癌症/腫瘤/Cancer/照顧者/家人/Caregiver 圍爐區 (4)

我覺得你問下dr molly li同陳林有冇期同幾時有期先
依個私家服務黎，叫中大威爾斯醫療中心。咁你可以約professor去威爾斯私家門診睇
https://www.cuhk-pwh-medical-centre.hk/Tchi_01mission.html

Professor級嘅價都係1500到，頂盡2000
出面st teresa,同st paul個d普通癌症醫生都應該要1300蚊。所以唔會貴好多。同埋最緊要你用到公立藥價買藥，咁依度又省返好多錢

公立果陣批左基金
想問下假設私家果邊話可以rechallege 可唔可以用返公立批既基金去拎藥

唔肯定，按道理可以，因為你都係攞住張同公立同樣嘅藥單去藥房。不過你可以問清楚私立個邊得唔得先。唔得嘅話，醫生都可以係個系統度寫rechallenge，等公立個邊開藥。

一定要轉介 打去問 要排1-2個月 好耐

試下問中大醫院？

啱啱上網睇陳林好似唔係專注肺癌

佢係肺癌方面都好有經驗嫁
你有疑慮嘅話，可以搵返專注肺癌嘅教授

照睇下先

如果你係中大醫院約嘅話，如果教授認為係可以rechallenge，你又想中大醫院攞藥嘅話，你會俾原價。如果你想平d嘅話，你可以叫教授寫張memo，入面寫低病人咩病、同埋過往用藥情況、同想rechallenge osimertinib. 咁你哋可以拎張memo(同埋其他病歷資料）去深圳嗰邊拎第一期藥，就可以平好多。再等返公立個期繼續開osimertinib.

好 不過個期都要成個月後

你可以查埋瑪麗醫院個私家服務會唔會快d

家父70頭，右腦缺血性中風
依家中風後第三日目前清醒認到人 可以講到野但好易攰
問一句就答幾隻字 右手腳都叫做正常啲
得返平常5成力同叫靈活啲
左邊就差好多 左手就摸下鼻,r痕都做到
但力度得返1至2成，數手指都好難做到，只可以稍微調整到兩三隻手指
左腳就可以喺床到曲腳，因為醫生唔俾落床
但佢第三日，就要求去廁所想落床，但當然做唔到
佢認人無問題，但對物品有錯誤認知，例如垃圾桶係背囊，一盒黃色包裝紙巾係蛋糕
喺第二日見過醫生，醫生話唔樂觀，右腦好大範圍都黑左
話情況好嚴重果隻，講哂最差結局俾我同屋企人聽
依家每日都諗緊家父會走或者之後都要長期臥床，搞到我頭都大

搵定老人院

可以係私家開始頭一兩次化療標靶治療
私家會寫好哂做過嘅治療情況同兩次用藥量既所有資料 到時交俾公立夾好個日期就可以(因爲2x日做一次）
你要問清楚醫生啲藥公立私家有無分別 eg:標靶正副廠藥？昇白針？兩邊都問 而私家醫生亦唔怕問多個攞第二意見
剩係睇過中大李華醫生 都幾詳細
我屋企人都係淋巴癌頭兩次私家之後公立 total 6次
詳情都要問清楚醫生 因爲每個人情況唔同 最好自己記低定問題
希望幫到你

應該係話我哋睇中大盧頴嬋醫生 佢叫我哋問埋李華醫生意見
兩個都好詳細講解

無聽過
我哋本身睇開公立 因爲等唔到先轉私家
公立要問佢哋有無治療嘅藥 基本應該有 唔係就會幫你排其他醫院 但開始咗治療就唔會脫期
所以要齊哂所有資料俾佢哋跟手

你都係問清楚醫生 因爲每款癌症都唔同
淋巴就係pet ct 組織化驗(確認邊款淋巴癌) 骨髓 抽一堆血驗(類似有冇乙肝之類) 心臟超聲波/心電圖？唔記得了
問醫生佢會幫你安排好咖啦 始終每個病人情況唔同