺lucky land做老師)同醫生(要控制佢所以落鎖靈符)，咁個過程都有描述過，但一個咁重要嘅角色冇乜描述，唔係唔得，但我覺得有點怪/遺憾(正正就係我覺得個角色做得幾好先想了解佢多啲)。

就係唔知佢設定識得計風水術數，係咪就等於有靈力呢
話有玄門認證嗰班，係咪真係有料，定只係發牌俾自己友呃神騙鬼呢

陳姑娘明明係個戲份好重嘅角色，但係佢啲設定係好模糊

咁仲有劃符望鬼嘛
班算盤佬又真係計到方位
仲有叫人捉suzuki，即係luckyland有其他人識捉鬼

所以當陳姑娘本身有靈力嘅話，就番去我上面屎忽痕諗嘅問題
十八年前天狗萬無極唔識呢個陳姑娘係咩人兼追殺緊靈力者嘅時候，有個靈力者咁樣剷上嚟屋企話要幫你手開研經補習班

揾埋俾𢘝

咁叫搵埋俾我咩 你諗清楚個時序同邏輯先
佢咪就係淨係話以前班靈犀者識成首歌，同埋老母靈魂喺毛毛度
咁點樣會跳咗去「係毛毛寫番首歌出嚟」呀

同埋你quote我嗰個comment咪講咗，20集開頭已經曲譜紙飛機派街坊，去到鐵馬呼籲全世界唱歌毛毛先跟着一齊唱

如果係毛毛寫番首歌出嚟，咁開戰之前已經00圓母女相認咗啦，點會打到入配水庫先reveal呢

老老實實套野真係40-50 分max， 亂q咁cut，交代得唔清唔楚，導演功力有限，又唔識導d演員（好似臨尾Cathy仔喊極都冇馬尿），係個idea 夠創新但execute得差。

最恐怖係Facebook有一堆盲粉話「瑕不掩瑜」，根本就係同mirror粉一樣盲撐。

吓，但佢真係咁樣解釋緊
你唔buy
唔關我事

我覺得係佢聽到毛毛哼唱
然後發現係贖靈曲咁樣
唔係毛毛主動去寫首歌

仲有你get錯咗
佢係解釋贖靈曲點返出嚟
唔係嗰陣寫首歌出嚟
時序無錯
就cut走咗

呢邊都係最尾兩集衝擊太大睇到部分觀眾R晒頭先冇咁癲
好初期質疑第三集打小人嗰part點解會咁拍，已經會俾人追着咬

佢套劇唔係「咁樣解釋緊」，係直頭冇解釋到點解贖靈曲出番嚟

你上面cap嗰part，係強尼講只有嗰幾個人知晒成首歌，然後00用排除法知道媽媽靈魂喺毛毛入面，強尼再confirm呢個講法

唔係我buy唔buy嘅問題，亦都真係唔關你事，係套劇關於「點解會出現番贖靈曲」係直接冇講到

//就cut走咗//
咁咪又番去上面講到嘅「live, ig/threads posts 修修補補嘅野，同最後拍同剪出嚟嘅野都唔同」

係劇組事後live 話原案係阿木記得半首，毛毛又有半首，所以最後夾埋出番贖靈曲，可能你諗起劇組個事後講法搞亂咗

但係實際拍出嚟嘅就係19集尾花花重現贖靈曲嘅attempt仍然失敗，然後奶茶研就俾人炸咗啦，之後20集開頭就唔知點解贖靈曲通街派

去到鐵馬呼籲全民唱歌，毛毛又跟着唱，之後就係好awkward嘅強尼無啦啦呢個時候話「呢個其實就係你老母啦」

邊個寫番首歌出嚟，係完全冇講過㗎

原來你咁理解。。。
但我理解同你唔同

有咩點樣去理解啫又係你自己上面#352講「有講㗎 首曲係毛毛（零阿媽）寫返出嚟」 之後你仲要自己補多次「唔係呀 呢個係播出街有講㗎」
咁首歌一係毛毛直接寫，一係透過毛毛協助寫番出嚟㗎啫

而事實上就係套劇根本提都冇提過贖靈曲係點樣出番嚟，直接skip咗 去到毛毛唱歌嗰陣，已經係全民大合唱，人人手上都有曲譜
所以我先問你首曲係毛毛寫呢件事「幾時講㗎」
我點樣理解，同你有咩見解，係唔重要㗎
個問題從來都係好簡單，就係「劇中有冇講過，幾時講過㗎？」

我理解係毛毛哼出嚟
同你理解唔同

你話佢無提
但我理解嗰句嘢推斷到係毛毛得出嚟

即係推斷出嚟
你係要 解決性對白
幫唔到你

IT夠果時咁好反應都要等3~4年
呢套仲要搞CG , 真係2030 架

頂 你咁樣緊係幫唔到啦
因為你成個理解「毛毛哼首歌，所以寫番首贖靈曲出嚟」「播出街有講係毛毛寫番出嚟」唔係推斷，係直頭腦補
除咗最後配水庫大戰全民大合唱之外，毛毛幾時有哼過贖靈曲出嚟啫
你自己幫套劇作埋毛毛之前哼首歌出嚟，不過觀眾唔會透過套劇有任何明示暗示知道，咁你咩都可以「推斷」到出嚟啦大佬

咁樣「理解」「推斷」嘅話，話係之前馮素波、黃宇詩同埋個男士靈犀者喺之前親身見面嗰陣夾番首歌出嚟仲更加可信啦，佢地都係知晒成首贖靈曲㗎，不過cut晒冇拍到，所以冇辦法求證㗎

唔啱
馮素波、黃宇詩同埋個男士靈犀者有去開會
所以一定唔係

開會係講緊萬無極去奶茶研嗰幕
個個問咁首曲點

https://www.threads.net/@quicheung/post/DHBWB9Axmz8?xmt=AQGzYVUIbfYnsbUjcN4JTbWXfSCnff8mNC9nlWYdFE_fjE8
呢個係全尼?認唔到喎

咁由強尼俾人爆眼，到火燒奶茶研，到之後已經有晒贖靈曲曲譜周街派，中間發生咗咩事你知咩？
係之後強尼配水庫隧道攞番靈力之前暗示靈犀者死晒之嘛，冇講過佢地死之前有或者冇做過啲咩㗎喎，話唔定係同寫番贖靈曲出嚟有關㗎喎，你知咩？
除咗萬無極遙控近江開會之外，襲擊奶茶研之前佢三個都再有親身俾人fake去開會㗎，佢地三個身上有冇咩關鍵item，臨死前交俾其他人所以寫到贖靈曲出嚟，你知咩？可能佢地一直有但係十八年咁長，萬無極嚟嗰陣仲係唔記得咗咪真心問首歌點處理，番去執屋嗰陣就搵番，諗着再出嚟拎俾強尼佢地，你知咩？
可能係冇拍出嚟俾你睇，cut咗之嘛，尹光都可以有個音樂盒啦，我都可以一樣咁「推斷」佢三個留有曲譜紀錄㗎，不過套劇冇拍到出嚟啫
點解咁肯定一定唔關佢地事，而要係毛毛哼歌先係正確推斷嘅？

一有咩事就幫套劇加情節加設定，好多怪嘅位都可以變成合情合理㗎，唔得咪再疊加上去囉
只要你敢作落去，你寫到最終戰有4度冥界之門係由毛毛引起都得㗎