分享下你全身麻醉做手術嘅經歷

見大部分都係俾人拍醒

正常唔會自然醒？

兩次全麻
一次私家一次公立
私家果次訓完醒返成個人好精神
好耐未試過咁好訓
直頭想即刻落床
如果唔係麻醉要錢我想日日都咁好訓添
私家醫院收多我一晚錢第二日朝早先走
公立果次都一樣一醒就醒返
不過個手術係做第二個位
一醒返五分鐘之後啲藥真係退哂果下個傷口痛撚到仆街
我話傷口好痛醫生話係咁架，你等多陣睇下點
咁痛左一個鐘之後確實係冇再痛
跟住三個鐘之後直接叫我走，唔洗過夜

入麻醉果下會有啲不適感
麻醉師會係旁邊叫你數唔記得幾多下
然後就醒返醒返果下先係最辛苦

即日出院咁勁？做咩手術？

想話搵返之前病友個PO但唔見左

細個GA割包皮
落手術室前喺病房打枝針
以為果枝係麻醉針，點知一路冇睡意勁驚以為要生劏

做完成日暈暈地，同飲親汽水同維他奶都會作嘔
到大半年後先慢慢好番

私家真係5星級服務
雖然價錢都係5星級

其實係執手尾手術

當日公立係迫我做局部麻醉
傷口發炎到對麻醉劑冇效
而當時嘅醫生冇提供全身麻醉但要等兩日嘅option 我
我喺近乎冇麻醉作用之下做第一次手術
痛到仆街，俾人凌遲咁
做完仲冇止痛藥食
冇清哂入面啲膿，再發炎得更嚴重

考車牌撞到手指尼骨折，
即日去威爾斯急症 照唔到，攞咗D止痛藥之類 踢返屋企，
隔2日未消腫 ，咁啱果日喺北區醫院開工，
Lunch有空閑就睇多次醫生 順便攞下止痛藥，
點知照到手指骨真係裂左，就咁扣留住十幾日做手術。
第一次手術 正常，但係即日出院 搭火車返屋企，我手打咗石膏 上水上車都冇位，唯有企住，點知俾個阿婆用勁硬嘅背包壓埋黎，
過咗幾個站有人話我流緊血喎，咁我受傷傷口流血好正常姐，佢指住話唔撚係喎 真係有血係石膏度流出黎，
我心諗今次仆街啦，我feel唔到痛。
就咁樣即日再次入院。
醫生X ray 照出黎 成節手指骨 齊口斷開，今次唔係骨裂係真係斷開左。
呢個阿婆真係唔少野。
多謝佢我又瞓多十幾日。

第二次手術 我係俾人插醒。
你痛醒咗見到嘅係十幾個學生 ，而我就係青蛙，個醫生係度玩緊我呼吸果條喉，可能麻醉唔夠 我覺得有D痛，但係俾鬼責 全身侑唔到，由得佢玩緊抽插我條喉。
醒返之後痛到唔記得投訴。
阿醫生佢加固左一條金屬條，今次肯定唔會斷，
不過佢裝錯咗相反方向，成條金屬頂住關節，
究竟呢個醫生係唔係盲嘅，我當時仲未知，因為第3次又係佢點知仲on 9

第三次手術
今次係抽返走呢條金屬條，因為真係痛。
我專登走去荔枝角明愛 ，點知俾佢踢返我去反北區醫院 而且係同一個醫生。
今次手術之後冇特別問題 就假，佢雖然抽返走條金屬，但係佢將2節骨嘅關節縮埋 黏住左，好似冇咗關節，我屈曲手指就會骨撞骨，但係其實我斷骨嘅位置唔係呢度…
1st 骨裂

2nd斷骨 & 加金屬條

3rd 冇咗關節

所以點解平時要儲錢.....就係呢啲時候用

正常唔會係手術室醒
中小手術都做過 公立私家都有
通常會推左你出黎 有個護士睇住咁 護士見你有反應先拍你
醒左就番房
不過麻醉通常想嘔 想嘔記得問佢拎個袋

未數到十就訓著左

咪就係見到自己成身血，跟住又暈咗

有無胃喉尿喉？

正常醒咗個陣係應該已經抆左喉定仲插緊？

一定抆哂 除左你自己抖唔到氣

手術前唔知幾多個鐘會唔准食嘢唔准飲水
你全身淨係着一件袍
手術室好凍好大風，醫生叫你倒數10聲
好似倒數咗三聲之後就瞓着咗
起身已經送返上病房
千祈唔好自己落床
麻醉藥未過，四肢無力
跌落地會收皮

有冇人做完全麻手術之後都會係咁放屁

前年 麻醉醫生好似吉啲嘢係我手指 感到一陣熱流 跟住已經係另一間房醒返 我第一句問𠵱家幾點

睇你做咩手術 我嗰時割膿瘡 手術真係冇嘢 斷咗片

之後日日要去公立診所洗傷口先痛夾麻煩

呀 六年前照心導管 即係用通波仔支嘢check 心臟 睇啲冠狀動脈咩情況 洗唔洗通 全程清醒 望到個大mon 唔痛 係入嗰吓好似夾咗吓手腕 跟住感覺到有蟻爬上隻手咁 都唔知搞咗幾耐 好似大半個鐘

兩次全麻
一次私家一次公立
第一次訓完做完手術
濛瀧之間俾護士叫醒
原來係叫醒我睇手術戰利品
証明有做手術
跟住累到繼續訓
酲左傷口有少少痛
訓左4，5日醫院等傷口唔痛/埋口
出院返工無咩野 不過可能果時出地盤
埋口傷口係咁滲水/汗水

大約10年後第二次手術
其實可以唔做手術 不過太痛
自己落巴士去左政府醫院要求做手術
打完俾屋企人講聲 即晚做手術
最好笑 訓係手術床 吸緊麻醉果d氣體果時
聽到成班護士傾計 佢地將我手術位置左定右講錯左？
想提果下已經訓左
好彩最後都手術正確同成功
好似好快出院
不過因為要避免碰到傷口痛處
有半個月姿勢就住就住好辛苦

有人話全身麻醉唔可以做咁多次
對身體唔好/會遲純左

幸好冇咩/本身唔算好醒目

早幾年割包皮🥹🥹推你去門口，問你叫咩名，做咩手術，之後推你入房再問多次，之後會同你講叫你吸氣，吸完唔夠5秒昏迷咗，瞓醒嘅時候就已經上咗房

諗返起嗰陣時真係好尷尬，我仲好記得問我嘅姑娘係好後生🤣🤣

爆肺要做微創手術，一朝早被推入手術室
冇耐就失去知覺
到嗰晚成8點幾先醒，但麻醉藥仲有啲效，好快又瞓咗
第二朝全日瘟瘟沌沌，又係瞓