Viu原創劇[爛尾or not？] 《弊傢伙！我要去祓魔》(17)

因為導演上次係拍暖男爸爸
套劇未出街之前我係驚驚地佢carry唔到
會由頭伏到尾

有講㗎
首曲係毛毛（零阿媽）寫返出嚟

毛毛（零阿媽）寫返出嚟

導演講咗爭取緊開第二季

錢買唔到自由，呢點係viu最大吸引力

敵人可以有好多的

其實第19集都好睇
甚至第19集個尾就咁喺嗰度完
跟住話強尼死咗/其他人死嘅死，捉嘅捉
百鬼夜行發生
從此香港安平巿就俾鬼統治

必要時咪留條尾話零/敏走甩咗，鋪第二季囉

爛尾 唔洗晒時間睇啦

Viu依家咁多劇 邊會開第二季比佢

實際播出街嘅係另一回事呀嘛
live, ig/threads posts 修修補補嘅野，同最後拍同剪出嚟嘅野都唔同，講嚟晒氣啦

導演係有啲太貪心，好想將啲ACG元素塞晒入去，要玩啲終極大戰，個格局set得太大啦
如果套劇由一開始就唔玩啲咩「阻止第二次百鬼夜行冚市剷」

變成俾玄門正宗壓迫之下嘅安平市，強尼同其他有靈力嘅人一邊奶茶研接任幫人、日常胡鬧，探索唔同人鬼喺各種環境生活嘅小故事，唔同角色有番自己嘅成長，用啲主線event穿番20集(例如強尼振作，面對過去搵番使命，00搵父母學識點面對失去，敏就同而家一樣小人物發揮所長幫人,etc)，其實已經會好好睇
劇中強尼個捉鬼暖水壺呢啲好地道嘅道具，00嗰啲術數同正常人日常生活conflict，其實係好有趣嘅野，但係呢啲之後唔見晒

明知冇budget，都仲要拍大戰level，最後個成品咁樣出街，其實套劇真係好可惜

通常呢啲喺日漫嘅處理手法
就係身一季一路用水壺
會畀人感覺少少拖咁
勁多日常野
去到最後用水壺收左隻boss
但係第2季會發現隻boss 都只係final boss 一隻棋
之後先再用其他方法對戰
佢skip 左第1boss 呢個階段
好快就唔用個水壺

太短又冇錢
人貪心都係正常
即係買層樓
得400呎又想有花園有露台
真係夾硬做就會變弱智feel

係，個頭開得太大，講真頭18集係真係幾好睇(除咗CG)，第19集頭3節獨立咁睇其實都唔錯(但已經有少少奇怪，第18集最後朱謙個表情跟住突然轉到第19集個日常風)。第19集最後一節個twist其實都玩得靚嘅。但嗰陣已經心知不妙，你咁多嘢未講剩返一集解唔解得返晒㗎？

跟住睇埋大結局，嘩我真係好失望，你真係就咁俾個「結局」我，我睇完真係黑人問號

好，陳姑娘點解有靈力，你冇講(我當你吹到佢話本身就有，只係之前冇講，算)
陳姑娘同真。萬無極變灰，我當你話係啲鬼攪到佢哋變灰，算
管理員我當你俾唐兄(鬼)變灰，算
單春+Dreaming條線/其他之前冇解釋過嘅嘢，我當你因為得20集要取捨放唔晒咁多，我都算
其他劇本嘅小問題，我明好難做到100%完美，我算

但好明顯有啲細微位係可以好簡單咁做好少少
例如第18集近江(天狗版)喺奶茶研，明明00索到啲嘢，我知你得返2集，你唔解釋/唔夠時間解釋返唔緊要。咁你咪cut走00索鼻嗰1秒鏡頭囉，呢啲其實真係好細微，講真本身真係唔係大問題，但如果成套劇好多小問題加埋的話就會變咗成個觀感影響好大了。

真心支持的，我第一次咁樣追晒一套劇，希望編導吸收到經驗，下一部作品做好啲

用垃圾CG講個觸動人心嘅故事，好過用大筆金錢堆砌一套樣板戲。

講真，呢套真係好多缺點，尤其是尾段劇情編排、剪接同CG。

但呢套都仲有好多值得欣賞嘅地方，例如朱謙、Rosa幾個好戲之人嘅演出啦，Kathy仔都令人眼前一亮。導演創新同放ACG元素，其實好多係放得幾好睇或者幾有心思，唔只係值得支持，有啲位係值得欣賞嘅。

仲有bonus就係故事同對白可能都會觸動到一啲香港人觀眾，更加值得支持啦。

雖然個尾係差啲，但我都覺得係值得睇。

點解會覺得陳姑娘冇靈力？
陳姑娘見工時係玄門相關人士，可以同dreaming傾偈，收dreaming時手劃符咒（有cg）

係有野值得欣賞 但係佢爛尾係冇得否認嘅事實 接受到既咪睇 diutv次次氹到人落搭都唔可以好頭好尾嘅 好日都唔睇一次港劇 睇到尾先知出事 套野拍完差唔多2年 唔係依家先知有問題下話

唔係呀
呢個係播出街有講㗎

上次暖男爸爸果類時裝劇冇咁燒錢，咁就冇出事。
呢套真心有少少失望，不過好期待佢下次可以多啲資源拍好啲。

如果照套劇時序嚟講(如果我冇記錯/漏)，20集入面「時序」最早嘅陳姑娘應該就係出現喺舊萬無極(未成為會長前)床上面嗰幕，咁當時萬無極係一個「冇用」嘅玄學家，咁我先入為主咗覺得陳姑娘冇靈力(所以我話你要話佢一早有都可以)，但如果陳姑娘本身有靈力，仲要強到做到天狗頭馬，而天狗亦咁信任佢(又係冇解釋點解咁信任佢)，咁成套劇對陳姑娘嘅描述又好似唔係咁足夠？管理員都有幾分鐘講下俾天狗落咗式神，以一個對全套劇咁重要嘅角色嚟講，我只係知道佢好迷戀original 萬無極，但點解佢靈力咁強，點解天狗咁信任佢，20集都冇提過。以佢作為女3（戲份多過星滿天/管理員/唐兄/鐵馬，而呢幾個角色都有介紹下背景)嚟講有點奇怪。

唔係去到IT狗或者229果種口碑，我諗都好難開到第二季。

天狗信佢，我理解為佢夠忠心同辦事真係有能力，呢兩樣其實都唔難推測到出黎。

呢個係佢設定好謎嘅地方之一
的確好似你咁講，佢去醫院搵dreaming嗰陣係識畫符咒咁樣

但係十八年前，第一次百鬼夜行之後，靈力者俾人追捕，個個隱姓埋名咁款，天狗萬無極挖角星滿天個景都係啲隱蔽地方
再之前陳姑娘見工嗰陣個身分係研經補習班負責人，唔係玄門相關人士，亦都唔係話自己有靈力所以嚟見工
而當時天狗萬無極係唔認得陳姑娘嘅 咁樣一個靈力者大搖大擺喺當時嘅天狗面前出現而冇事又聘用佢就好怪

另外一個設定怪嘅地方就係，校工文嗰part唔知係特登唔望定睇唔到，如果你話佢可以見到dreaming，所以證明佢有靈力，但係suzuki自盡嗰陣，佢又睇唔到佢個鬼魂去咗邊㗎喎

天狗識搵星滿天醫生，可能陳姑娘經書研究係有料呢，又做得嘢，殺人唔眨眼，呢點已經信得過
萬無極冇料都溝到企業家rosa，而rosa都話佢把口勁，溝到陳姑娘唔奇
至於點解佢靈力咁強，呢套戲幾乎個個靈力者都冇解過
去到14集先講少少陳姑娘過往，擺明係final boss要收埋，behide天狗

雖然套戲好多位冇交代，但唔建議針對陳姑娘

認真咩 幾時講㗎
19集奶茶研爆完之後，20集開頭已經直接掉緊紙飛機單張
去到臨final fight 鐵馬叫人一齊唱歌，毛毛跟着唱先知原來佢識唱歌仲reveal佢係老母靈魂 嗰下先係全套劇第一次講毛毛同首歌有關

唔好話邊個寫出嚟，連點解寫得番出嚟都唔知喎