寵物過身之後 你地幾時/點樣先釋懷到

好對唔住呀 我用錯左字眼 我應該係問幾時先接受到
每一日都會好掛住佢 真係屋企人咁

我仲好糾結再唔再養 唔係冇條件 只係唔想再經歷多一次咁傷心 個心好似冇左一忽咁 同埋我會諗其實我再養會唔會累左佢 比我更好既主人大有人在

我自己都係偏唔養 因為我養得就唔會周圍去，同埋驚自己有咩事就無人照顧
屋企人就係養新嘅幫自己沖淡，無咗一忽就揾新嘅去填，第1次經歷係特別辛苦，靠自己慢慢接受，你有呢個心就證明佢在世你對佢肯定好好，唯有改變心態做 你嚮佢在生比晒最好嘅野佢 無咩需要唔開心
同埋佢走咗都唔希望你唔開心

我貓貓走左7年，到現在每次睇親youtube 貓貓片都會流淚

我隻鬆獅12歲走左

我最釋懷唔到既係我入院做化療既第2日佢就趁屋企冇人時訓住咁走

明明我出門口當日佢仲識搖尾行得走得咁

原來真係咁多主人會喺佢地死左之後自責，我都係其中一個，到而家年幾都係未放得低，雖然最近養左隻貓，但都係每一次諗起隻狗都仲會大喊

如果你地既小動物係自然死，感覺都仲好啲，順應天命。我係搵獸醫上門打針幫佢安樂死，喺屋企個廳打，佢喺我面前走，我諗我真係一世都記得個畫面。間唔中我就會諗，如果冇打到，唔知佢會活到幾時，點計我都係親手提早結束咗佢生命，唉，只希望佢唔好怪我，講起都眼濕濕。

我隻狗就係安樂死 有日我返返下工 老母突然打黎話佢無啦啦訓訓下抽搐 抽左成5分鐘 我地即刻帶佢去睇急症
醫生做完哂scan之後話係腦瘤 雖然check唔到係良性定惡性 但都已經大粒到影響佢身體機能 加上佢又老 其實做唔到好多野 結果係幾日之後 我地決定帶佢去獸醫到安樂死
我好記得係我話長痛不如短痛 佢都走得冇咁辛苦
我老母喊到收唔聲 我同我老豆忍住冇喊出聲但都頂唔住默默咁流眼淚 我當刻同佢byebye果陣 我都冇諗咁多野 但係之後越諗越後悔 佢好安詳咁訓係毛巾到既畫面 我諗我呢一世都唔會忘記 屌 又一路打一路流眼淚

去到咁壞嘅情況, 自己嘅唔捨得嚮度拖, 佢活多1分鐘就痛苦多1分鐘
唔好諗結束佢嘅生命, 係結束佢痛苦

我覺得冇 隻狗死左應該有10幾年 冇忘記過
之後亦都冇再養過其他寵物

仲有1個心態就係 佢呢世比你照顧係好幸福, 佢亦出現咗你人生嘅呢段時間令你好幸福咁就夠架啦, 無咩需要自責, 要諗如果嘅話, 如果佢遇上嘅唔係自己就未必可以咁幸福過呢一生

你可以掛住佢, 可以諗佢, 可以為佢流眼淚, 但唔需要覺得後悔或者覺得自己做錯, 佢有病, 大家都唔想
你有冇諗過, 如果你唔做呢個決定, 佢會經歷幾多痛苦? 你想再見到佢再抽搐既畫面? 獸醫都話冇辦法既, 就相信獸醫

上門獸醫診斷就話佢情況未到最差，但都已經屬於差，係夠條件可以進行安樂死。佢仲講，最主要係主人都要ready送走小動物，當時我都係望住屋企人講長痛不如短痛啦，當時都仲未識喊。獸醫一開始拎起工具就喊到不能自拔。

同埋我覺得我隻狗走得唔係太安樂(?) 打第一針嗰下佢有縮，因為前一日先覆完診，佢隻手種過豆，安樂死時醫生又打針落同一隻手，痛到佢縮左，之後先剃毛打第二隻手，真係好撚心UP，好想喊，好多遺憾... 但我唔會想再養，呢隻我都係由佢幾個月，養到佢15歲半，真係好掛住佢。

不過我覺得都真係冇話點樣/幾耐可以釋懷，有時我都仲會係屋企嗌下佢個名，純粹想嗌，同埋掛起咗佢幅相，隨時望到，用佢既相做電腦WALLPAPER，依然日日望住佢，但除咗而家刻意講起之後，基本上都唔會點喊了，隨住時間點會都會淡化一點。諗起佢唔使再咳到瞓唔到，唔使日日食藥，唔使再覆診，狗生再冇折磨已經好好，留低既情緒就等自己慢慢消化。

不好意思抱抱你🫂

然後你可以永生, 即係你要帶依份心情, 直到永遠

人生就好像一程車，重點不是上車的人可以陪你去到哪個站，而是你們一起欣賞過哪些風景。

我同你做既野好似 耐唔耐會叫下佢個名 每晚返房訓 熄燈訓之前都會嗌下佢個名 其實平時都朋友講起果陣都唔會喊了 但總會有靜落黎既時候 得自己一個既時候就好掛住佢 忍唔住開佢d相黎睇 就好似佢仲係我身邊咁

你好!
在你的文字中感受到你正面對着很大壓力和痛苦。自己一個人承受着，真的不易。如果你不介意，讓我們陪伴你一會，好嗎?
你可以進入網站內的『Chat窿』 https://chatpoint.org.hk/ （星期一至五：下午4時至凌晨1時；星期六、日及公眾假期：晚上８時至凌晨１時），和我們的義工傾傾吧。

我們願意聆聽你的心聲，伴你一起走過這段艱難的時候！

時間同搬屋
我第一隻貓陪咗我14年
到今年佢走咗9年
即使我有其他貓我都仲好掛住佢
只能安慰自己已經好幸福
係佢短短一生俾足夠嘅愛佢
而佢亦陪過你人生一段路

早排隻貓貓走咗，我諗住用工作黎麻醉自己，日日full 行程，其實發覺係唔得，我好努力唔傷心，但係一望平時貓貓鍾意食坐瞓玩既位置就會諗起佢，然後又開始係咁流眼淚。

依種傷心同至親既人永遠離開你係冇分別，打到依到又想喊

呢度好多同路人
我隻狗狗亦會間唔中喺我夢中出現

建議大家有時間做寵物義工
將功德回向俾佢哋

希望佢哋喺另一個地方都生活得開心啲

其實呢世都記得 就算養咗新寵物而家間唔中都會諗番起 始終都係屋企人 個時都有上lihkg開po圍爐 睇下巴絲打啲留言 有感覺好少少

我隻狗上年9月走左 由刻意想自己move on
變到同呢種心痛感覺共存
到而家諗起佢依然會喊 真係好掛住佢 但諗起以前既回憶都係好開心
我個人唔會想養多隻住 一黎好驚當新個隻係代替品 二黎唔想又傷心多次
可能到我諗起佢都唔喊個陣就係ready養第二隻既時候