Adguard/NextDNS/Control D 廣告攔截攻略 (12)

呢個post 主要係講 IOS/Android 既廣告blocking app. 如果你諗住想問Youtube app 或者Facebook app廣告點block, 請稍為推落小小睇 "Youtube 片內既加插式廣告blocking" 個個section.

另外如果你有用其他VPN 的話, 好似Nordvpn 或者SurfShark VPN, 現時只有Control D 同NextDNS 外配iphone app https://passepartoutvpn.app/ 先可以VPN 同時用. Adguard 無得攪. 另外用adguard app, 你部機長期都會有個VPN icon 係度, 無得改架啦.

因為Adguard Pro 係2024年尾嘅今日, 功能上真係已經比唔上Control D 同NextDNS, 我會將個段教學擺係尾段. 新手我會建議用Control D 或NextDNS, 主要因為真係無咁多technical 野攪, 開著就用到. Adguard Pro 唯一嘅好處係一次性買斷. NextDNS 係有Free tier, 低用量或新手可以攞黎試. 而Control D 因為功能強, 佢地只有30 day free trial. 課金版 Control D 同NextDNS 係約10靚蚊美金一年. 以呢個價可以永久唔洗係任何app 睇到廣告係超抵.

如果你有問題問, 請提供你用緊咩Adblock app, screenshot 你見到廣告既野, 同用[ member ] tag 去screenshot 低你block list 同DNS filter list 既setting. 就咁一句"又出番廣告點算" 係唔會有人識幫你.

---------------------------------------------

下面係d 基本用語

1. System wide blocking. 即係話部機入面不論Safari 定係任何裝既app, 都會做到block 廣告. 現時係有2個方式做, 一係用Custom rule+Subscribe list (Adguard), 一係就用第3方DNS server. (Control D 或NextDNS) Adguard 方案係會有個VPN icon 長期係度架啦. 第3方DNS server通病都係因為你要用其他非本地DNS server 有機會拖慢所有上網速度. 不過下面介紹個d 因為全球都有server, 影響差唔多係無架啦. 用唔會出街既Custom rule+Subscribe list 方法就安全d (Adguard). 不過2024年尾嘅今日, Adguard 功能上比Control D 同NextDNS 略有不及啦.

2. Adguard 開著個陣係會有個vpn icon 係右上角到. 個VPN 係唔會接去外面世界, 個vpn 用途只係機內處理d filter rule 用. 所以係無私隱既問題存在.

3. System wide subscription list. 要寫明System wide 先有用. 因為system wide 先識block 晒機內所有app 既廣告. Subscription list意思係subscribe 一個 block廣告list, 佢自己識auto update 個list. 所以唔洗人肉自己去update. 點解要update 住個list? 因為廣告係識變, 你要keep 住update 個list 先block 到d 新既廣告. 係Adguard 裡面, 佢地叫呢d 做 DNS Filter.

4. System wide custom rules. 要寫明System wide 先有用. 因為system wide 先識block 晒機內所有app 既廣告. 即係話可以自己加額外加 domain 去block. 點解要額外加domain? 唔係話上面point 3 個subscribe list 就攪到架啦咩? 因為香港既廣告, 外國既subscription list 未必會識得晒香港d 廣告. 所以你實會有自己加落去既時候. Adguard 裡面會叫呢d 做Block List.

5. 如果 d app簡介內無提到system wide (或者中文無寫"全局"), 即係話呢d custom rules或者subscription list 只可以用係Safari個browser 先會block 到廣告. 機內其他任可app 都唔會block 到廣告既. 呢d app 你可以delete 左佢, 係無用既.

Youtube 片內既加插式廣告blocking

首先要講番個範疇先. 如果你係IOS用Safari 或者Chrome 之類既Browser 黎開youtube.com 的話, 其實各大品牌 adblock 既app 都可以幫你block 到youtube廣告. 但係我地主要係討論youtube 個app. 你要係youtube 個app 黎block 播緊片彈出黎既video 廣告, 就難好多.

現時係無一個 app 係app store 內可以幫到你block youtube app 內播緊片個d加插式廣告. 唯一做到既係用第3方app store 去download UYouPlus app. 其實呢個即係youtube 版減去片內既加插式廣告, 即係Android 會用既Youtube Vanced 係同一樣野黎. 但係你要用到UYouPlus, 首先要download Altstore 裝係PC. 係自己Self sign 個UYouPlus. 不過我唔會係呢度講啦, 有興趣既自己google Altstore 同自己google “UyouPlus” 去download 個ipa 落黎. 全部open source 野黎, 所以係安全既.

Facebook 片內既加插式廣告blocking
同上面講youtube 嘅一樣, 都係要sideload 無廣告版wolf for facebook. 你都係要係https://appdb.to/app/cydia/1900000698 download 完跟住用 Altstore 去sideload 入部電話

已經Jail break 左既人

好多人以為Jail break 係用黎玩老番. 其實Jailbreak 係2024既今天唔係用黎玩老番, 其中一個最大用途係block ad. 好處係邊? 唔洗行咩ad block app 或者開咩VPN. 直接係host 度block 晒.

https://www.reddit.com/r/jailbreak/comments/dbdb8x/tutorial_blocking_ads_on_cellular_wifi_no_vpn/

https://www.reddit.com/r/jailbreak/comments/b3d1fp/release_mega_uhb_ios_9101112_muhb_mega_untrusted/

Control D app

係一個用 custom DNS 既廣告blocking app. 不論Android 定IOS 都有. 佢係有2個plan 既, 平個個 $20 USD 一年, 貴個個$40 USD 一年. 貴個個其實多左一個類似VPN 既功能, 即係你一年俾多$20 USD 多個VPN 用都叫抵屌既. 不過你係唔洗係佢網頁買. 係 https://www.bitsdujour.com/software/control-d 有特價. $40蚊USD包5年就有晒所有功能, 除左個vpn . 你買左呢個package, 可以每年另加$10 USD 就upgrade 上去用到埋佢VPN 嘅功能. 即係除番開約$18 USD 一年. (5年黎計數的話)




我用Ad blocking app 有一個主要既要求, 就係佢一定要有得俾我用custom rule 黎加我需要block 既野, 因為好多"傻瓜式" 既ad block app, 係唔俾你加rule, 好處係對於唔識攪既人, 開着就"大部份"既廣告會block 左. 問題係好多呢d ad blocking app 係唔識block 香港既廣告. 你無得加custom rule 的話, 你用香港app 9成會係咁彈廣告, 咁就beat 左個 purpose 你用呢d app 既主要原因.

Control D 係可以add custom rule 既. 佢預設好10靚款唔同既subscribe list 俾你, 你揀黎用. 佢俾你既subscirbe list 無block 到既廣告的話, 你自己加custom rule 黎block 佢啦.




係個網站課左金畫面會叫你create username 個d 基本野. 佢係無app 既, 所有configuration 都係經佢網站做. 課完金會叫你係手機跟佢做setup. 我無搵我部android 黎試, 下面用IOS 黎做測試既. IOS 就會download 一個profile



跟住係Setting > General > 個profile/device management 個度篤入去



跟住press install 就整完架啦



主畫面有10幾條唔同類型既subscribe list 俾你揀, d list 佢預備好曬, 跟據你想要block 既野開著佢就得架啦.



跟住左邊有得揀Custom rule. 好似如果某d 廣告佢預設既subscribe list 係唔識block 既話, 我係custom rule 自己加



而Activity Log 就只可以你要check 野個陣先開着佢, 佢就會一路log 晒你每load 一個app/網站, 佢要access 既domain 都會list 出黎, 方便你去捉你要block 既domain




而課金貴個個plan , 會多左個VPN 功能, 你可以指定某d 網站, 一定要經某個國家既IP 去access. 咁你可以係香港, 用呢個功能去access 日本IP only 既網站. 當然大前提係你要用上面activity log 個度捉晒你要VPN 既domain.



咁變左你唔需要全程開住VPN去某一個國家. 你只要預先設定某d 網站係一定要經某國VPN 去, 其他地方用番你本地IP 行, 咁就唔會點影響到你正常既上網速度, 因為除左某d 特定網站係行VPN 之外, 其他任何app/網站, 都係用番本地connection 既速度.

最後貴plan 課金版, 係有個佢地預設好200靚個唔同既網站, 你直接係度set 你想你一去個個網站就自動VPN 用某國IP 行, 方便d 初哥唔識用activity log 去捉domain 既人, 就咁開著個service 跟住揀用邊個國家vpn 就用得啦. 當然佢無預設既網站, 你要自己捉番d domain 黎vpn 啦.



速度上, 係唔用佢VPN 功能個陣, 暫時我睇唔到有咩問題, 跟據佢網頁講, 佢全球都有唔同DNS server , 佢會識幫你揀最近既dns server 黎做processing. 當去到某d 你要用VPN 先睇既網站, 當然會有d 時間要等一等架啦, 不過你用得VPN 扮其他國家IP 黎work around 人地網站既restriction, 就實會有咁既問題.

不過, 同其他所有ad blocking app 一樣, Youtube app/Facebook app 裡面個d in app video廣告就唔識block 架啦, 呢d 你實要用Altstore 去download uYouPlus 個d app 去sideload 入iPhone 去 skip 個d in app video 廣告架啦.

另外佢現時係可以直接裝係你隻router. 大路嘅router 好似asus merlin, dd-wrt, pfsense 嘅都裝到. https://docs.controld.com/docs/routers-platform

NextDNS app
https://apps.apple.com/us/app/nextdns/id1463342498

係一個用 custom DNS 既廣告blocking app. 不論Android 定IOS 都有. 佢係用第3方DNS server 黎做ad blocking. 你可以係佢網站先登記戶口, 可以經website login 入去https://my.nextdns.io/ , 係有好幾款唔同既dns server 方式俾你用.





跟住佢仲有blacklist 既選項, 係可以自己加custom domain 落去.



係佢website 加完, 你電話就會跟手update 左. 變左都叫做可以加system wide custom rule. 佢雖然係free, 不過每一個月俾你可以有free 既300,000 個DNS query. 我無理解過咁既數目係多定少, 不過我估計正常用都唔會過. 課金版就無呢個300,000 限制.

Adguard 品牌有幾個唔同既app, 小心揀.

AdGuard Pro v4.x 係做到 system wide 既blocking 亦同時做到system wide custom rules. 所有blocking 都係機內處理到而唔需要依賴第3方DNS 幫手, 所以速度最快. 一次收費$78 HKD 唔洗每個月俾錢. https://apps.apple.com/hk/app/adguard-pro-adblock/id1126386264

AdGuard IOS - 最普通既版本. 係free 既. 不過只block 到safari 既ad. 其他乜𨳍都block 唔到. 佢唯一既用途係download 落黎再課金令佢變成AdGuard Premium. https://apps.apple.com/hk/app/adguard-adblock-privacy/id1047223162


AdGuard Premium v4.x IOS. 係Adguard 免費版download 落黎再課金, 就變Premium 啦. 你係apple store 課金的話, 有得揀life time $98. 佢現時功能同Adguard Pro 係100% 一樣. 所以你一係直接買Pro 平$20, 一係你跨平台既就係呢度買 https://stacksocial.com/search?utf8=%E2%9C%93&query=adguard , $19.99 USD family plan 包9部機login. 即係可以IOS, Android 再夾多幾部Mac, PC 機都用到. 除番開平過你買Adguard Pro.


AdGuard Premium v4.x Android. 係Android 版. 係佢可以做到system wide 既blocking 亦同時做到system wide custom rules. 功能等同Adguard Pro IOS 版. 必須要係下面呢條link download. 課左金先可以做到system wide adblocking. https://adguard.com/en/adguard-android/overview.html

Adguard Chrome extension - 免費既, 你既PC 或Mac 用chrome 的話, 直接用呢個. 你唔係手機要block ad 的話, 呢個乜柒都唔洗俾. 唯一免費缺點就係無safari support, 只得chrome, 亦只有PC 或Mac 用, 手機無份. 裝好乜都唔洗set 直接用到.

https://chrome.google.com/webstore/detail/adguard-adblocker/bgnkhhnnamicmpeenaelnjfhikgbkllg?hl=en


所以簡單講, PC 或mac 機先用Chrome extension. 因為免費. 你全部IOS 野的話, $78 買Pro. 同一個apple ID 既device 都用到, 包括所有你既 ipad, iphone 咁. 唔包Mac 機.

你Android 就係app 內課金.

跨平台既, 呢度買 https://stacksocial.com/search?utf8=%E2%9C%93&query=adguard , $19.99 USD family plan 包9部機login. PC, Mac , Android, IOS.

Adguard Pro/Adguard Premium IOS setting

1. 下面設定係假設你已經用緊課金版 (Pro version). 先係右下個settings > 揀General > 開著Advance mode.




先揀DNS server, 入去揀System default 或 Cloudflare DNS.




2. 係Protection 個版, 篤落去DNS protection 個字度, 就會入到DNS filtering. 跟住揀DNS Filtering. (如果你係買斷Adguard pro, 又或者download Adguard 普通版再已經課金的話, 又唔見呢個option 的話, 睇番上面point 1 要開Advance mode)






跟住揀DNS Filters.




揀Add a filter. 跟住加以下2條link. 呢度其實係幫你subscribe DNS filter list. 個DNS filter 佢識自動download 更新既. 呢個係Adguard 最主要及最重要檔廣告既功能, 所以唔好set 錯. (如果你加完2條link 之後用成日斷Wifi 的話, delete 番第2條link 個filter. 切記唔好貪多filter, 太多filter 會成日斷線. iphone X 或以下既機最好只加第1條link. 因為memory 唔夠handle 第2條link ). (下面link 要member 先見到)


Add 完係咁樣有2條


第1條你篤落去係見到咁樣寫既




3. 跟住上番一層, 揀Block list



跟住你可以揀"Add a new rule" 一個一個咁add 以下既block rule, 或者揀Open editor, copy and paste 下面所有rule 落去都得. 呢個block list 功能係補番一d 香港獨有既廣告源而上面d subscribte list 係無處理到既. (下面rule 要member 先見到)



*AdGuard Pro block list* 2024/12/13

4. 跟住上一層, 揀Allowlist 再加以下既Domain. (請留意, Allowlist 係只accept domain 名, 唔好用上面block list d rule 既pattern 擺落allow list, 一定錯)

*AdGuard Pro allow list*



5. 跟住番番去Protection 個版.



Safari Protection, DNS protection, Advanced protection 都全部著晒佢. Adguard VPN 保留Not installed, 我地唔會用佢既.

6. 最後番番去iphone 個setting, 揀safari



揀extension



跟住開着晒佢, 就完成架啦.


成功的話, 你會見到乜𨳍都block 晒, 會吉左一個位咁.

AdGuard Home 教學：QNAP NAS
https://lih.kg/kqctHT

Adguard Premium v4.x Android setting
https://lih.kg/bDJJCOV

懶人包: 先睇呢度.
無用過既人最簡單先試NextDNS 或Control D. 前者有Free Tier 而後者功能較強大包埋conditional VPN routing. 你機內所有app係乜柒廣告都block 晒既. 你如果揀用Adguard Pro 嘅話記住跟足setting, 無跟足既人久不久就係個post 話又見番廣告.

Q&A
1. 係咪一定要課金買先block 到廣告.
係, Adguard pro課金版先可以block 晒你機內所有app 既廣告. Free 版唯一用途就係download 落黎課金 而NextDNS 有free tier 試, 你用量低嘅會有機會唔洗課金, 而Control D 係一定要課金, 不過有30日trial. 課金版 NextDNS 同 Control D 約1年10靚蚊美金.

2. 買左Adguard Stacksocial 個family plan, 點login?
係Adguard 官網download android 版 或者 Apple app store download 免費版落黎, 唔係download pro 版, 唔係download premium 版. 係downlaod 免費版, 再用stacksocial 俾你嘅 login 去登入.

3. IOS 俾左$78 買adguard pro有無得用係其他機?
$78 係app store 買左adguard pro 嘅話, 可以用2個方法share. 第1係所有其他機用同一個apple ID login. 另一個方法係用IOS 個family sharing. 不過share 嘅人一定要係你family 裡面, 而且一定要100% 跟足個video 先會係family 嘅機download 到.
https://www.youtube.com/watch?v=LktGJXZMpr4

呢個方法只可以用係全apple 系列嘅機. 跨平台一定要係Stacksocial 買family plan. https://stacksocial.com/sales/adguard-family-plan-lifetime-subscription


4. Adguard Pro係咪一定要跟足post 開頭個d step? 好似好複雜喎
係, 一定要100% 跟足, 你只需要跟首post 既steps 做一次, 可以一路唔洗番黎呢個post 直至你見到新廣告為止, 就check 下頂置post 有無新updated block list. 你可以選擇唔跟某d step 或自己加加減減, 不過有問題嘅話, 亦只可以自己做troubleshooting.

5. block 唔 block 到youtube/facebook/Instagram app 既廣告?
唔得, 不過有work around, 自己我呢個 post 搵"Youtube 片內既加插式廣告blocking". 係首post 底部.

6. 係咪一定會有個VPN icon 係部機到, 用adguard pro?
係, 無得改, 佢個protection 就係用VPN 嘅機能, 雖然無真正用VPN 出街. 你要唔想見到個VPN icon 嘅話, 得月費個d app 好似Control D, NextDNS, Adguard DNS premium.


7. 如果發現有廣告係某d app 係個default block list 無cover 到個陣, 自行搵個block domain 出黎既方法

1. 先開Adguard pro, make sure 個DNS protection 係開左, 亦make sure 你想要試個個app, 過去15分鐘內無用過, background 亦kill 左個個 app.
2. 篤入log 個tab, 係畫面中間向下拉, make sure refresh 左個screen.
3. 番去home, 開你要睇有問題個app
4. 一路用你個app 直至你見到第1個廣告為止, 即刻停手
5. 即刻跳入adguard pro, 番番去log 個tab, 係畫面中間向下拉, make sure refresh 左個screen
6. 你應該會見到最後個10秒到既domain. 你要封既domain 就會係呢10秒內其中一個, 先block 1個你覺得似既domain
7. 出home screen, kill 你要試個個app, 重新開個app, 又再用個app
8. 見到廣告又即停手, 跳入adguard pro, 番番去log 個tab, 搵番最step 6 個10秒位置 (可能而家過左幾分鐘要推落去搵番)
9. 再block 另一個你覺得似樣既domain
10. Rinse and repeat from step 7 to 9 until 你唔見廣告, 即係last 個個就啱啦, 咁之前個d 錯既domain就可以剷晒佢

因為IOS 18.2 嘅原因, 同Adguard pro 開始老化, 我會建議新手用Control D. 主要原因係佢自帶conditional VPN, 用ChatGPT 個陣唔洗專登開個VPN 去服仕佢.

亦都係呢個原因, 我重新排版一次, 將Control D 擺係頭位. 主要係IOS 18.2 個chatgpt integration 你係需要用到個conditional VPN 去bypass 個個IP checking.

我因為人唔係香港, 我需要係香港嘅人話番我知, 係香港係咪就咁係service 個度開Chatgpt redirection 去其它國家ip 就得?

開左nextdns用youtube app睇片會無左觀看記錄
點解決？

跟咗adguard pro嗰個方法，youtube間唔中都會有片頭廣告

個個係無計, 你要完全無廣告, 要自己sideload uYouplus 落部機.

adguard 係咪有啲事。
呢排耐唔耐會甩network

nplm

ios adguard 成日都要重開先會冇廣告
隔一段時間d廣告又出返黎

AdGuard 一早已棄，用next dns 免費仔都夠，又可裝落router

裝完都係block 唔到連登廣告

裝完都係block 唔到連登廣告

有無入個Page開Ac 跟番Post Setting
再入番自己個ID 落個Apps度先生效

免費版係咪無得入

有
只係每月限流量

有冇啲網站教人set Control D?