USJ 環球影城 綜合討論區 (9)

USJ 綜合討論區

官網
https://www.usj.co.jp

交通資料
https://www.usj.co.jp/web/ja/jp/access
前往USJ既電車線是「ＪＲゆめ咲線 」
由其他JR線坐去「西九条」站, 然後同月台轉車去「ＪＲゆめ咲線 」

緊記，USJ門口位於「ユニバーサルシティ駅 」附近，
記住「ユニバーサルシティ駅 」落車，然後步行5分鐘就會到正門入口
千祈唔好去on99坐咗去總站「桜島駅」,
「桜島駅」係入唔到USJ的！

https://transit.yahoo.co.jp/
如果想查詢正確前往USJ的電車路線, 請務必使用以上yahoo網址, 準確無誤

事先準備
1. 手機 (叉滿電)
2. 尿袋 (叉滿電)
3. 錢 (建議最少帶4萬yen+傍身, 以備不時購物食野之需)
4. 護照 (退稅用, 有咩事整親受傷都要用)
5. 至少3包紙巾 (防止園內爆石無廁紙要用手抆屎)
6. 下載USJ官方apps (需要用佢睇即時排隊時間 + 抽USJ整理券, 請預先開定account)
7. 下載Twitter (睇即時USJ突發資訊)
8. 下載Line通訊軟件 (向日本妹日本仔抄牌用)

提款指南
園內只有2部提款機, 但有機會拎唔到錢
強烈建議出發前撳定錢
如果唔記得咗, 入園前隔離有間lawson可以用銀聯提款卡撳錢 (手續費好低, 同7仔一樣, 但事前需要開啟海外提款功能)

信用卡指南
園内現時可以使用 VISA、MasterCard、JCB、AMEX、AEON Card、Diners Club、Discover信用卡, 銀聯卡, Alipay進行付費

現時USJ有10大園區, 主要園區名稱及基本機動遊戲包括：
1. SUPER MARIO WORLD園區 (主要機動遊戲: Mario kart 古巴之挑戰書, yoshi冒險, 能量手環的挑戰, 2024年春新增Donkey Kong Country)
2. 哈你波凸園區 (主要機動遊戲: Forbidden journey禁忌之旅飛行, 鷹馬的飛行小型過山車)
3. minions園區 (主要機動遊戲:小小兵瘋狂乘車遊, 冰凍雷射光乘車遊)
4. Universe Wonderland園區 (小朋友+高中女子集中地) (主要機動遊戲: hellokitty夢幻蛋糕杯, 旋轉木馬, 芝麻術gogo滑板, 芝麻街小車車, 芝麻街氣球升降, 飛天史諾比)
5. Hollywood園區 (主要機動遊戲: 太空幻想列車 (如果有cool japan會變XR ride), hollywood乘車遊過山車 (向前行 & 逆轉行), 史力加4D歷險記)
6. Newyork園區 (高中女子自拍聖地) (主要機動遊戲: 蜘蛛俠4K3d(已關閉), terminator 3D(已關閉，3月22日改為柯南常設4D Live Show 星空の寶石))
7. San Francisco園區 (主要表演: 浴火赤子情 (已關閉)
8. 侏羅記公園園區 (主要機動遊戲: 飛天翼龍, 侏羅記乘船遊 (會濕水))
9. 大白鯊園區 (主要機動遊戲: 大白鯊)
10. 水上世界園區 (主要表演: 水世界 (睇水上特技, 坐前排會被水淋濕)

另外, 每年春季至夏季會舉辦COOL JAPAN ,
每年萬聖節會舉辨萬聖節活動,
每年聖誕節會有聖誕節慶祝活動,
以上日子會有額外機動遊戲或表演

今年秋季COOL JAPAN 2024包括 (UPDATED)
鬼滅之刃XR乘車遊～在刀匠村奔馳吧～ (2024年7月19日（五）～2025年1月5日（日）, 太空幻想列車 改裝而成, 室內過山車路線有不同, 遊玩時需配戴VR眼鏡)
名探偵柯南 the escape (3月1日至6月30日, 大型館內解謎逃出遊戲, 需要2人以上組隊合作, 需手持園內提供的IPAD進行遊戲)
名偵探柯南4-D現場表演秀～星空的寶石～(2024年3月22日（五）〜 4D劇場表演)
monster hunter XR walk (3月1日至6月30日, VR專用機器遊戲, 遊玩時需配戴VR眼鏡及VR背包)
我的英雄學院 4D 表演 (3月1日至8月14日)
NO LIMIT! 夏日熱舞夜 with HYBE JAPAN 基本資訊 (2024年7月3日（三）、7月6日（六）～7日（日）、7月13日（六）～15日（一）、7月20日（六）～21日（日）、7月27日（六）～28日（日）、8月1日（四）～22日（四） )

另外 萬聖節 主要遊戲 包括
生化危機 the extreme, the escape (生存逃出遊戲, 需要拎槍殺喪屍)
鬼娃儀式
貞子
福爾摩斯
娃鬼喪屍亦都會隨時起USJ園內出沒, 周圍嚇人

聖誕節會有超巨型聖誕樹, 天使唱聖詩大型演唱煙花表演

Q & A PART 1
(UPDATED AT 22-1-2024)

Q: 什麼是Universal Express Pass (簡稱Fast Pass)
A: Fast pass係一張可以進入快捷輪候隊伍的機動遊戲券(幾乎不需排隊, 多人同時使用時可能需要排5-15分鐘), 需要額外付款購買, Fast pass分別有 Express Pass 4, Express Pass 7及Express Pass Premium, EP4包含4款機動遊戲券, EP7包含7款機動遊戲券, EP4同EP7各有幾款不同遊戲組合包, 而Premium則包含所有遊戲的機動遊戲券, 價錢上Premium最貴, 而EP7亦會比EP4昂貴。部份EP4, 部份EP7及Premium會附送哈利波凸或Mario land的入場整理券, 可以確定進入這2個園區(下面會再詳細講解整理券), 詳情可以去英文及日本官網查閱(注: FASTPASS不包含入場門票, 入場門票需要額外付款和另購)

Q: 第一次去需要購買FAST PASS嗎?
A: 如果你是第一次去USJ, 經濟能力許可嘅話, 強烈建議你買 Express Pass 7, 體驗上會較好, 減少排隊時間,體力消耗上無咁攰.

Q: 如果無錢買FAST PASS, 會唔會玩唔到好多遊戲? 會唔會有好大影響?
A: Fast Pass等如有錢人玩法, 但窮遊亦都有「窮遊既玩法」, 只係體力消耗上比較大, 但一樣可以玩到好多遊戲, 甚至都可以玩晒所有遊戲 (下面會再講解「窮遊」既玩法)

Q: USJ會提早開園嗎?
A: 會, USJ官網上顯示的營業時間並非實際的開門時間, 一般會比官網寫的時間早15分鐘至120分鐘開門. 例如官網寫當日營業時間9:00am ~ 10:00pm, 實際開門時間有機會是7:00am ~ 8:45am (2023年暫時未試過會早過7:00am開門), 可以上Twitter search "USJ", "ユニバ”, "#USJ", "#ユニバ”這4個搜尋字眼, twitter有幾個相關的usj bot會每天預測開園時間, 更可以查看當日閘口情況 (因為實會有人影相放上Twitter), 亦可以於連登問其他手足.

Q: 什麼是Early entry (アーリーパークイン)券?
A: Early entry是能夠在實際的開門時間再早15分鐘優先進入園區, 例如官網寫當日營業時間9:00am, 提早開門時間是8:00am, Early entry可以7:45 am入園 (注: 如上述, 每日際的開門時間不同,) Early entry需要經klook或kkday這類旅行代理才能購買, 無法在官網上購買. Early entry亦會提供超連結, 預早通知你優先進入園區的時間. 但Early entry必須在優先進入園區的時間前使用, 如果遲到, Early entry的閘口會關閉, 而且無法退款, 只適合能夠極早起身的農夫使用.

Q: 什麼是VIP導賞團?
A: VIP導賞團是一個有日本導遊帶領的付費導賞團, 需要額外付款, VIP團可以享受lounge(有小食), 並有導遊以日文講解園內細節同特點, 導遊更會帶領團友經員工通道體驗機動遊戲, 不需排隊. VIP有4種, 1)小型mario vip團, 2)小型mario團(小朋友向), 3) 5小時VIP團, 4) 8小時VIP團體, 日本官網可查詢詳情.（日本官網和Klook也可購買）

Q: 什麼是整理券?
A: USJ內有2個園區(哈利波凸及Mario land), 設定上如果入園人數眾多的時候, USJ會在這2個園區實施封區人流管制, 需要使用整理券才可進入, 現時, 哈利波凸不會再封區 (唔知點解仲保留依個設定), 只剩Mario land園區會有封區情況出現, 根據2023年的情況, 基本上Mario land每日都會實施封區。如果園內人數變少, Mario land園區有機率性會在傍晚時份解封變成自由出入，解封則不需使用整理券進入

Q: 如何能獲取整理券?
A: 有２種方法可以獲取整理券。
1) 付款的話, 購買部份FP會附送哈利波凸及/或Mario land 的整理券, KKDAY和KLOOK亦可購買門票+整理券, 可於指定時間進入園區(注:哈利波凸整理券形同虛設)

2) 不想付款的話, 每天園內有2個stage可拿取免費的整理券

1st stage - 每天早上USJ開園後會派發一定數量的免費整理券, 先到先得, 派完即止,可經USJ APPS或到USJ園內中間湖口發票機領取免費的整理券, 經USJ APPS的話, 需要掃抽入場門票的QR Code後才可以取得, 中間湖口右邊有發券機則可領取實體的免費整理券, 每日派完的時間都不同, 有時9:30am派完, 有時11:00am 有時3:00pm, 如下圖:-

2nd stage - 抽選，當整理券派發完畢後, 會有極少量整理券比所有人抽，可經USJ APPS去抽, 但機率十分之低, 絕對唔會抽得到, 所以可以無視2nd stage.

上圖解說
「フリー」代表自由出入, 此時段不需整理券
「整理券」代表1st stage中
「抽選券」代表2nd stage中
「終了」代表當日索取整理券的機會已完結, 在此期間沒有整理券不可進入(注: 如當日入場人數極少, 有機率性傍晚和晚上時段解封, 不需整理券可進入)

亦可到以下網站查看過去每日派發完畢的時間紀錄:-
https://usjreal.asumirai.info/guide/usj-seiriken-nintendo-mario.html

Q & A PART 2
(UPDATED AT 22-1-2024)

Q: 邊度購買門票/FAST PASS(FP)/early entry/VIP?
A: 有３個選擇

１）日本官網
日本官網可購買門票,所有種類的FP和VIP, 但沒有early entry
FP可自行選擇timeslot, 但有機會在日本官網購買FP時無法使用香港信用卡付款 (機率性封鎖盜刷). 如果無法使用信用卡付款, 可以考慮使用市面上的日本便利店代付服務

２）英文官網
英文官網可購買門票和部份種類的FP, 但沒有VIP和early entry
英文官網的FP種類選擇較少, 可自行選擇timeslot, 如果使用IOS上英文官網則會自動以APPLE PAY付款, 其他方式上英文官網則會使用信用卡付款.

３）Klook或KKDAY
兩者均可購買門票和early entry, 以及部份種類的FP, VIP
這2個是USJ認可的代理, 在這2個代理購買的FP是由日本官網系統直出, 兩者均由電腦系統代購,

自2023年尾開始，現時去Klook買FP可以自行選擇timeslot (詳情請看Klook網站指示)(百屌成材?)
但KKDAY仍然不可自行選擇timeslot，必須注意，如在KKDAY購買2個或以上FP, 有可能分派2張不一樣timeslot的FP, 如出現此情況, 購買後無法更改亦不能退款

Q: 什麼遊戲最熱門?
A: 根據2023年的情況, Cool japan XR ride最人氣 (平均排隊時間120-240分鐘), 然後是Mario的古巴賽車(平均80~160分鐘), 飛天翼龍(平均70~180分鐘), 哈你波特禁忌之旅飛行(自從ps5隻game出左之後多番人玩,平均60~180分鐘), 鷹馬的飛行小型過山車 (平均60~80分鐘), hollywood過山車 (平均50~70分鐘)

Q: 有沒有一些遊戲必須買額外的飛才能玩?
A: 有, 柯南the escape及monster hunter VR, 這2個遊戲必須要額外買飛才能玩, 可在日本官網購買, 部份少人的日子可以在當日早上仍會有少許即日飛可以購買.

Q: 如果無錢買FASTPASS, 但又想玩最多既遊戲, 可以點樣做?
A: 除日本假期或特別日子外, 基本上頭2個鐘同尾果2個鐘係最少人排隊的時間, 這2個Timezone可以令你不需要排太耐隊就可以玩到熱門遊戲, 亦都係唔需要比錢買fast pass玩mario園區既關鍵策略, 可以參考下面的過去排隊時間表, 你會睇到頭尾2個鐘的排隊時間係特別少, 所以要好好把握這2個Timezone.


建議勁勁勁早起身做農夫, 視乎當日實際開門時間, 7:00am~8:00am到USJ閘口排隊, 進入園區之後, 用APPS領取mario整理券, 然後優先第一個遊戲玩XR ride (因為這個排隊最耐, 所以利用頭2個鐘玩左依個game先), 再根據進入mario land整理卷的入場時間, 攝入相應排隊時間的遊戲, 一般中午會係熱門遊戲排隊最長既時間, 這段時間可以選擇次熱門既遊戲 (例如大白鯊, minions, 蜘蛛俠等等), 然後傍晚時間再開始排熱門遊戲,最後閉園前2小時, 大部份日本人都好守時去食飯, 旅行團遊客亦會去退稅, 尾段2個鐘大部分遊戲既排隊時間會再大大減少, 有時候可以直入, 可以選擇玩哈利波凸, 飛天翼龍, hollywood等等, 甚至二刷.

僅記頭尾2個鐘請你開盡turbo, 睇住USJ apps的排隊時間, 玩完一個game盡快跑去另一個game繼續玩, 有可能2小時內玩到3-5個遊戲.

Q: 有沒有方法可以睇到過去排隊時間紀錄?
A: 有, 請上依個網址. https://usjreal.asumirai.info/index.html
依個網可以睇到一年既紀錄, 以便安排自己既排隊時間流程

Q: 有用的參考網站及影片

機動遊戲指南2024版本 (日文)
https://castel.jp/p/2681

NO LIMIT巡遊攻略 (含路線,花車位置和巡遊時間)
https://usj365.com/2023/03/20/nolimit-parade-guide/

USJ園內美食一覽及攻略
https://castel.jp/p/2586
https://mo-la.jp/gourmet/35697/
https://castel.jp/p/3246

紀錄每日USJ情況的日本YOUTUBE頻道
https://www.youtube.com/@NEKOZAWASANCHI/videos

查詢過去機動遊戲排隊時間及整理券時間的網站
https://usjreal.asumirai.info/index.html

最新EVENT
（2024年12月UPDATED）
鬼滅之刃XR乘車遊～追逐夢想的無限列車～

～2025年1月5日（日）
非常好玩嘅Cool Japan XR Ride, 2025年會變返做太空幻想列車

NO LIMIT! 聖誕節

～2025年1月5日（日）
包括(聲稱)最後一年巨型聖誕樹, 晚間雪人音樂派對, 和各園區冬季限定角色裝扮和表演

任天堂園區 - 咚奇剛國度

2024年12月11日開幕
https://www.usj.co.jp/web/zh/tw/areas/super-nintendo-world/donkey-kong-country
包括咚奇剛的瘋狂礦車, 剛開幕肯定最多人排隊玩, 任天堂園區整理券會好早就派完

東野圭吾原著《假面飯店系列》被鎖定的假面舞會

2025年1月24日（五）～6月30日（一）
https://www.usj.co.jp/web/zh/tw/events/universal-cool-japan-2025/masquerade-mystery-show
沉浸式體驗, 演出小說劇情可參與其中, 真實舞會有食物提供, 需另購票

名偵探柯南 The Escape

2025年1月31日（五）～ 6月30日（一）
https://www.usj.co.jp/web/zh/tw/events/universal-cool-japan-2025/conan/escape
大型館內解謎逃出遊戲, 需要2人以上組隊合作, 需手持園內提供的IPAD進行遊戲, 需另購票

名偵探柯南神秘餐廳

2025年1月31日（五）～ 6月1日（一）
https://www.usj.co.jp/web/zh/tw/events/universal-cool-japan-2025/conan/restaurant
需另購票, 喺餐桌一邊用餐一邊睇真人角色演出, 演出其間不能隨便走動, 最後可和角色合照(要另外俾錢買)

哆啦A夢4-D藝術冒險～大雄的繪畫世界物語～

2025年2月14日（五）～ 8月17日（日）
https://www.usj.co.jp/web/zh/tw/events/doraemon/2025
今年嘅哆啦A夢只有4D劇場

今日睇DK d片有d恐怖，個ride基本上冇fp唔駛玩，排180分鐘，見佢架車逐架車發，應該都唔駛諗可以點樣唔駛點排。有人話入dk園都要排，希望唔係真，等包膠。

我星期六去， 淨係買咗門票， 乜pass都無買

lm

LM

留名準備去

我聖誕去，我冇要求，入玩任天堂，玩到kart同hp，2個就夠皮，希望dk 扯晒d人流去就發發

DK ride濕晒

咁嚴重?
睇宣傳片明明只係噴少少咁

冬天去唔得佢死

有冇多啲details 講吓

如果有fast pass要排幾耐??

唔知做咗咩好事， 一條友淨係買咗門票， 玩哂最熱門嘅遊戲， 鬼滅， Harry Potter, mario兩個game, 小黃人, 因為我算係第一批入到場， 所以入左mario 區早晚各一次，玩咗兩次Donki Kong 過山車， Donki Kong 其實濕好少， 同埋真係好多人排隊， 如果我唔係single rider, 未必會排

我其實仲有好多想講， 不過琴日一條友6點玩到8點幾出返黎， 已經無力了， 最後想講， 如果係一條友， 一定要入黎玩， 早d起身（唔好講咩旅行做咩咁辛苦自已）， 用最少價錢體驗fast pass 享受， 其他幾款過山車太刺激， 如果唔係要玩埋去都有可能。

仲要我係一個完全新手， 出發前一個月先間唔中做下功課， 因為唔熟路， 有時排錯隊， 所以浪費左少少時間， 不過總結黎講， 都係賺哂

我夜晚再去，你預20-30分鐘

排咗5個鐘donkey
終於玩完 濕哂

樓上個師兄話濕少少咋喎

點解呢個po都開到9

件衫濕

點解唔得

考慮吓拎件雨褸去