窮L移英有感

一向都有聽人講喺香港生活其實真係天堂，以往我都好贊成的，始終自己人工唔錯，仲要工作壓力少，喺香港消費係10分開心

而家身處英國嘅，我唔單止係明白咁簡單，直程係深深體會到

當我喺工廠執貨，攞住嘅每一件衫，購買嘅人應該好多時都係喺倫敦呢啲高消費地區嘅富人，望住個價錢牌，幾百磅一件，而自己收緊最低工資12磅都唔夠。

其實嗰個反差真係幾誇張，老實講，喺香港嘅時候我都應該冇買過千蚊嘅衫，幾百蚊挨近1000已經係我最貴嘅衣飾消費，而我主要都係買UNIQLO嘅T恤。

不過收緊幾萬蚊人工，去食幾百蚊嘅自助餐都唔會點考慮，去日本旅行又唔覺得貴，最誇張嘅其實就係喺淘寶消費

而家我喺貨倉度見到嘅貨，大部分都係嚟自中國，都有啲係越南等地。

其實我喺度嘅分享都係想希望留喺香港嘅朋友們都唔好忘記你哋美麗嘅生活背後，係有班人付出左代價，而家我喺英國其實都只係體會到佢哋一半都冇嘅苦。

另一方面，真係體會到基層工人嗰工作環境都可以幾壓抑吓。

係咁不斷重覆做啲小學生都識做嘅野，我宜家做野嗰度手機等物品又唔可以跟身，要鎖喺locker。（咁啱哩間公司嚴格啲，我之前做嗰個倉雖然話唔准用手機，但係你偷偷地用吓都冇人鬧你，而且其實帶着耳機聽吓歌好聽下podcast都冇咁悶）

啲上司又真係keep住同你計KPI，要你做快啲～

（不過我之前喺香港又好彩可以冇壓力、好舒服咁返工，成日都可以玩手機，可以做做吓搵同事吹水，工作本身又有少少滿足感～）

食飯又得半個鐘，仲要無薪～

順帶一提，我見到好多歐洲人其實都好快手好勤力，暫時都仲未見到啲人話佢哋好懶散嘅畫面。

如果後生， 進修下轉返文職。 如果年紀大又有小朋友。 同自己講， 移民最辛苦最慘係 我地依一代。 下一代會開始好。 除非你好有$。

香港點會冇貴衫買，我以前條女萬零蚊人工買衫買親都要千千聲，佢嘅生活就係還min pay度日 英國你想要平一樣有Primark唔見得價錢/款式輸蝕俾Uniqlo

樓主有冇識到當地人 無咁depression?

呢個情況 乜地方都有 如果 你以前在 X G 名店做 一會咁諗 ～

放開D 心態重要

你間倉係咪H 開頭？

水人衝人血移民撚

姐係你要我著made in china ,就要體諒大陸人？ sorry, 做唔到囉

我自己著啲衫咪去PriMart 買囉

但我日日返工見啲貨係貴野丫嘛

我又未去到depress

其實工廠入面啲英國人都幾苦口苦面，老嗰啲會寬容啲

買衫由u記轉左Kmart
都係求撚奇

為咗下一代無辦法啦….
但有冇諗過下一代都係要做呢啲工廠工

唔係體諒，係明白自己舒服嘅生活背後嘅代價

而且唔止係大陸人，仲有世界各地受剝削嘅人，而香港低層人士都係支撐着大家嘅生活。

當我見到倉入面啲後生仔女，真係有咁諗

睇你點教啦
如果唔係好似鬼佬咁放養式
其實亞洲人係歐美係更加容易做專業人士

但應該好過大陸996？份人工應該都夠食住？

真 返嚟未？

香港啲新移民咪又係咁，笑鳩佢地做清潔洗碗做譚仔，唔做呢啲根本無得簡

咁會唔會回流？

手機都唔比用

Ching返MI5定庇護工場？

樓主你心態好正面，我識嘅香港人做兩日就話辛苦唔撈

唔識歐美式社交都唔會點上到位

廢柴返得工廠做就預撚咗冇好生活啦 鬼叫你細個唔認真讀書而家咪on99不自量力 見人移英你又移
冇咁大個頭就咪戴咁大頂帽啦抵碌柒

關認真讀書乜事

讀完書先去果D去到一係直接退休一係都係做倉

唔通比個經理你做咩

你香港都唔會請個讀過書o既賓賓做經理

毋忘初心, 有民主自由咩都值