真三國無雙 起源(15)

岩岩打左次, 唔係

請問一下，點解有好多時明明開咗覺醒都唔一定出到絕。無雙？

明明條bar仲有好多氣，一覺醒就爆無雙，或者等到佢自己完，都會淨係出到普通無雙？
唔該咁多位

要滿bar開先出到

咁你搵下劇情仲有乜係？？？未解囉

如果係動畫，一個個係郭嘉死，一個係冇死

可能純粹係bug(可解決)
因為我第一輪時，序章係有一段片無unlock。之後玩多次第一輪先unlock咗。所以你睇咗影片list 有邊個係問號先。即使你己經玩過既都check下

其實日本可以有咁多人知中國既三國歷史已經好勁
除左因為光榮都仲有司馬遼太郎
其他既日本人應該對日本個啲南北朝都比中國其他朝代有興趣

其實係因為三國係「最新」、最update既文化輸入
日本本身係無文字，係由唐代既官去日本文化交流時將漢字傳入。日本人再啓發出「假名」。漢字喺日本比日本字更早。

而唐代時，正史(官方承認)既只有前四史。最新嗰本叫三國志。而晉書喺第一次唐日交流時都未成書。所以三國志係日本人第一批睇而又最新既既史書。

可能你話橫山光輝、koei、capcom、司馬遼太郎影響緊現代日本人對三國史既觀感。但你要諗下依啲人本身都係受自身文化影響先係寫三國。

幾得意
希望唔好當Bug Fix

想問下雙戟係虎牢關前定後打虎牢關時未有驚miss左
同埋如果miss左之後有無得拎返

中文版叫逆天改命真係型好多(日文版叫天命改變...)

一周目點會有方天戟

雙戟下話

你地唔熟個系統姐。要用正確武器正確武藝

呂布10 格盾要短時間爆哂。最簡單就雙戟原地重擊，一套3-4盾、一係就扑刀炎海，呢兩個一周目削盾神技黎

目錄100 ？仲要故事100 喎

我有用朴刀炎海，但掌握唔到佢爆紅氣d舉動，咁我lv40 夠唔夠打，需要再升嗎？

其實正路應該唔駛 咩武器都係一齊開覺醒埋去貼著佢普攻打到尾本身已經可以打到得番兩三格盾
臨完求其放個高消費武藝R多少少，絕無雙收招衝擊波加埋都一定扣多過3格

最尾全場死哂時我冇覺醒了，之前用左，諗住留返交替夏侯惇最後用，點知佢又早死

個人體感雙戟係最優解，扑刀炎海係武藝，要扣覺醒bar，雙戟係齋重擊，冇任何消耗

覺醒中途係無敵，唔駛避/閃/擋任何招，企定定同佢互咬就得

練習下，唔好開覺醒打
個場有包，雖然我係建議唔食，你最後都要面對赤兔挑戰，早d練習到係好

矛後期武藝可以擋黃 紅技
有不撓心膽buff底下 用覆天嵐矛同破軍大喝（要練到極）可以鎖血擋黃紅技

哦，我用雙戟麻麻，嫌佢有d慢，再試下朴刀一陣先，咁我應該將覺醒留喺最尾1on1用，班契弟名將係咪一定會早死，最後留返我同布布單挑？

諗住佢火都點唔到會士氣低輕鬆切菜，21分完場is侮辱
入到大軍團個個兩箭咀保底，開親技都係絕無雙得嗰一分鐘去解
孫權兩次覺醒，結果壓線剩30秒先過

超長分享，勿怪

已經冇印象對上一次打機打到要「拎盡晒全力出嚟先過到」係幾時，唔係因為勁，相反係因為廢，年紀大對啲為魂而魂既GAME已經冇乜耐性，打幾打過唔到直接棄坑

話說「三國無雙起源」打完第一週目，嘗試一嘢由普通難度調去最高難度既「勇戰無雙之人」，覺得根本都唔係畀人玩，街邊是旦一個兵長戰力都高過普通難度最後期名將，殺敵又唔會跌任何補血用品，諗住慢慢跟劇情打上去慢慢升數值啦，蝦~ 見有friend癲到一入二週目就挑戰打最高難度呂布，仲贏埋，把鬼火我又試吓先

我揀既係虎牢關，最高強度既呂布絕對有打舊無雙時嗰份實力同恐怖感，不過因為今代玩家都有好多高階應對手段，長期有打街霸防老人癡呆既我適應完都叫拆得掂，我係喺呂布出場前就清晒所有據點，然後由佢出場一刻就一直追實嚟打，心諗都冇咩後顧之憂啦，專心對付唔理軍情，條友極厚血根本企喺度任斬都要打幾個字，加埋又坐法拉利赤兔四圍跑又大大力還拖，結果攪勁耐先收佢皮（我用劍）

殺咗佢既一刻先得閒理軍情，呢刻發現我軍得番以下戰力：

我、盲夏候(隨行武將)、三十幾個義勇兵、殘晒血就死既劉關張，以及袁紹本陣四條根本唔參戰既磨碌

董卓軍？兵力以千計既雜卒、完整無損既鐵盾陣、投石機、弓箭手、以及十幾個「有名」既武將

打條毛呀？我到底做錯咩嘢？明明見人話呢關打完呂布就全明星陣容殺入董卓陣營，但我啲友軍死L晒喎！冇得揀都要夾硬衝架啦，一入本陣，殘血劉關張即時畀投石機秒L埋，好嘢

要夾硬打埋落去，唯有逐個「有名」武將引開，絕對唔可以畀自己一抽二混戰，中途仲要積極攝機會爆盾陣拆投石機，勁辛苦勁極限，唔夠血就老遠跑去據點食包同補充義勇兵，到啲包食盡晒就積極清雜卒谷無雙Bar(unlock咗開無雙殺敵有血補技能)，勝利條件變相要剝對手光豬，喺強烈既死亡陰影下，居然畀我清吓又一個清吓又一個，最後面對董卓心理壓力仲大過打呂布百倍，一旦戰死我諗對上個checkpoint係個幾鐘頭前，一個完整既董卓本陣呀！我唔可以死架！董卓拎既武器係雙戟，招無雙係高速衝埋唻三次，嗰刻我淨低既血量絕對接唔住一擊，好在之前打同款武器既張遼有經驗叫做識避，但嗰刻都打到我梅原上身parry鳳翼扇咁款，最終桶死佢一刻我真係覺得完成咗件人生大事

係，我知仲有下邳呂布等緊我，殺埋佢先有得拎赤兔，唔得喇咁樣打完虎牢關心理真係超唔平衡，等我拎把滅鸞屠番幾日城先講