唔知啟德D私樓業主一見到啟欣苑個無敵大海景，自己樓價貴一半UP會係咩感受？

650萬嘅居屋都唔係3房啦
你唔係話400尺間3房下嘛

你認為地點可以抵銷居屋呢個質素問題咩 地點係咁緊要嘅，點解踎喺公屋幾廿年

我寧願住你所講嘅屎之戀，話臭嘅都唔知有冇去過，買咗之後租比乞衣住都唔關房協事，你買居屋未補地價冇得租出，淨係呢樣都已經玩完

十年前 啲私人樓起得仲係簡撲啲 真心無乜大分別
依家下下起到咁豪華 特別啟德啲新區
咁事實上同區係平幾球 但區區都係咁
一個區入面私人樓都幾個級數 價錢都差好遠

同埋大家要嘅野都唔同 一種係居者置其屋
一種係生活質素嘅提升 比嘅錢係包埋門面會所園林 行出黎個保安都醒目啲

啟德最衰全部新起 無乜舊樓過渡 個個都係豪華新屋苑

老老實 唔知比緊咩 免費送一間啟德私樓同居屋比你
你會點揀

有另一個說法 公屋太偏遠變相冇動力返工
班友直接躺平
不過location正過私樓又真係講唔通

咁一係所有細路都規定要去大西北返學，市區校網留返比私樓戶，市區醫療一樣，公屋戶只係可以去流浮山睇醫生

賣650萬的450-470呎居屋已經可以做三房。

跟足你指引，用你所講的海之戀和啟朗對比。
海之戀518呎係開廚+1廳+無露台，廳size係闊2800mm*長4550mm。同埋係8xx萬


啟朗445呎係梗廚+2廳，廳size係闊2370mm*長6050mm，係廳入面劏一刀拎1.5米間房，放3呎牀，個廳都 仲有2370mm *4500mm ，視覺上廳都唔會細得去邊。唔間個廳就好明顯大過海之戀好多。同埋賣6xx萬


平200萬，地點好左，多左0.5房，升級左梗廚
所以咪有人買。當然都有人買海之戀，但居屋有哩個價錢成交，就代表佢都有哩個市場。不是公屋仔買唔起哩個價錢，而是你不瞭解公屋仔。我2年前睇樓，未補地價800萬居屋都見唔少，我都想個個人去炒私樓而不是居屋，但市場就係咁。

香港公屋戶有成100萬戶，2百幾萬人，當中富戶只有4萬戶，4％先叫有啲積蓄收入，咁叫公屋仔買得起咩

地點呢啲好唔好咗其實好難講，荃灣先係香港中心點，去邊都係30分鐘內包括大陸同機場，又有得行山行水塘行沙灘，個區亦完成發展你喺樓下大把紅van

現實啲係海之戀，私樓可以隨時放租，壓力少啲又可以彈性啲，搬返去同老母住再收租又得，移民又得

居屋過500萬未補地價都唔洗理，買居屋就係要平，要實用，依家又貴又唔實用又唔彈性（你呢個拆唔到牆）

小朋友知唔知咩叫白居二，又知唔知富戶嘅準則係咩，綠表嘅資格又係咩？

四人家庭60,000至150,000都係富戶，一達到資產限額（310萬）就必須遷出，呢啲就要逼住買啦.

仲有就嚟退休嘅紀律部隊退休就要喺收返宿舍之前都逼住用綠表買，好似之前紅青蘿蔔湯嘅嘅退休公務員都臨退休先買返間居屋，呢個亦都係收緊公屋同居屋政策嘅導火線。

白居二淨係計申請人收入資產，總之佢申請之前資產唔超上限都可以申請，去到搵樓先至諗按揭定搵屋企人搬錢，就算係按揭，因為政府擔保冇入息都可以批，所以點解咁多人買

叔叔你有冇Google過依家白居二係比40歲樓下申請？？有幾多公屋富戶咪就係4％，你揾6萬同一千萬都係4％，人數係冇變多，講真你有3百萬cash你會搬去住咩？貪又住返公屋間隔迫喺4百尺好啲？

同埋我都講咗幾次話租唔出

睇點設計
大把私樓做到無窗花但不失安全性

因為貝沙灣堆住客都需要保安同清潔工人
就好似以前啲太監宮女都係住紫禁城一樣

班友唔計下條數買得兩萬幾蚊呎兩房嘅人
個入息點樣可以買到居屋
仲要笑人哋傻仔覺得自己好精明有得揀所以揀居屋咁

荃灣係香港中心？香港得4萬公屋富戶？
住開公屋個個都識玩漏洞啦。同你講，以我之前住公屋來睇，70%住公屋都係唔符合資格架。現金糧，除名，資產回大陸。大把玩法。
點解買到咁多居二賣600幾萬做到按揭？因為有錢人多。唔好井底之蛙啦。買來自住，唔啱就賣翻比居二，本身就唔會有人諗來放租。都話有成交就代表有市場。事實就係大把人600幾萬買居二，居屋就保值過私家樓，事實勝於雄辯。

小朋友有讀寫障礙，我就建議你搵醫生check吓。

你邊度睇到白居二淨係比40歲樓下申請？只係新增嘅1500配額比40歲樓下，反而利好喎。

我建議你Google多次。

同埋綠表唔淨只係有公屋富戶喎，同埋一定係富戶先買得起居屋？仲未計有公務員配額。

唔係讀寫障礙，係公屋居屋呢啲嘢根本唔熟唔關我事因為未住過
啱啱check得果幾千人有資格白居二，加埋呢啲40歲以下，居屋實有人買，但係啟德居屋咁貴 做咩睇唔到我concern話唔可以租出去

你唔係富戶哪有錢 唔通我普通人無啦啦屎忽痕搬去住居屋

你計地圖荃灣係屬於中心，第一個新市鎮揀荃灣嘅原因

你講果啲偷雞攞著數嘅就冇得好講，但係未比人踢走嘅其實都唔算富啦下話，3人家庭200萬，早幾年樓市興旺果陣都未夠買間房

白居二又好，綠表又好，富戶又好，3人家庭條件係百幾二萬資產，咁樣叫有錢人 咪打飛機啦

荃灣係中心。我20幾年淨係去過一次荃灣工業區修電腦

「你講果啲偷雞攞著數嘅就冇得好講」
而70%公屋住戶都係偷雞攞著數。 之後你話唔計。
無嘢好講啦。都話事實勝於雄辯，等公屋仔買唔起6xx萬居屋再話居屋唔值錢啦。事實就係18年買一手居屋宜家賣全部賺錢，18年買私家樓9成蝕錢

咁你唔熟仲叫我去Google

其實可以拎房委會同意租出去

其實好多偷雞富戶

咁你答我點解啟朗苑14000 一尺都有人買

你有咩證據話70%公屋戶虛報收入資產？
定係憑感覺估

一個用磅計住食一個成樽食

係咪租其中一間房出去比房署list嘅輪候者 屌咁樣衰咩

炒家咪買囉，諗住咩放喺度5年賣出去賺返筆果啲，諗住大陸人接手，自住買14000尺公屋同款居屋傻撚咗咩，個管理費都夠交租

請問個管理費夠交邊度租，請教下

你唔去唔代表唔係
正如我冇事都唔會去啟德一樣

咁白卡傷殘，新移民南亞，道友古惑仔，綜援社會低層你唔計 然後諗住7成人住公屋都其實本身收埋啲錢係富戶，大陸有樓 你係咪打緊飛機等自己個心住得舒服啲

大陸啲樓大灣區清遠果啲賣緊廿幾萬 我都可以做大業主， 有實力果啲乜真係貪住公屋咩

我間唔中搭車去公屋同識少少公屋人可以話你知一個現象，就係佢哋比起私樓啲人，好鍾意吹水同曬命比人聽

講緊公屋，你居屋管理費成千蚊，有啲貴嘅要幾蚊尺，唔係夠交租係咩

夠條毛，啟朗同樣尺寸同區起碼二千幾租

講咩？我話居屋管理費夠交公屋屋租
管理費有千幾亦都有二千幾
公屋屋租有0蚊，亦都有幾千蚊