分享下你全身麻醉做手術嘅經歷

第一次係完全無感覺，一醒就醒返，就好撚痛
第二次係feel到時間係有流動既感覺，但又好唔真實咁，好似平時恰著左，醒與未醒之間個下

有啲人又話醒返仲插緊，要睇你係咪真係有意識先敢抆

每次全身麻醉完都會覺得好神奇
- 分享自 LIHKG 討論區
https://lih.kg/byhDkDV

你問你朋友係咪以為自己韓劇男主角呀

叫佢唔好出街啦
唔驚樓上掉野落把刀落嚟咩？

驚驚驚kam到

知唔知你好撚尷

我20年公立做過全身麻醉
因為淨係着件手術衫關係 入到去覺得好凍
印象中醫生問我叫咩名 知唔知做咩手術
答完佢之後我就feel到有啲好凍嘅液體入咗落血管到
明明我一直都無合埋眼
但下一秒就已經做完手術係床上面擘開隻眼
個感覺真係好奇妙 完全斷咗片咁
所以其實係唔需要擔心或者驚㗎
因為你嗰陣係feel唔到時間嘅流逝

照腸胃鏡，全身麻醉，之前有睇過類似片。

記得嗰陣較好個位打針/吸唔知咩氣，之後覺得「屌都無料到」

下秒做完醒撚咗

身體問題只能夠用手術解決，所以係公立醫院做過全身麻醉大大小小手術超過30次以上，仲未計腸胃鏡 局部麻醉 同 監察麻醉手術。

有一間醫院麻醉師跟進開我，每次手術都只定係佢幫我麻醉，自己又爆過肺做過痴肺手術 心臟又有少問題又有胃酸倒流，加上佢係穩陣要求安全好高嘅麻醉師，所以每次麻醉前一定係手腕打動脈導管（大手術打晒兩隻手），首先打局部麻醉針跟住好似中醫把脈咁感覺動脈係邊再落針，好多時吉幾次都唔中，有時會痛到自然反應縮一縮。
佢心情好就唔打住等我麻醉咗先再整，除咗動脈 靜脈 黃豆 ，麻醉之後仲要係頸血管插一條長導管。

正常落麻醉藥手臂感覺到痛就準備訓著，我係第一次落少少麻醉藥訓平放鬆個人，等一陣醫護人員用手指按實喉嚨先再落多次麻醉藥先訓著
第二次麻醉藥手臂會比第一次痛好多，唔知點解

人越大越嚟越怕痛 。

前幾個月做咗個10幾鐘嘅手術 直接喺手術室入邊醒 之後直入ICU

麻醉醫生同你傾吓偈 俾個面罩你叫你慢慢呼吸 吸咗兩三啖，就會熄咗機冇晒知覺 瞓醒已經推咗出去 不過做完手術食嘢會嘔返晒出嚟

由冰凍既麻醉藥打入手
開始數十秒
數到四或五秒左右就做完手術

吸完麻醉
5秒內訓著

瞓上床，啲光好殘眼，醫生幫你戴罩，叫你大力吸啖氣，然後醒咗就已經出咗手術室，訓響張病床上面。醒左開頭嘅時候暈暈地有啲想嘔。

一開始就喺手背搵血管，對完後咪叫我合埋眼瞓 心入面數3秒，數完我都未瞓，數多十秒就發現醒咗自己被人綁住咗喺床

仲要動作好似賽車入pit咁，爽手快啦屌仲有撚多人排ga diu，直隊入去

撞正我果次戒食消化唔晒d食物，要第二日再照再戒食，怕怕

啲人係做做下醒左正常咁樣麻醉師好大責任 唔應該咁

打麻醉藥， feel到d藥係手流向身
到膊頭左右就冇意識，大概3，4秒
但醒返頭痛到爆，又暈又反胃

做過脊骨手術 全身麻醉
入去剩係見到麻醉師就瞓著咗
瞓醒已經做完 喺手術室等搬返出去 冇咩感覺
麻醉未散所以食咩都嘔
但兩日後可以正常食嘢就即刻可以出院
同你朋友講加油

做十字孕帶手術
本身怕痛怕血，醫生話做局部就ok
我怕到要佢做全身

做果時佢d藥未到就開波
我大叫我仲未暈，可否等多陣
疑似聽到醫生妖一聲，開大左個笑氣，之後我就斷左片

起身時係走廊，著得一件手術衫，好撚凍 係度狂震

鼻甲切除同割扁桃線

但我係隻手喎

隻手打藥涼浸浸，仲擔心緊會唔會對我冇效
醒返已經做完我記得有發夢

子宮息肉 ，全麻
1秒訓著左，下次醒就係護士話上番房
推上電梯果時有意識但好眼訓 勁想嘔 出哂冷汗
隔左2-3個鐘就行得走得