【pH值介乎於7飄浮的愛情故事】《一腳踏兩船》(3)

就喺呢個時候...LB出現！

LB行咗過嚟，望咗望，同我點點頭～

「係喇！就係咁喇！繼續！喺呢邊影過去！」

望住LB行咗去...我又繼續扮傾電話...

「就係呢種笑容喇！試吓攬埋隻公仔～」

我就攬住隻公仔～又諗住LB咁扮傾電話～

總係有種感覺...上個禮拜同LB一齊拍嘅時候嗰種感覺又勾返起！

「好好！掂吖掂吖就係咁喇！好！Cut！Good Take！」

雖然Mark導已經嗌咗Cut，但我仲係笑住咁...

「大家睇返啲片先～」

我哋又一齊圍住Cam Man，睇佢手上部機。

睇返自己心掛掛個樣...自己睇返係有少少老尷嘅...

不過又拍得幾自然吖～

啲鏡頭都捕捉得好好～

連碌床嘅角度都攞得好好～仲影得好靚添～

有人話過女仔瞓喺床上係特別靚～我就覺得係啲賤男冧女上床嘅花言巧語嚟姐～

跟住就到掉隻公仔～

隻公仔顯得有啲慘慘豬囉～好似係LB嘅替身俾我掉咁囉～

跟住到傾電話～

起初好似差啲差啲咁...就算係笑住咁都好似差啲啲...

係直至到我見到LB！（當然鏡頭係影唔到佢啦！）

我嘅笑容當中...帶住甜絲絲...

冇錯！就係甜絲絲！

甜絲絲...呢種感覺...同Jeff傾電話就係好似缺少咗呢種感覺...

「好Joanne嘅Shot搞掂！」Mark導就行去搵LB，「你今朝唔係有Schedule咩？」

「係吖～」LB點點頭，「嗰邊早咗搞掂，咪過定嚟準備吓先囉～Macro仲喺嗰邊搞埋啲手尾～」

「係吖...」Mark導睇睇啲飯盒，「咁你食咗嘢未？使唔使幫你叫埋飯？」

「唔使咁麻煩啦～」LB帶住微笑擰擰頭，「自己搞得掂㗎喇～」

聽到LB咁講...

『呃...介唔介意同我Share？我都食唔晒～』突然就有呢種想法...

「OK吖～」LB帶住微笑點點頭，「你唔介意我都唔介意～」

『咁OK啦～』總係覺得...好平常～

「OK咁...」Mark導拍拍手，「放飯先～大家食個飯先～」

大家就去拎飯～

我同LB就Share個飯盒～同杯凍檸茶～

「正喎有雞翼食～」LB見到有雞翼，對眼就閃閃發光～

『啱晒你啦～』我就係知你鍾意～所以同你Share就啱晒～

「咁你呢？你唔鍾意食雞翼㗎咩？」

『又冇話唔鍾意嘅～少食囉～』

「雞翼好滑㗎喎～」

『你鍾意食滑㗎？』

「OK㗎～」

『我鍾意食肉多啲～』

「咁叉燒啱你多啲喎～」

『都係㗎～』

「係呢拍得順唔順利呢？」

『都OK～好快就拍完～』

「我都話你得㗎啦！記唔記得先？我係唔係有咁講過先～」

『你得啲～係呢咁你今朝有咩忙？』

「今朝都係忙住做宣傳活動啦～」

『好似好忙咁喎～』

「都幾㗎～不過忙得開心就真嘅～」

同LB邊食邊傾～

聽佢講呢個禮拜都未停過～

睇得出比起以前Busking嘅時候忙得多～

咁始終都出咗名～係多嘢搞嘅～

同時唔搞多啲嘢，又點可能出到名？

至於而家大明星嘅LB同以前Busking嘅佢之間有咩分別？

我諗最大分別係以前佢係帶住一份稚氣...

可能仲細啦嗰陣～男仔到高中都係好小朋友樣～

仲要拎住大大支結他嘅佢，更加有小朋友扮大人嘅感覺～

而家嘅佢...就啱啱好～

係女仔一直都幻想會喺學校遇到嗰啲識發光嘅靚仔師兄～

不過幻想歸幻想～現實喺學校真係好難遇到～

都話咗男仔到高中都係好小朋友樣㗎嘛～

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

「咁你返學忙唔忙㗎？」

繼續同LB邊食邊傾～

『大忙啦～勁多功課又要去課外活動！』

share同一杯嘢飲

可能係有紙杯分開兩杯呢

我就唔信呢啲女人咁乖喇

早

早

會唔會係大明星乖啲

星叔早

揸𨋢早

各位早晨
尋晚夢到自己返翻去細個嗰陣 立即去買幾箱Magic The Gathering收起佢

如果可以返翻去細個嗰陣
一定會叫老豆all in bitcoin

呢啲人見女就食㗎啦