USJ 環球影城 綜合討論區 (9)

USJ 綜合討論區

官網
https://www.usj.co.jp

計劃行程準備清單
- 留意USJ期間限定活動及Ride, 揀定想玩嘅Ride同園區 (半年至3個月前)
- 搶購 Express Pass及其他特別票券 (約3個月前,因為開售後好快就賣哂)
- 購買門票 (約1星期前,一年會有幾日門票出售數到上限而停售,所以建議早少少買)

現時因應萬博開幕，USJ在3個月前(93日前)就會開賣門票FP，因為FP比較搶手，會建議一開售就買; 門票比較唔急，可以一星期前先買

購票資訊
25/5/6起USJ停止樂園正門的現場售票服務，有需要在日本現地購票的可以在USJ合作酒店或Lawson購票。
建議預先在以下地方購票：

A) 日本官網 https://store.usj.co.jp/ja/jp/c/ticket
- 最齊全,包括各種單項收費項目,年票,生日票,黃昏票,殘疾人士票,VIP5/8,部分票限會員購買
- FP可自行選擇timeslot, 但有機會在日本官網購買FP時無法使用香港信用卡付款 (機率性封鎖盜刷). 如果無法使用信用卡付款, 可以考慮使用市面上的日本便利店代付服務

B) 英文官網 https://www.usjticketing.com
- 有售成人,小童,長者門票, Express Pass,部分單項票及VIP3
- 英文官網的FP種類選擇較少, 可自行選擇timeslot, 如果使用IOS上英文官網則會自動以APPLE PAY付款, 其他方式上英文官網則會使用信用卡付款

C) 官方指定旅行社 (Klook,KKDAY,Trip,東瀛遊,專業旅運)
- 有售成人,小童,長者門票, Express Pass,部分單項票及VIP3,KKDay&Trip有售VIP5/8
- 有各式套票優惠可以和其他旅遊項目一起購買, 可使用優惠碼及信用卡折扣優惠
注意: 如在KKDAY購買FP時剛好售罄, 電腦系統有可能分派不一樣timeslot的FP, 如出現此情況, 購買後無法更改亦不能退款

門票價格: (A=8600 F=8900 B=9400 C=9900 D=10400→10900 E=10900→11900)
https://www.usj.co.jp/ticket/common/studiopass/price-calendar.html
開園時間: (注意真實開園時間比表列時間早)
https://www.usj.co.jp/web/ja/jp/park-guide/schedule/park-hour

活動及Ride
4大期間限定活動
2-6月 Cool Japan, 會有柯南及其他合作Ride (今年因應大阪萬博, 下半年繼續有Cool Japan活動)
7-8月夏季, 玩水Parade, 夜晚音樂show, One Piece表演
9-11月初萬聖節, 有鬼屋及特式Ride, 晚上園區街頭有鬼怪出沒嚇人
11月下旬至1月初聖誕節, 園區聖誕佈置, 巨型聖誕樹, 夜晚音樂show

現時USJ有10大園區, 主要園區名稱及基本機動遊戲包括：
1. 任天堂園區 (主要機動遊戲: Mario kart 古巴之挑戰書, Yoshi冒險, 咚奇剛的瘋狂礦車, 能量手環的挑戰)
2. 哈你波凸園區 (主要機動遊戲: Forbidden Journey禁忌之旅, 鷹馬飛行小型過山車)
3. minions園區 (主要機動遊戲: 小小兵瘋狂乘車遊, 冰凍雷射光乘車遊, 小小兵瘋狂任務～成為大壞蛋之路～)
4. Wonderland園區 (小朋友+高中女子集中地) (主要機動遊戲: hellokitty夢幻蛋糕杯, 旋轉木馬, 芝麻街gogo滑板, 芝麻街小車車, 芝麻街氣球升降, 飛天史諾比)
5. Hollywood園區 (主要機動遊戲: 太空幻想列車 (Cool Japan期間變XR ride), hollywood乘車遊過山車 (向前行 & 逆轉行), 史力加4D歷險記)
6. NewYork園區 (高中女子自拍聖地) (主要機動遊戲: 柯南4D表演星空の寶石)
7. San Francisco園區 (部分空間已併入minions園區,只剩餐廳設施)
8. 侏羅記公園園區 (主要機動遊戲: 飛天翼龍, 侏羅記乘船遊 (會濕水))
9. 大白鯊園區 (主要機動遊戲: 大白鯊)
10. 水上世界園區 (主要表演: 水世界 (睇水上特技, 坐前排會被水淋濕)

交通資料
https://www.usj.co.jp/web/ja/jp/access
USJ門口位於JR「ユニバーサルシティ駅」 (Universal-city)附近，步行5分鐘就會到正門入口
由其他JR線坐去「西九条」站, 然後同月台轉車去「ＪＲゆめ咲線」
千祈唔好on99坐咗去總站「桜島駅」,「桜島駅」係去萬博唔係去USJ的！

難波可以坐阪神難波線去「西九条」站轉車
天王寺可以坐JR大阪環状線(外回)去「西九条」站轉車
大阪可以坐JR大阪環状線(内回)去「西九条」站轉車, 部分環状線列車更直通ゆめ咲線, 不用在西九条下車
另外因應萬博開幕，新大阪、大阪可乘搭「臨時快速Expo Liner」直達「ユニバーサルシティ駅」及「桜島駅」(不停「西九条」站)

https://transit.yahoo.co.jp/
如果想查詢正確前往USJ的電車路線, 請務必使用以上yahoo網址, 準確無誤

另外人多都可以考慮搭的士或Uber, 大阪市內出發可以建議司機唔駛行高速, 慳返啲車費
或者住USJ附近幾間官方合作酒店, 好處係入園嗰朝慳時間行幾步就到USJ, 房間大, 但普遍貴梅田同級酒店約1/3

入場前準備
1. 電話+尿袋要叉滿電,園內有Chargespot可借
2. 上網SIM卡/Wifi蛋 (用嚟拎整理券/睇消息,園內都有免費WiFi)
3. 列印或Screenshot門票及FP QR (避免因現場網絡不穩而阻礙入場,亦可使用園內發票機拎整理券)
4. 信用卡及現金 (園內已經全面收信用卡,請準備多張防有時碌唔到,日元現金可準備少量作購物食野及兌換硬幣使用Locker)
5. 護照 (退稅用, 有咩事整親受傷都要用)
6. 至少3包紙巾 (防止園內爆石無廁紙要用手抆屎)
7. 透明膠水樽 (園內有水機可以免費裝水)
8. 下載USJ官方apps (需要用佢睇即時排隊時間+搶整理券, 請預先登記入場門票落App)
9. 下載Twitter (睇即時USJ突發資訊)
10. 下載Line通訊軟件 (用於部分餐廳訂位,玩園區定向遊戲,或向日本妹日本仔抄牌用)
11. 各式保暖/降溫/防曬/雨天裝備(請因應天氣準備, 雨天建議著雨褸, 夏天建議抗UV遮陽傘)
- 6-9月大阪會好曬好熱,USJ嘅排隊設施都喺戶外,建議多準備降溫裝備(退熱貼,冰水),頂唔順就沖入商店涼泠氣,或者去餐廳食飯或去睇室內表演
- 電風扇,冰感頸圈等可能上唔到飛機, 請自行查證

保安關卡
現時進園前需要通過保安關卡(類似機場那種),身上所有物品都要放進袋裡過X光機
保安關卡設喺正門右手邊, 正門前加設欄杆分隔(圖中紫色線), 搭JR嚟嘅人都要由左邊兜路穿過右邊大門, 通過保安檢查後先可以進園


如果清晨嚟大門未開, 可以經旁邊樓梯落地面再行樓梯上右邊到達保安關卡前
由Hotel Universal Port同Port Vita去USJ都係由地面行右邊樓梯上會快啲


提款指南
園內只有2部提款機, 但有機會拎唔到錢, 強烈建議出發前撳定錢
如果唔記得咗, 入園前有便利店有ATM可以用提款卡撳錢, 但事前需要開啟海外提款功能

信用卡指南
園内現時可以使用 VISA、MasterCard、JCB、AMEX、AEON Card、Diners Club、Discover信用卡, 銀聯卡, Alipay進行付費

最新EVENT
（2025年5月UPDATED）

SPY x FAMILY XR 乘車遊

2025年7月1日（二）～2026年1月4日（日）
https://www.usj.co.jp/web/zh/tw/events/universal-cool-japan-2025/spy-family
每年最受歡迎嘅Cool Japan XR Ride, 排隊時間150~240min, 今年合作題材係Spy x Family
室內過山車,遊玩期間將戴上VR眼罩體驗360度的畫面,投入感非常高

SPY x FAMILY 故事乘車遊
2025年7月1日（二）～2026年1月4日（日）
荷里活美夢乘車遊, 遊客可以喺開車前選擇播放音樂或期間限定合作內容, Spy x Family係Track 3, 遊玩期間將聽到Anya和同學們的故事對話

SPY x FAMILY 超興奮！USJ Park Rally
詳情日後公佈

另外有合作餐廳提供合作Menu, 一樣詳情日後公佈, 上次係芬尼根酒吧&燒烤(Finnegan’s Bar & Grill), 唔知今次會唔會一樣

藥師少女的獨語

2025年7月1日（二）～2026年1月4日（日）
https://www.usj.co.jp/web/zh/tw/events/universal-cool-japan-2025/kusuriyanohitorigoto
內容待5月上旬公佈

小小兵瘋狂任務～成為大壞蛋之路～

預計2025年夏天開放, 內容是在自動輸送帶上對著畫面進行射擊遊戲

One Piece Premier Show 2025

2025年7月1日（二）～10月6日（一）
https://www.usj.co.jp/web/zh/tw/events/onepiece/summer-2025
在水世界晚上舉行的表演,需另購票

One Piece 故事乘車遊
2025年7月1日（二）～10月6日（一）
荷里活美夢乘車遊, 遊客可以喺開車前選擇播放音樂或期間限定合作內容

香吉士海賊餐廳
2025年7月1日（二）～10月6日（一）
需另購票, 喺餐桌一邊用餐一邊睇真人角色演出, 演出其間不能隨便走動, 最後可和角色合照(要另外俾錢買)

NO LIMIT! 夏季潑水遊行

2025年7月1日（二）～8月31日（日）
https://www.usj.co.jp/web/zh/tw/events/summer-2025/no-limit-cool-summer-2025/summer-splash-parade
會潑水嘅花車巡遊,因為天氣炎熱所以濕下身反而仲舒服,可以買水槍去指定區俾人射射人

NO LIMIT! 夏日熱舞夜 with HYBE JAPAN

2025年7月1日（二）～8月20日（三）
https://www.usj.co.jp/web/zh/tw/events/summer-2025/no-limit-summer-nights-2025/dance-nights-with-hybe-japan
晚間K-Pop音樂+跳舞表演,會噴水濕身

侏儸紀世界之旅

2025年3月14日（五）～ 8月31日（日）
路上定期會安排唔同恐龍同工作人員一齊表演, 演出時間要當日睇App
另外「侏儸紀世界任務步道」係園區定向+解謎遊戲, 喺侏儸紀公園紀念品店派發「任務專用手冊」(免費), 完成任務會得到原創貼紙小禮物

哆啦A夢4-D藝術冒險～大雄的繪畫世界物語～

2025年2月14日（五）～ 8月17日（日）
4D劇場, 老少咸宜, 今年哆啦A夢唔再係過山車, 唔駛擔心嚇親小朋友

名偵探柯南 The Escape

2025年1月31日（五）～ 6月30日（一）
https://www.usj.co.jp/web/zh/tw/events/universal-cool-japan-2025/conan/escape
需另購票, 大型館內解謎逃出遊戲, 需要2人組隊合作, 需手持園方提供的IPAD進行遊戲, 在3層樓的建築物內到處解謎(要上落樓梯)
開場, 中場, 結尾表演以日文為主, 用IPAD可以以其他語言睇劇情解說(有中英文)

名偵探柯南故事乘車遊
2025年1月31日（五）～ 6月30日（一）
荷里活美夢乘車遊, 遊客可以喺開車前選擇播放音樂或期間限定合作內容, 名偵探柯南係Track 5

名偵探柯南神秘餐廳
2025年1月31日（五）～ 6月1日（一）
需另購票, 喺餐桌一邊用餐一邊睇真人角色演出, 演出其間不能隨便走動, 最後可和角色合照(要另外俾錢買)

東野圭吾原著《假面飯店系列》被鎖定的假面舞會

2025年1月24日（五）～6月30日（一）
https://www.usj.co.jp/web/zh/tw/events/universal-cool-japan-2025/masquerade-mystery-show
需另購票, 沉浸式體驗演出小說改編劇情(全日文), 玩家可參與其中推理, 內容會根據眾玩家推理而有不同劇情走向, 現場亦像真實舞會以自助餐形式提供飲食(票價已包)

任天堂園區 - 咚奇剛國度

2024年12月11日開幕
咚奇剛的瘋狂礦車係現時最熱門項目, 排隊時間150~240min

Q & A PART 1
(UPDATED AT 1-5-2025)

Q: 什麼是Universal Express Pass? (簡稱Fast Pass, FP)
A: FP係一張可以進入快捷輪候隊伍的機動遊戲券(幾乎不需排隊, 多人同時使用時可能需要排5-15分鐘), 需要額外付款購買, FP分別有 Express Pass 4, Express Pass 7及Express Pass Premium, FP4包含4款機動遊戲券, FP7包含7款機動遊戲券, 而Premium則包含所有遊戲的機動遊戲券, 價錢上Premium > FP7 > FP4。部份FP4, 部份FP7及Premium會附送哈利波凸或任天堂的入場整理券, 可以確定進入這2個園區(下面會再詳細講解整理券). 注意FP不包含入場門票, 入場門票需要額外付款和另購

Q: 第一次去需要購買FAST PASS嗎?
A: 如果你是第一次去USJ, 經濟能力許可嘅話, 強烈建議你買 Express Pass 7, 體驗上會較好, 減少排隊時間,體力消耗上無咁攰.

Q: 什麼遊戲最熱門, 買咩FAST PASS最好?
A: 咚奇剛的瘋狂礦車及Cool Japan XR Ride最人氣 (平均排隊時間150-240分鐘), 然後是Mario賽車(平均90~150分鐘), 飛天翼龍, 哈你波特禁忌之旅, 鷹馬的飛行小型過山車, hollywood過山車 (各平均60~120分鐘)
買FP建議揀包咚奇剛/XR Ride/Mario賽車嘅，減少排隊時間

Q: 有沒有一些遊戲必須買額外的飛才能玩?
A: 有, 柯南the escape及One Piece Summer Show必須要額外買飛才能玩, 可在日本官網購買, 部份少人的日子可以在當日早上仍會有少許即日飛可以購買.

Q: 如果無錢買FAST PASS, 會唔會玩唔到好多遊戲? 會唔會有好大影響?
A: Fast Pass等如有錢人玩法, 但窮遊亦都有「窮遊既玩法」, 只係體力消耗上比較大, 但一樣可以玩到好多遊戲, 甚至都可以玩晒所有遊戲 (下面會再講解「窮遊」既玩法)

Q: 如果無錢買FASTPASS, 但又想玩最多既遊戲, 可以點樣做 (窮遊點玩)?
A: 除日本假期或特別日子外, 基本上頭2個鐘同尾果2個鐘係最少人排隊的時間, 這2個時段可以令你不需要排太耐隊就可以玩到熱門遊戲, 亦都係唔需要比錢買fast pass玩任天堂園區既關鍵策略, 可以參考下面的過去排隊時間表, 你會睇到頭尾2個鐘的排隊時間係特別少, 所以要好好把握這2個時段.


建議勁勁勁早起身做農夫, 視乎當日實際開門時間, 7:00am~8:00am到USJ閘口排隊, 進入園區之後, 用APPS領取任天堂整理券, 然後優先第一個遊戲玩XR ride (因為這個排隊最耐, 所以利用頭2個鐘玩左依個game先), 再根據進入任天堂整理卷的入場時間, 攝入相應排隊時間的遊戲, 一般中午會係熱門遊戲排隊最長既時間, 這段時間可以選擇次熱門既遊戲 (例如大白鯊, minions, 蜘蛛俠等等), 然後傍晚時間再開始排熱門遊戲,最後閉園前2小時, 大部份日本人都好守時去食飯, 旅行團遊客亦會去退稅, 尾段2個鐘大部分遊戲既排隊時間會再大大減少, 有時候可以直入, 可以選擇玩哈利波凸, 飛天翼龍, hollywood等等, 甚至二刷.

僅記頭尾2個鐘請你開盡turbo, 睇住USJ apps的排隊時間, 玩完一個game盡快跑去另一個game繼續玩, 有可能2小時內玩到3-5個遊戲.

Q: 有沒有方法可以睇到過去排隊時間紀錄?
A: 有, 請上依個網址. https://usjreal.asumirai.info/index.html
依個網可以睇到一年既紀錄, 以便安排自己既排隊時間流程

Q: USJ會提早開園嗎?
A: 會, USJ官網上顯示的營業時間並非實際的開門時間, 一般會比官網寫的時間早15分鐘至120分鐘開門. 例如官網寫當日營業時間9:00am ~ 10:00pm, 實際開門時間有機會是7:00am ~ 8:45am, 可以上Twitter search "USJ", "ユニバ”, "#USJ", "#ユニバ”這4個搜尋字眼, 或參考日本人在網站(https://usjreal.asumirai.info/guide/usj-monthly-open.html)及twitter上每天預測開園時間, 更可以查看當日閘口情況 (因為實會有人影相放上Twitter).

Q: 什麼是Early entry (アーリーパークイン)券? (停售中)
A: Early entry是能夠在實際的開門時間再早15分鐘優先進入園區, 例如官網寫當日營業時間9:00am, 提早開門時間是8:00am, Early entry可以7:45 am入園 (注: 如上述, 每日際的開門時間不同,) Early entry亦會提供超連結, 預早通知你優先進入園區的時間. 但Early entry必須在優先進入園區的時間前使用, 如果遲到, Early entry的閘口會關閉, 而且無法退款, 只適合能夠極早起身的農夫使用. 24年10月後停售中.

Q: 什麼是VIP導賞團?
A: VIP導賞團是一個有日本導遊帶領的付費導賞團, 需要額外付款, VIP團可以享受lounge(有小食), 並有導遊以日文講解園內細節同特點, 導遊更會帶領團友經員工通道體驗機動遊戲, 不需排隊. VIP有4種: 1)小型mario vip團及2)小型mario團(小朋友向), 兩種都是3小時固定行程, 最後會送幾張單項FP及在任天堂園區內解散; 3) 5小時VIP團及 4) 8小時VIP團體, 兩種都可以在出發前由參加者選擇自己的行程, 其他時間使用VIP手環還可以無限當FP使用及無限進入任天堂園區。

Q: 如何進入任天堂園區?
A: 任天堂園區基本每天都實施封區人流管制, 在進行封區時, 需要使用保證入園券或整理券才可進入。只有在園內人數變少(eg打風落大雨), 任天堂園區可能會在傍晚時份解封變成自由出入，解封則不需使用整理券進入。
進入任天堂園區有以下方法：
- 在實施封區前進入任天堂園區 (免費), 即係開門就鬥快跑入去
- 使用整理券在指定時間進入 (免費, 每人只可拿一張)
- 使用保證入園券在指定時間進入 (購買包合任天堂Ride嘅FP附送, 或購買門票+保證入園套票) (亦有FP包哈利波凸保證入園,但現時不會再封區)
- 參加VIP團由工作人員帶領進入
- 園內人數變少而解封變成自由出入

Q: 如何能獲取整理券?
A: 每天園內有2個stage可拿取免費的整理券:

1st stage - 每天早上USJ開園後會派發一定數量的免費整理券, 先到先得, 派完即止,可經USJ APPS或到USJ園內中間湖口發票機領取免費的整理券, 經USJ APPS的話, 需要掃抽入場門票的QR Code後才可以取得, 中間湖口右邊有發券機則可領取實體的免費整理券, 每日派完的時間都不同, 有時9:30am派完, 有時11:00am 有時3:00pm, 如下圖:-

2nd stage - 抽選，當整理券派發完畢後, 會有極少量整理券比所有人抽，可經USJ APPS去抽, 但機率十分之低, 絕對唔會抽得到, 所以可以無視2nd stage.

上圖解說
「フリー」代表自由出入, 此時段不需整理券
「整理券」代表1st stage中
「抽選券」代表2nd stage中
「終了」代表當日索取整理券的機會已完結, 在此期間沒有整理券不可進入

亦可到以下網站查看過去每日派發完畢的時間紀錄:-
https://usjreal.asumirai.info/guide/usj-seiriken-nintendo-mario.html

Q & A PART 2
(UPDATED AT 1-5-2025)

Q: 邊日去USJ最好? 應該去幾多日?
A: 普遍會建議1日門票玩一整日,由朝早開門玩到夜晚關門,有特別需要嘅先考慮1.5日或2日門票
USJ門票價格係官方用嚟平衡入場人數嘅手段,週末假日票價通常比平日貴
週末通常多日本人,因為平日要返工返學; 平日通常多外國遊客,因為遊客會揀平啲嘅日子去, 所以週末反而可能會比平日少人
入場人數可參考混雑予想(https://usjreal.asumirai.info/monthly/6month-expect.html)
最需要避開嘅係日本假期及包場日(https://castel.jp/p/4548), 包場日入場人數多(大量免費飛入場)及早收(晚上7時後限包場人士遊玩)
相反非日本假期嘅年票除外日會少好多日本人入場, 可以考慮

Q: 如果想去USJ+大阪世博, 可以點安排?
因為現時萬博星期六日比較多人, 會建議平日去萬博, 週末去USJ
也因為USJ和萬博場地非常近,加上大阪整體酒店價格上升,可以考慮在Universal-city駅或桜島駅附近的酒店連住數天(週日至週四),節省交通時間
例子 Hotel Universal Port, Universal Port Vita, Liber Hotel Osaka
購票方面各平台都有USJ門票+大阪世博門票套票優惠
其他大阪世博重要資訊可去隔離專Po查詢

Q: 入園日食飯應該點安排?
早餐強烈建議食飽咗先入園, 否則無體力玩一陣就會暈
午餐可以自行決定是否需要去特式餐廳食, 無需要就快餐或美食車小食解決
其中特式餐廳最受歡迎係任天堂園區內的奇諾比奧咖啡店, 需要一入園就book定位
晚餐方面基本建議離開USJ食, 旁邊Citywalk有各式餐廳選擇 https://ucw.jp/restaurant
(個人推介5樓大戶屋 https://store.ootoya.com/detail/27203/)
或者返去酒店附近先食都好

Q: 咩係Single Ride?
A: 有啲Ride有獨立隊俾Single Ride, 排隊前同職員講"Single Ride"佢就會俾你排Single Ride隊。Single Ride無優先權, 只有普通隊一班人嘅坐埋一齊後如果有位剩(e.g. 禁忌之旅一排4人但得3個坐),職員就會安排Single Ride攝空位。Single Ride通常會快少少, 但視乎熱門度同坐位數 (例如2人一排坐位但普通隊個個都2人一齊, 咁Single Ride就有排都上唔到) Single Ride之間基本上唔會一齊坐到, 如果女友或屋企人有要求一齊坐就唔好排Single Ride

Q: 咩係Child Switch?
A: 係USJ專為帶細路嘅父母而設嘅服務，父母可以輪流玩及看管小朋友。有時啲Ride一家人唔係個個啱玩/可以玩, 但小朋友又要有大人睇住,咁就可以用Child Switch。喺排隊前同職員講"Child Switch"，職員會俾張Child Switch卡，全家包括唔玩嘅細路可以一齊排隊。去到Ride前出示Child Switch卡俾職員睇，職員會帶唔玩嘅小朋友及先負責看管嘅大人去等候區，其他人正常玩；玩完拎住張Child Switch卡去等候區角色交換,未玩嘅大人拎住張Child Switch卡去到Ride前交俾職員就可以即刻玩, 唔駛排多次隊。

Q: 有用的參考網站及影片

機動遊戲指南2025版本(日文)
https://castel.jp/p/2681

USJ園內美食一覽及攻略
https://castel.jp/p/2586
https://mo-la.jp/gourmet/35697/
https://castel.jp/p/3246

紀錄每日USJ情況的日本YOUTUBE頻道
https://www.youtube.com/@NEKOZAWASANCHI/videos

查詢過去機動遊戲排隊時間及整理券時間的網站
https://usjreal.asumirai.info/index.html

更新咗頭po內容
#376 基本資訊: https://lih.kg/DphJLqX
#377 最新EVENT: https://lih.kg/DphJLrX
#378 Q&A Part1: https://lih.kg/DphJLsX
#379 Q&A Part2: https://lih.kg/DphJLtX

已pin 辛苦晒巴打

想問下有冇人試過準時入官網搶Fast Pass? 係咪日本時間夜晚12點 （香港11點）開賣? thanks

係, 日本時間00:00, 香港時間23:00
93日前開售, 所以依家賣緊8月4日FP, 今晚2300開售8月5日FP

打boss嗰關會集埋其他人一齊玩, 即係會同陌生人一齊打
power up band 個人覺得比較啱小朋友
大人一條友用啲時間去排Single Ride玩多幾個ride感覺抵玩啲

藥師少女的獨語　徒步推理 ～查明謎之藥吧～

2025年7月1日（二）～2026年1月4日（日）
https://www.usj.co.jp/web/zh/tw/events/universal-cool-japan-2025/kusuriyanohitorigoto

玩法係
1. 去指定地點拎調查書（免費, 先到先得派完即止）
2. 解調查書上嘅謎題（參考2年前Spy x Family相同遊戲, 內容全日文）
3. 完成謎題報告結果, 會得到見面會入場券「來自貓貓的信箋」
4. 見面會內容會有小型表演, 有由staff扮演的貓貓和壬氏登場, 表演後有拍照時間

唔識日文 難唔難玩

usj附近酒店有無邊間推介