日本美食分享區(23)

KATSU我覺得麻麻地

佢個半掛鹽湯同醬油湯差好多班下 不過都好食嘅

唔係唔好食
不過唔明點解佢咁高分 而且賣得咁貴

Pish

不想早起來排隊的話可以挑戰來「五感」。五感採用完全預約制，在Table Check逢星期日早上11時（日本時間）開放下星期三到星期日的座位，不過座位通常在1分鐘內就全被預約了，大家要加油唷！他們的拉麵比較清淡，用炭烤米澤三元豬的上等里脊、鳥取縣產大山雞、蛤蜊、聖子等熬製。
https://ufood.com.hk/restaurant/news/detail/20058083

有冇人食過十二天壽喜燒放題

好撚做作

吹太大 所謂隱世嘢都已經拍到爛
https://www.youtube.com/watch?v=Vdbc_RVAdqc

價錢平香港一半
但係香港好食一倍以上
我寧願係香港食算

今年見啲拉麵可以tablecheck book方便咁多嚟咗個拉麵之旅

第一間食咗嶋先 感覺上嶋個醬油比起之前好似再咸咗
但佢又有多款白醬油係冇咁咸 個人覺得啱香港人口味多啲
啲叉燒真係好好食 特別係有舊慢煮真係超正


第二間食左麦苗 佢個醬油湯咸度介乎嶋嘅白醬油同醬油中間
舊叉燒有啲似廣東叉燒 我嗰日冇咩胃口冇加特製
見啲fd講話佢有塊和牛好好食 有機會真係要食返次特製


第三間食八五 佢個湯好似係主打唔加醬油又唔加鹽純打食材鮮味
飲落好重鴨肉味 又好似有啲雞味 幾新鮮 但啲叉燒同其他比好似有啲失色


第四間食左日和 未試過昆布水拉麵所以試下
呢間最唔friendly要4點左右去簽名 最快6點有得食
佢個昆布水麵齋食有小小似啲ざるそば咁
加埋啲wasabi同個醬油沾湯個味真係有9成似
不過佢個灸燒帆立貝幾好食


第五間係MATSUI 呢間冇得book要去排隊
我平日去好彩係排咗兩三個客就到我
可能呢間本身得3.85分所以我事前對佢嘅期望冇上面啲舖咁高
一食落覺得出奇地好食 醬油湯食落有啲鴨同雞味 仲好似有小小蜆味
佢燶邊嗰舊叉燒都好好食 覺得呢間嘢實際係可以問頂3.9↑嘅分數


第六間係琥珀 本身諗住食池袋店就算 但我行去睇嗰日都幾長龍吓
本店可能偏僻前一日仲可以book到下一日嘅時間就去馬
佢個鹽湯真係好好食 食落覺得比淺草橋間㐂仲正
鍾意鹽湯嘅一定要去馬試一次 暫時覺得係日本食過最好食嘅鹽湯


第七間係五感 呢間我覺得係呢一程入面最surprise嘅一間
個醬油湯我覺得係我呢程食嘅醬油湯入面最好食
食落有陣雞味同有啲蜆味 個人口味好鍾意食舊雞叉燒
聽講佢鹽都好好食 下次有機會要試埋鹽


另外私心寫埋呢間得3.68分嘅擔擔麵ほおずき
鳴瀧到今時今日仲玩整理券嗰套所以都費事去
望到有間貼地擔擔麵 唔駛排walkin隨時有得食
個擔擔麵湯同鳴瀧完全唔同流派 啲雞肉都好爽口
如果鍾意食擔擔麵又唔好想走去鳴瀧拎整理券可以試下呢間

MATSUI 我食特製塩(第一次食塩湯)
食完就覺得自己麻麻地塩湯
佢個鴨胸飯上面有篤wasabi醬幾惹味
下次都係食返醬油湯算

我自己都係覺得第一次食要食佢最招牌所以撳tabelog睇下口コミ咩湯最多人揀
佢個醬油湯我覺得可以同嗰堆3.9分舖一戰

matsui都3.85 過兩個月去再試下
醬油暫時排入鹿>嶋
Ramen FeeL上到4.01分 不過太遠

入鹿我之前次次都有食 但佢轉左做全日之後水準好似有啲下降
醬油我食過嘅入面會排 飯田>五感>嶋白醬油=麦苗>入鹿=>MATSUI=>嶋醬油
feel好似係飯田弟子開? 大家都咁遠我不如直接過去食飯田好過

弱智仔戴帽方式
見到都唔想 click 入去睇

有，牛肉唔差，冇服務，限時內頂多食到二輪

試埋#1入面幾間燒肉蕃yoroniku satoブリアン ushigoro同ushigoro s
最好食係satoブリアン本店 揀咗個17500嘅course
ushigoro s唔值要上到3萬幾 覺得冇satoブリアン咁好食
yoroniku最抵屌 最貴個course先14400
入面啲waitress個個model idol咁靚
ushigoro就最雞肋 同價位我一定狗衝yoroniku
無限budget satoブリアン本店>ushigoro s>蕃yoroniku>ushigoro
綜合就satoブリアン本店>蕃yoroniku>ushigoro s>ushigoro

今次重食左ほたて日和，8點去到排隊已經有成11個人等緊最後食1200

叫左特制昆布水つけめん　白
昆布水好特別，有少少jelly狀咁，配麵食都算係拉麵既一種
ほたてCarpaccio好好好好食雞叉同慢煮豚肉都好好食蛋就真係差，我食個隻已經係實心

4款調味用佐料都真係令到個麵有d玩法，唔錯，不過唔算付整體有太大分別

個沾汁就超級正，就咁飲落去好似d帆立貝係你個口爆出來咁入面重有幾粒細既帆立貝+雲吞，舊雲吞好正，入曬味，皮唔厚

最後會有個湯仔比你先飲一啖，再溝落沾汁度稀釋咸味飲埋佢，個湯仔應該係乾貨帆立貝出汁，唔會太重味，但有淡淡帆立貝味

平日8點去排我覺得絕對值得，特別係鍾意食帆立貝既人，成個體驗幾似遊樂場咁，一個沾麵好多種玩法
題外話，店面助手好好服務，怕我唔明日文每次都問我聽唔聽得明
我去個日係度播かわいいだけじゃだめですか成個氣氛好輕鬆