快閃吉隆坡飲食之旅

仲有馬六甲一日，幾有特色 。

另外Skyline luge 好撚抵玩，百幾蚊玩5次，唔好周末去就得

去幾多日

read

Day 2:

朝早都落酒店食下早餐，價錢包既。事後回想，應該訂純房間算啦，留肚出去食。中西印度馬來菜式都齊，果汁種類仲好多！


酒店燈飾




早餐

食左d野就行10分鐘左右去到新峰肉骨茶，不過我哋唔係食呢間，我哋食隔籬嗰間阿喜肉骨茶，因為呢間話晒米芝蓮推介 就咁叫個二人份量嘅肉骨茶配油條加飯，比較重藥材味，都真係非常之好食，仲好平添。





真係唔貴


跟住我哋call grab 去中央市場，中央市場係一啲文青攤位集中地，類似香港嘅南豐紗廠咁



下層




辛斯都唔係法拉利啦

室外部分

之後去行去茨廠街，即係香港既女人街，賣a貨。其實呢個地方有間賣豆腐花，係金蓮記福建麵前面，不過我地就無食，直接去左隔離街既舖頭食咖喱麵同花甲粉，都幾好食！


前面賣豆腐花，後面就係金蓮記



餐廳環境，係ig搵唔到餐廳名，老婆用Google map睇評分搵既


其實都幾好食，咖喱麵香而不辣，花甲粉，湯清甜而花甲係冇晒


跟住就去鬼仔巷，其實就係一個短既小巷，有幾幅壁畫，都係一個文青打卡勝地。附近有何九海南茶店，不過太多人排隊同埋仲係飽，所以就無食啦。





呢個都接近4點，就慢慢行過去獨立廣場，當然係搵個打卡位影下相，呢個時候就見到天色突然變黑，好似就嚟落大雨。



沿途街景


打卡位


獨立廣場

於是我哋就搵最近嘅地鐵站行過去，中途經過兩條河嘅交匯處，亦都係吉隆坡嘅由來。


附近既清真寺

一去到地鐵站就即刻落大雨。咁冇辦法啦，唯有去雙子塔嗰邊嘅商場行吓啦


香港無左，係馬拉買返

馬來西亞雖然食物比較平，但係講其他類別就其實同香港差唔多，講緊可能係運動品牌或者電器咁。



日頭既雙子塔，原來雙子塔個開放時間都唔係幾長，冇得即日Walk in去，所以就冇上到塔

雙子塔個商場都大呀，行完都六點左右啦、咁見到附近有個印度薄餅好似幾出名，咁去食一食。


配蜜糖食


夜既既雙子塔

邊食就邊等停雨，不過去到七點嘅時候呢似乎未停雨，所以我哋都唯有照叫車去食晚餐，晚餐就係食海腳人餐廳，係一間好平嘅海鮮餐廳。




除左餐牌，可以出黎揀海鮮



去到已經見到旅行團食完野，我地就有位入黎食，係度叫左龍蝦、七星斑魚片、海鮮粉等8樣野，加埋野飲都唔超過600港幣，佢地煮海鮮又唔差，算抵食既





食完就落住雨咁行返去酒店，都係15分鐘既事，想去左Pavilion Kuala Lumpur超市買信，點知去到差唔多關門，唯有買左少量零食就返酒店啦


酒店夜景

本身呢個新年想去，但最後都係去左東北

成間都係垃圾黎

Day 3:

同樣地係酒店輕輕咁食早餐，之後就call 車去icc pudu中心，你當係香港既街市熟食中心，不過就主要賣早餐同午餐既，係度搵左幾間黎食


環境，係無冷氣

連登咖啡：瓦煲咖啡，當然用瓦煲啦，利用瓦煲的特性鎖住咖啡香，係比較又濃又香，好飲既



姜酒米：煮既時候還會加酒，帶有酒香的湯頭超級好飲



寬記炸年糕：三層炸年糕，裏頭是年糕、紫薯和芋頭，又係好食




阿福腸粉釀豆腐：即係煎釀三寶等20幾樣材料加腸粉，覺得香港好食啲




最後叫咗kaya多士，超多料



叫左大既100馬幣內

食完都差唔多12點，於是搭車去吉隆坡塔，叫左去左睇一睇吉隆坡市景，都要排左30分隊就上到去





參觀完都1點，就搭返車返Pavilion Kuala Lumpur超市買手信。跟住就call車返機場，都係1粒鐘內到，3點到機場了。

係度食埋個下午餐就上機啦



味虎當然比較一般啦

返到黎香港就夜晚，見到九龍寨城嘅展覽

飛得3日咁少

快閃食下野夠做啦

真係無咩野好做
最多食埋榴槤同椰漿飯去下黑風洞

諗住榴槤季去第一次馬來西亞
不過唔知吉隆坡榴槤o唔ok

Ok ar
去咗貝斯榴槤食，不過都唔平，黑刺成3xx 馬幣，但好食過香港

新年好多人，塞到hihi

上年先開始食人生第一舊榴槤
食完就好想去馬拉平平地食
啲人多數的檳城食，好少聽人話去KL食

其實成個馬來西亞
華人既話廣東話落單絕對無問題

尼你老母
世風日下 竟然冇人屌

我岩岩新年去左
阿喜肉骨茶同埋icc Pudu好多鋪冇開
最後食左新峰肉骨茶

無上檳城，淨係玩到去怡保，係街邊買咗個D24 ，平係平但唔掂
之後先係KL試黑剌，完全唔同層次

新峰伏到喊 我第一日都食咗

Penang多數福建話
唔係個個識廣東話

2019個陣檳城的士佬話賣去香港榴槤係賣貴10倍

我講緊落單
聽一定無問題

上個月去完
冇遇過華人唔識

同佢哋吹水 都係話睇tvb啲劇大
所以識講少少廣東話
但係佢哋啲福建話流利啲
廣東話區應該係怡保嗰邊 吉隆坡附近都多

就係檳城試過廣東話落單佢聽唔明 佢講福建話