寵物過身之後 你地幾時/點樣先釋懷到

我隻狗今年年頭走左 16歲算係好長命
屋企得我一個獨仔 所以我細細個就當左佢係我細路
依家耐唔耐都會諗起佢 一諗起果陣會不自覺咁流眼淚
應該要點做先叫move on到

我信佛 信因緣因果無常 信有輪迴 每天都念經 迴向俾佢 祝福佢下一期生命去更好身體 更好嘅地方生活

冇得move on 架
只有習慣

幾個月
佢走左一年都成日會記起佢

家人嚟，做咩要move on
慢慢習慣咗無咗佢嘅悲傷就夠
有啲人會唔想有下一隻，有啲人想有下一隻陪，唔再傷心嘅時候嘅反應係無正確答案
先好好平伏啦，加油

有條件嘅養多幾隻, 過多幾次個感覺就會無咁強, 同埋你需要撐住照顧仲在生果d過咗利申19次
最後理解到你嚮佢在生果陣比晒最好嘅野佢, 佢死後你記得佢就夠

+1

養過第二隻差唔多樣嘅

養多個 真心
我同另一個主人都係咁樣做，真係好好多
你見到啲糧兜飲水機就咁放喺度，你仲傷心

我都係由寵物過身之後，由基督教轉去佛教，因為基督教會好殘忍咁同你講你寵物死咗就係死咗，人先會有永生
我個陣喊到仆撚晒街，接近唞唔到氣

佛教會同你講，佢會有一個全新嘅身體繼續玩
我諗到呢一點就開心好多，我都會努力想像佢玩得好開心嘅樣，呢樣係我唯一可以幫到佢既野

唔係咁㗎， Move on不等於忘記/背叛佢

CHING想請教下
如果寵物去咗彩虹橋已經幾年先做呢d會唔會太遲？

如果CＨＩＮＧ你有做過寵物義工
照顧老年貓狗
就更加會體會到佛教對寵物生命嘅註釋

唔會遲呀 雖然佢去投生左下期生命 佢依然係呢個世間生活中
可以係佢特別紀念日子(生日/死忌) 迴向繼續祝福佢的

多謝CＨＩＮＧ
請問有咩經文適合?
同埋佢走嗰時我哋抄過啲經文俾佢
收起咗
想問呢個方法係咪都有用?

要相信佢係狗星等緊你 總有一日你地會見返

如果你做完安樂d 咁就係有用

（佢）係指善終公司？

祝福寵物/人去更好身體同環境生活
《佛說阿彌陀經》《藥師經 》 都好適合 念或者鈔都可以 睇個人時間 精神狀態

走左兩年 一諗起佢都會喊，成日都諗如果 果時比鮮食佢係咪唔會生癌，又覺得以前陪佢唔夠多，上年領養隻同佢差唔多樣既，但成日都會覺得以前個隻善解人意 好多

佢會永遠係你記憶入面, 只係令你流眼淚既下限會不停咁提高
我由隻狗走左, 果陣我係街見到任何狗都會諗起佢, 慢慢去到見到同品種先會諗起佢, 再慢慢去到同品種加同顏色, 去到見到都已經冇咩大感覺

我隻狗, 我都係當佢細佬咁, 甚至親過親細佬, 十幾年黎, 都係同我一齊訓, 朝會會整醒我叫我番工, 去到後期佢長期病患, 我日日係屋企照顧佢, 一星期去2-3次獸醫度, 一日餵4次藥, 佢跳唔到上落床, 我一晚抱佢上落幾次, 臨走前果晚隻仆街仔重死頂住眼訓, 陪我睇波唔肯訓覺, 我重係度諗隻仆街仔做咩果晚咁痴身趕都唔走.... 起身佢就走左了

我阿爺走左十幾年
依家諗起有時都會眼濕濕 或者睇戲諗起
相信我屋企隻狗仔走左都會
依家趁有時間多啲帶出去行下

我隻喵陪左我22年，今年6月走左，我依然好掛住，都知道無辦法，幾難受都要接受。

佢走左既頭幾月 真係好唔慣你明明知道佢已經唔係到 但係屋企每個角落都好似充滿佢既身影咁 佢平時食野同飲水既兜 平時同我屋企人睇電視既狗竇位 去廁所既企缸 每日放工帶佢出街既指定動作 打到呢到對眼已經開始眼濕濕