【香港<>拉薩】西藏航空開通香港往返拉薩航線。(經停成都)

想問下巴絲們 你地去到搵當地導遊定係點？
爬文完 諗緊去到包車定係好似啲page講咁一早搵定guide 帶團

人數多，可以搵旅行社去包車/包團

我上次搵咗個想去嘅行程去問旅行社，但佢話如果係自己PLAN 行程，就無得當係包團，只能當包車，食/門票都係食自己，酒店可以揀俾佢，又或者佢揀俾你。

車費同酒店係兩個價，另外單人住一晚房就要補差價。

正規包車都係要搵旅行社搞，另外如果涉及要邊防證，都要留意。

因為本身又想去珠峰大本營 所以又要搞邊防證
我都諗住差不多十個人左右去 包團唔知會唔會變到好趕鴨仔
主要真係純粹想有車送去啲遠既spot 同搵到酒店咁
因為聽聞好似外來人正精手法好難卜到？

你去飛豬睇啲差唔多嘅行程，如果你第一次去嘅話，真係唔使自己諗咁多，啲大景點佢哋都會包晒，只係睇你有幾多日子，夾到佢啲團。

多日子可以林芝/山南/羊湖/日喀則/珠𡶶/納木措。

珠峰大本營好多團都有包，但有無得住唔知，同埋我嗰陣好多都話香港人住唔到，我哋都係住山下條村。

但如果香港人只得回鄉證，你一定要同佢哋單聲先，有啲團住嘅地方無酒店可以招待香港人，變咗行程可能要改。

因為聽聞好似外來人正精手法好難卜到？,<<<<呢句唔係好明？

十年前坐飛機去拉薩，高反咗一日。但其實買支手提氧氣吸下已經無乜事。
回程坐火車返廣州，大陸啲火車都會成日delay，由坐54個鐘變坐60個鐘。
所以除非你好撚得閒，唔係都係飛機去飛機返啦
因為坐火車途中嘅風景，去到西藏係日日都有得睇，睇到你壓呀

收到收到
景點我諗好多都ok 最緊要係去感受個vibe
我諗預七八月去十日 希望可以成功搶到火車啦！
最尾果句我都係指香港人得回鄉證唔知會唔會好難搵到酒店咁

比唔比申請護照？

當時只有索松村入住唔到，珠峰大本營帳蓬都有機會唔住得，其他城市都易搵到地方住。

好多地方都有維也納國際酒店。

七、八月要留意雪頓節，拉薩一年一度大盛事！

火車暫時睇到一班西寧始發夜晚上車，第二日下午6點幾到拉薩嘅車，呢班會日頭經過最靚嘅景！

可能七、八月會仲多班次揀。

係呀！我哋就係諗住飛去西寧再轉火車
去得成嘅話就好正 好撚期待

有冇去過嘅人講下d 廁所點
我潔癖好嚴重 去深圳都會忍到返酒店先屙
係咪實唔掂

唔好去太僻嘅景點就冇事，太偏僻嘅路上廁所，連行埋啲都頂唔順。

仲係好多地方得旱廁，臭到女士寧願野外露出！

我喺峨嵋山唔知點解冇乜野
反而喺九寨溝隻手痺到傻

去過，0高反

香港》成都， 成2-3粒鐘，應該落機等， 再上機 再飛
唔駛出入境

平時一粒鐘內經停果啲唔駛落機

你真係有十個人，你可以去搵旅行社，問有無得唔使去公安局搞邊防證，因為有啲旅行社佢出份文件已經可以代替邊防證，唔使去公安局排隊，到時去到成份嘢拎就係，我哋嗰陣都係出嗰份嘢上珠峰同埋定日嗰邊仲有啲要邊防證嘅行法，都係用嗰份嘢過，完全無阻滯，用回鄉證仲快過人哋用身份證，用身份證要排隊嘟卡，回鄉證佢哋嘟唔到，有時都係夾埋咁多張嚟影張相就算。

唔使夾公安局辦公時間。

如果你人數唔MATCH 佢啲團本身人數 (即係架車本身可以載幾多個客)，咁就可能要當包車，或者包團，但其餘空位要補車費差額。

但我會建議只包車+酒店，食嘅全部自己搵，不過人多都係煩，可能咁多人裏面，有啲唔食呢樣，有啲唔食嗰樣，要個個啱食，又要安排咁多餐都係好煩。

去西藏搭飛機真係無癮
第二次去另計

睇你有無時間囉，

咁最好梗係川藏公路上，青藏公路出，除咗讀書之外，有幾多人有最少兩星期以上假期？

有無咁中意西藏

咁大邊去得晒，有工返再去都係最多9日，如果要揀埋唔同季節，仲唔知要去多幾次。

所以咪話你中意西藏囉，仲要分埋季節

通常7日夠去埋珠峰大本營同市內景點

有d 人去幾次係因為要再花幾日去轉山，或去林芝睇桃花，有少部份人會去山南地區睇其他景點，例如拉姆拉措

再多d 時間同錢會花兩三星期就玩埋大環線去無人區

真係要去晒，一係有成一個月時間，否則只能分幾次，唔同季節去有另一番味道。

正常去到成都要轉機的

冇可能直飛

其實呢啲算好少事，有啲人真係幾日都出唔到門口都見過。

我火車入嗰次住平措hostel，第一晚夜晚火車到，第二日一啲事都無，嗰日仲落雨，要趕返去天台收衫，連跑幾層樓梯。

見到hostel 有另一個香港人，佢話我點解可以走得咁快，佢話佢抖咗3日先出到門口。

富士山高d定拉蕯高d?
你食藥加慢行應該唔會出事