【pH值介乎於7飄浮的愛情故事】《一腳踏兩船》(3)

飛揚 · 2024-12-26T14:50:19+08:00

究竟係你選擇愛情？定係愛情選擇你？逢星期一至五，準時七點正有文出。鍾意嘅朋友記得Like同Share俾身邊嘅朋友一齊睇～有咩都可以留言同我講～有你哋嘅意見，我先會有進步～下面係Penana嘅Link，想睇返之前嘅章節都可以Click入去。 Penana https://www.penana.com/story/168592/一腳踏兩船鍾意我呢條廢腸寫嘅故可以Like Facebook同Follow Instagram～感激大家長久以嚟嘅支持～在座各位都係讓我光合作用嘅陽光～ Facebook專頁 https://www.facebook.com/whirlingdancer Instagram https://www.instagram.com/whirling666/ Penana https://www.penana.com/user/122935/飛揚/stream 第一個Post 第1, 4, 5, 7, 8, 14, 17, 19, 21, 23, 25, 27, 28, 30, 32, 35, 37, 38, 39頁有文 https://lih.kg/3820256 第二個Post 第2, 8, 10, 12, 13, 15, 20, 22, 24, 26, 30, 33, 35, 37頁有文 https://lih.kg/3834466

飛揚

1001 回覆

5 Like 0 Dislike

飛揚 2025-01-10 12:52:32

各位早晨

努力打好今日嘅文

揸𨋢人2.0 2025-01-10 12:54:47

駐連燈首席美軍 2025-01-10 13:09:10

但佢望lb牛咁眼咁㗎喎

飛揚 2025-01-10 14:23:59

飛揚 2025-01-10 14:25:08

話晒都係大明星俾俾面啦

唔望先奇怪

飛揚 2025-01-10 19:00:30

上回講到Joanne同LB等Mark導睇好位就開始拍攝～
都係拍Joanne同LB一齊睇書吖～玩吖咁啦～
LB講啲嘢好搞笑囉～
啲風趣幽默嘅男仔係溝死女嘅～毒撚就唔恨得咁多㗎喇～
拍咗都唔少鏡頭，大家都一齊睇睇～
Joanne同LB拍出嚟嘅都好有Feel～收晒貨～
Joanne果然有天份～咁易就入到戲喇～
係唔係只係入戲咁簡單呢？
有時有啲嘢又唔使搞得咁清楚～就好似距離感咁～
「好好！」Mark導拍晒手，「咁抖抖先！準備一陣黃昏～」
『嗯～』
Joanne同LB就坐返去帳篷抖抖先～
LB望住出面：「今日應該順利～」
『嗯～』Joanne都望住個天空，『今日嘅天色比起上個禮拜更好～』
照計應該唔會好似上個禮拜咁突然落起大雨嘅～
「拍埋最後...就完喇...」
『嗯～』
最後…
最後嘅日落黃昏...又係要拍啲咩呢？
跟住既劇情發展又會係點呢？

準備出文

飛揚 2025-01-10 19:00:53

同LB望住藍天白雲～綠草如茵～

仲有海風撲面～係舒服嘅～

情侶拍拖嚟呢啲地方都好浪漫吖呵？

可惜而家身邊唔係得我同LB兩個...而係成隊Crew喺度...

大家都係坐吓草地～睇吓手機～又執執啲嘢～一齊等～

我就唔拎部手機出嚟同Jeff Message喇...要留住啲電吖～

其實...係我唔想俾人睇到我同Jeff Send Message...

尤其係LB...

飛揚 2025-01-10 19:01:43

點解我會有咁嘅想法？

我都唔知...

或者...或者唔係單單唔想俾佢一個見到...咁唔想俾其他人見到自己同男朋友Message都好正常姐～

有私隱㗎嘛～

或者...或者啦～

偷偷望一眼LB...佢都同我一樣，冇拎部電話出嚟睇。

反而係Marco不停又不停咁撳電話。

或者係因為所有嘢都交晒俾Marco去處理啦～所以而家LB先可以咁輕鬆咁享受大自然～

飛揚 2025-01-10 19:03:17

我記得LB喺訪問中有講過㗎～佢冇簽錯經理人㗎～自從有咗Marco呢個經理人，事無大小都有佢幫LB安排好～機會多咗之餘，時間都多咗～

所以做佢哋呢行，點可以冇經理人？

而且仲要係一個好嘅經理人～

大家都靜靜咁等多一陣...好快就等到開始日落...個天色啱啱開始黃...

「好喇好喇！」Mark導拍拍手，「大家把握住時間喇！補補妝先！」

化妝師同髮型師又好快手咁幫我同LB印印汗！梳梳頭！

好快手咁執好～阿Da又幫我睇睇身上套衫～

「OK喇嘛？」Mark導見我同LB都差唔多搞掂晒，「嚟埋位先！呢個位～企呢度先！個日落會啱啱好喺正前面！」

我同LB就快快手手企好！

飛揚 2025-01-10 19:03:58

「冇錯喇！拖住手！」

LB又同我十指緊扣！

又係呢種感覺！第一次同LB十指緊扣嘅感覺返晒嚟！

「好！全世界準備喇！Cam搞掂未？搞掂喇嘛！準備...Action！向前行...」

我同LB就十指緊扣咁向前行...

「慢慢行...向住前面...」

望住日落西斜咁慢慢向前行...

「冇錯喇...Fing Fing手...」

LB又拖實我咁Fing...慢慢咁Fing...

飛揚 2025-01-10 19:05:26

「繼續望住前面...然後望過去對方...」

我同LB就十指緊扣咁Fing Fing手...擰個頭過去...望住對方...

喺黃昏照耀之下...LB對眼發出黃金光芒...

我個心又跳咗一大跳...

呢種心跳嘅感覺...又係呢種...對住LB...

「冇錯！就係咁！Keep住！Keep住！」

Mark導帶住Cam Man圍住我哋轉...

但我無視Mark導同Cam Man...因為我完全俾LB吸引住...

佢對發光嘅眼神...溫柔嘅微笑...一直望實我...對住我...就只有我一個...

喺LB對發光嘅雙眼之中...望到我自己...就只有我自己...

飛揚 2025-01-10 19:06:14

點解我會睇得咁清楚？因為近咗...

越嚟越近...越嚟越接近...越嚟越貼近...我同LB之間嘅距離...五厘米都唔夠...

我已經感覺到佢嘅呼吸...一呼...一吸...

而我都只係定住咗...僵硬咗咁...連呼吸都唔記得...

就喺LB個嘴...就快貼到埋嚟...定住咗...定住咗一陣...又一陣過後...

「係咁喇！就係咁喇Hold住！Hold住！好...好！好Cut！Good Take！」

吓吓吓？拍...拍完喇？

「好好吖！」Mark導拍晒手！「真係拍得好好吖！大家嚟睇返先！」

不知不覺完全投入晒...拍完都唔知咩事...

飛揚 2025-01-10 19:07:45

「辛苦晒～」LB鬆返開手～向我點點頭～

『辛苦晒～』我都向LB鞠返個躬...

當然我就扮晒冇嘢啦！

我哋都走去睇返Cam Man部機...

睇住我哋喺Mon裡面...影住我哋嘅背脊...十指緊扣咁望住個日落西斜咁行過去...

望住個日落慢慢咁落...Fing Fing手...慢慢咁行...勁有Feel咁你眼我望我眼...我眼望你眼...

個日落就喺正我哋中間...

然後望咗一陣...影近我哋個大頭...又望咗唔知過咗幾耐...好似幾個世紀咁...

然後LB就慢慢咁接近...貼近...然後我哋個嘴之間就係個日落...

然後就係圍住我哋轉咗少少...側側地咁影住我哋好似錫錫咁...

的確好似係錫緊！但明顯頭先係冇錫到嘅！純粹係就返個位姐！

不過...成段都好有Feel囉...

飛揚 2025-01-10 19:08:41

「好好！」Mark導拍拍手，「LB同Joanne都好專業！一Take就搞掂晒！」

“啪啪啪啪啪啪”大家都拍晒手咁～

我就只好帶住尷尬而不失禮貌嘅微笑摸摸頭...點點頭...

LB都拍拍手：「Joanne真係好專業呢～好入戲呢～」

『邊係邊係...係你帶到我入戲姐～』點止係入戲...直頭入晒添...

我完全忘記咗係拍緊嘢...好似真係同LB拍拖咁！

只係頭先嗰段短短嘅相處...好似只有我倆喺呢個空間拍拖...

「好喇～」Mark導再拍拍手，「所有都拍晒喇！辛苦晒大家喇！」

“啪啪啪啪啪啪”大家都拍拍手～

我同LB都拍拍手～互相對望點點頭～

「辛苦晒大家！辛苦晒大家！大家一齊執嘢喇！」

飛揚 2025-01-10 19:09:36

大家都夾手夾腳，喺未天黑之前就執好晒啲嘢上大巴。

然後我哋就坐大巴離開。

我呆吓呆吓咁...其實冇乜嘢諗...只係心跳得勁快咁...仲未平靜返落嚟咁...

然後不知不覺就返到嚟銅鑼灣。

換返自己啲衫之後，都係時候離開...

「辛苦晒喇～」Marco同我講一聲，「啲尾數過兩日就會過埋俾你～收唔到嘅話就搵搵我啦～」

『OKOK～』係喎...差啲唔記得尾數...

「咁好喇我仲有啲嘢要處理走先～」Marco就向我同LB揮揮手～

『Bye～』

飛揚 2025-01-10 19:10:12

然後我就同LB行到去佢架超級跑車旁邊：「終於都完喇...車埋你？」

『唔喇唔喇...』我帶住微笑擰擰頭，『我自己搭車得喇～』

「嗯嗯...」LB點點頭，「Bye～」

『Bye～』我同LB揮揮手...

望住LB坐上佢架超級跑車...

“吼！吼～”超級跑車絕塵而去...

完喇...然後沒然後...或者咁樣先係真真正正嘅完結...

但係咁樣嘅完結好咩？

又點嘅完結先係好呢？

飛揚 2025-01-10 19:10:27

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～