原來依家豐澤咁樣呃人買嘢？

事源我女朋友換新電話，尋晚去咗豐澤問部舊電話（iPhone 11）可以trade幾錢。嗰sales check完話可以trade 600，咁我女朋友聽完覺得OK，就現場買咗部iPhone16 Pro 仲諗住即刻trade埋。點知嗰sales話可以返去back up 啲data先，聽日返黎trade都得。

奇怪嘅係佢出咗invoice，仲喺上面寫咗句check咗後玻璃邊框，但係其他無check。明明佢係check曬所有嘢，連通唔通到話都有check。然後我女朋友就拎咗部新機同舊機返屋企set up。到今日我女朋友返返去間舖頭，另一條友又check過部機，話發現有新問題。然後最新報價係最多trade 100…

咩事，係咪啲新手法黎？呢排豐澤好唔掂咩？要靠啲咁低劣嘅方法去賣嘢… 雖然佢條款係寫明個價錢係跟trade 嗰下嘅condition，但係明明我女朋友可以當下即刻trade俾你，你又叫人唔洗急。依家轉過頭就話無辦法，規矩係咁。 Ok，吹你唔漲，但係以後大家真係要小心啲pk sales。

希望唔好再有人中伏

唔即刻喺嗰度過資料？

咁仆街

同誠哥做生意你想贏？

報東張囉

幾年前以經係咁 勁仆街 利申中過招

iphone 11放上網賣，唔嫌麻煩應該都賣到$1000

你有電子鎖同銀行 app，要試清楚先可以洗機，唔係出問題係好麻煩

咁新問題係咩？？

無，佢話可以返去自己back up。然後再拎部舊機返去trade就得。咁我女朋友覺得可以返屋企整，唔洗喺度等咪拎返屋企先。然後就發生咗咁嘅事

奇怪嘅係佢出咗invoice，仲喺上面寫咗句check咗後玻璃邊框，但係其他無check。明明佢係check曬所有嘢，連通唔通到話都有check。


咁你睇到呢句咁奇怪既野，有無問番個職員？

話個mon有色差

//仲喺上面寫咗句check咗後玻璃邊框，但係其他無check。明明佢係check曬所有嘢，連通唔通到話都有check。//

你拎張 invoice 走果陣唔問人？

佢check到嘅果個新問題係咩問題？

當下無諗咁多，所以大家之後要問清問楚

計佢拎機CHECK個下..為準

咁最後有冇trade

規矩嚟講其實係 但如果上一手mark咗個價係咁多錢 下一手其實都可以盡人情畀返呢個價佢睇下佢做唔做嘅啫

係呀..
扣少佐自己賠咋嗎

仲有，現場唯一 check 到既你塊玻璃
第一日報俾你 trade $600, 點知你第二日會唔會返去換走哂d壞既零件返黎再話要 trade $600?

換機一定係即時再 check 零件咖啦
至於第二日點解變到收得 $100，咁就真係唔知了
一係第一日條友 check 錯，一係第二日條友 check 錯

最大問題係寫明其他no check
所以所謂600都唔係實價

我明嘅
其實間間公司都係咁
但第一手check果陣睇唔到色差
過兩日番嚟話有色差要扣錢
有條款講明係計現狀收機個客係吹你唔脹 不過下次唔會幫襯

張單寫NO CHECK

即係初步睇到第一眼就係爆玻璃
其他未CHECK

我Gchi你個point呀，所以佢當時就唔應該叫人返屋企back up。全部嘢當面整，冇拗撬。但係佢咁樣做加上寫嘅嘢，好難唔令人懷疑佢嘅動機。

不如你講下個新問題係咩先啦