我想創業的話，搵舖頂手易d定自己由頭搞？

倫敦金咁， client賺蝕唔關佢事， d公司中間cap水ja

不如留返啲錢睇醫生仲實際

輸哂就認輸，返去打工

又或者破產躺平拎綜援，每星期做一個鐘無償勞動

咁你有冇興趣投資比我整game?


幾十萬可以幫你出到隻game
紅得起就執幾百個, 爆紅既even千幾萬
之前隻8號出口, 作者一條友都執左2m usd


不過紅唔起就係0
睇你想唔想賭
有興趣既可以contact我吹下水

如果我識藍海就好，我唔怕捱
不過我咩都唔識。。。。


雖然我諗未必真，但d網有寫賣家放盤原因，我估無9成真都有5成掛。d原因都好似正正路路咁

你好勁呀！

不過我唔識投資game development, 因為我唔熟呢個industry

你可以試下kickstarter果d眾籌

唔好聽樓上潑你冷水。
揾間啱筆直就去馬。
唔好諗咁多。諗諗吓就十年。
十年之後你會後悔點解當初無去馬。

支持你。
祝你馬到功成。

未研究過，但全部都係睇盤數，盤數有數圍應該可以試下

kickstarter 已經比 scam 玩臭晒
其實前排web3好流行既時候
好多人搵我整d web3 P2E / NFT game
叫賺到d製作費

不過果d game整完都冇人玩既
整得好冇癮, 個感覺就好似辛苦拍完套戲冇人睇咁
所以依家想主力正返d正常 game

我都有諗過創業，唔好聽樓上啲人講，除非佢哋創過業失敗或者現實係老闆。否則冷氣軍師你自己估返都得。以前有搞生意念頭所以有問過做生意嘅人，有啲一開始都唔識邊做邊學，我覺得趁後生可以一試。巴打加油

多謝你！
我好認真咁諗緊點創業
只係唔識點開始

多謝巴打你支持

你同啲明星求其拎舊錢出黎同人搞飲食 最後蝕哂有咩分別

唔同~ 我諗住落手落腳落場踢ga

我唔想蝕哂架

儲左廿年

dllm 做飲食唔識煮
除非做廚個位係你屋企人
否則實玩鳩死你
2球港紙投資好過
低風險： voo spy qqq
中風險： nvda tsla btc
高風險： 5qqq Mst3
Dyor

自己創業飲食業吉舖自己搞裝修出牌順利都搞你無一百都要幾十萬，無經驗中伏率極高，見好多雄心壯志拎錢出泥頂手/開新舖，抱住個心態條村咁多人做到點點點都夠皮醒少少幾個月會賠錢走啦，有心開舖真係要係附近望番一頭半個月咩時間有人流生意，隔泥附近同樣舖頭人流銷費...
租金當你三萬，其他燈油火蠟連入貨兩萬，你自己加兩個阿姐五萬，都要十萬一個月，即係每日起碼做三千先打和(計少左啦)....仲有落雨假期之類，二百萬零開始一年就燒哂啦(其實三個月内都知收得皮)﹐食肆賣下燒賣魚蛋三寶最實際揾d阿姐拾拾下搞掂。零經驗求其餐廳做番幾個月先講。
十年整次疫情都夠你前工盡廢，咪搞咁多野啦

我覺得你可以試下玩個啲無人洗衣店，或者去讀返個business management 睇下識唔識到做緊生意嘅老闆，問佢哋取下經，有咩要注意，咁仲好過上嚟問

星露谷/吸血鬼都好似一人製作

如果你真係想做餐飲
頂手確實係好過由頭做起
不過唔係想俾負能量你，好似旺角區咁 旺丁不旺財，以我住咁耐 開10間 兩年後得返一兩間 （執嗰啲 有一半午晚市都係爆場），然後第二位接火棒繼續試 不斷loop

我當你好俾心機，但有啲嘢唔輪到你控制，班濕鳩業主日日望撚住 見你生意好就加你租，分分鐘慘過打工 真人真事聽唔少

我唔知你做邊類型餐飲，但好多為咗慳cost老細自己落場頂入面出面既人放假 甚至洗碗

同埋而家競爭大，出品要求高，出邊請啲廚房佬質素參差，好易中伏，有heart有自我要求嘅人才難求

真係堅持想做嘅話，問多啲身邊真實做飲食業嘅朋友意見，但問還問，盡量唔好請自己身邊人

利申 曾經同行過來人

你不如上網download夢幻西餐廳嚟玩

飲食一來前景唔好 二來困身，三來你唔識煮一定出事
如果你只係想做admin嘢其實真係唔應該創業，因為一盤生意必須要有番咁上下規模先養得起個back office.

一句講晒
實體經濟收緊皮
你落手落腳做
日做14個鐘分分鐘都係蝕住做
你又要簡單 依家香港冇新意嘅business model都死得7788

每月利潤得1萬8
大風D都倒蝕double有多啦
做生意冇可能簡單,入貨,請人,預人手,搵客仲有各種大大小小既問題全部都要自己諗
咩都唔識學人搞生意不如直接過大海算啦嬴面可能高好多添

真係
我樓下間七仔
個店長都做唔住讓比人
一問之下

佢話依家一個月交8萬蚊租
幾年前都只係交4萬
一好景少少, 即刻加到去8萬

已經講緊只係D屋邨仔
然後班打工既成日射波
個店長成日要自己頂更
一日返足24hrs佢都試過

所以係地鋪做生意根本只係幫業主打工
叫過下老闆癮, 但搵得分分鍾少過看更
除非幾十年前自己買左鋪
否則無可能做得住

所以樓主要創業,
唯一可能既就係諗d自己租樓上office都做到既野
而且唔洗牌照既野
業主加租就即搬
我自己都係租左個房仔做studio

飲食好唔好搵其實好睇地段有無人流加影相好唔好睇，我有個朋友係文青區開左間舖果區大量人流加網上IG Post 下野都做得起，佢一舖兩用一邊賣另一門生意，一邊係淨係做咖啡無小食咁，依家佢非咖啡果邊嘅生意好好，搬大舖唔做咖啡。

非廣告，勿相認，唔知佢有無放上網招頂手。

另外一提加盟做珍奶野飲類都伏，比20萬加盟費咩都唔包淨係比個品牌人做，裝修咩野都唔包，入貨一定要入品牌指定貨，貨錢加價加盟店又無得自己加價，千祈唔好做加盟店

祝你創業成功