點解羅馬冇好似中原皇朝咁統一番全國？

羅馬帝國唔係行呢套. 殖民地講緊有一個支配族群控制其他族群,而後者係永無翻身之地.

但實際上羅馬係行敗者同化路線,係攻城略地後就將管治權開放俾當地士紳. 而行省居民可以通過唔同渠道,例如做律師醫生教師,或者做行省兵攞到羅馬公民權,繼而成為真正既羅馬人. 事實上有好多皇帝既祖上都唔係羅馬本國出身,祖上都係被征服既人,例如安敦寧係高盧人,圖拉真同奧里略係西班牙出身,謝維勒係迦太基人. 呢啲都同十八十九世紀既帝國主義時代完全唔同,係一個開放同有晉升階梯既社會

用why nation fail黎解釋
應該係指大分流


無資本累積，發展出資本市場
科技點黎發展創新，進入工業革命

好難講，美國腳底下資源太豐富
歐洲太分裂，各自文化傳承太強，根本統一唔到

都係個句所謂民族概念係好近代先有,當代普通人根本唔會有咩國仇家恨,唔洗打仗已經好好

長平之戰後, 趙國憎秦國憎到入骨..........
點會無仇恨

你講個個憎到入骨應該只限上層個十幾丁友樓下百幾萬人完全無感

你係唔係on9

長平之戰 被坑殺果D 都係平民組成既兵
係好多趙國平民 既父親, 兒子, 兄弟

弱智出小句聲啦

你係咪以為古代有新聞報紙

古代俾人拉去打仗,去邊到打唔知,父母連個仔有無死都未必知,因為官方唔會派人通知,所以點死唔知,係邊到死唔知,咩叫長平之戰唔知,就咁就無咗個仔當失蹤. 亦唔會有人做propaganda去農村同人講我地同緊邊個國家打仗

你呢啲用上帝視覺睇歷史既人正正係最on9既人

你以為古代個個住山洞, 與世隔絕 咩

陳勝, 吳廣起義
各地都好快知道, 跟住一齊起義

古代資訊唔流通, 唔代表個個對外界既事一無所知

你要有班識字既人帶住先做到,平民的確好多時唔太清楚發生咩事,跟人起義都係因為無飯食或者要死,而唔係為咗啲咩國仇家恨

點會完全冇
坎尼死咗成代羅馬公民 唔通佢哋又一無所知咩

之前睇過一條片分析點解中國統一到，地理係幾重要嘅因素，中原普遍地勢平坦，又有唔同嘅河流，有理於統治，片入面用電腦模擬多一次歷史，結果就係中國都係一大塊領土

就係有人想統一先打到自己收皮俾美國上位

其實羅馬絕對有能力直接進入工業革命

公元一世紀嘅希羅發明咗蒸氣機（汽轉球），加上北列顛行省有煤炭資源，當時羅馬已經滿足晒工業革命嘅必要條件

但正如Why nations fail所講，羅馬帝國係一個奴隸隨處可見嘅榨取型經濟，但工業革命帶嚟嘅勞動力改革會威脅既得利益者嘅利益同權力基礎，而且羅馬當時嘅政治體制已經變成類似君主制，唔可能會搞得成

但歐洲就係又分裂又世仇彼此競爭先有後面要玩科技同工業革命

有競爭有進步
不過要係和平嘅競爭先係

但係如果和平而無競爭，同戰爭嘅破壞相比
都幾難揀
前者會初期成長、後期得不償失，例如北韓初期係勁過南韓，蘇聯初期某啲領域都勁過美國，但係後尾食哂屎
後者就會靠競爭而認識到和平好過戰爭，好似歐洲一二戰打到仆街然後歐盟成立咁

咁你又用？

緯度+河流決定
初始文明發源地

華北，華東一大片平原
相對容易大量改造農田，亦無高山之類天險
地理上相對封閉，唔會有高機動性遊牧民族
唔似中東
只要出現不平衡 (某個勢力強)
就好容易滾雪球
強者越強，弱者越弱

去到春秋
所謂中原基本上已經無另一個強大民族
去競爭，與周天子無關果堆全部一係去哂山區自閉，一係就好偏遠例如越國。

一世紀羅馬點入工業革命
你所講果堆發明
就同中國沖沮之果班一樣

只係斷斷續續，不成體系既科學發明
根本唔係科學體系。

蒸氣機背後係大量基礎科學，熱力學等
無數既人去改進
(自然史博物館有十幾，二十款蒸氣機).
唔係隨便搵條友去發明少少野就可以工業革命。希臘火唔同就等於火藥咩?

不如我問
開放榨取 可唔可以解釋
點解斯巴達(極端高壓奴隸+極少數寡頭)
可以打敗雅典(都係有奴隸，但有龐大公民)

因為一來羅馬公民有得直接參政所以知發生咩事,個bond同中國鬆散農民狀態完全唔同.

二來坎尼就係正門口,三來羅馬真係有公告,四來羅馬真係會記低每一個陣亡士兵個名

同中國個case完全唔同

你都戇撚鳩

應該關有獨立語言事，法語德語西班牙文，多到仆街，佢地唔想失傳所以獨立，睇下韓國細細國家，應該一早被中國統治，但好大機會有自己語言所以最後都獨立到，最後想講廣東話都好快比普通話取代，另外中國成日想統一台灣，就係語文太類似，只要語文係雞同鴨講就無法統一。

消失果啲更多 而家嘅西班牙文 法文早400年只係卡斯提亞 法蘭西島用 都係強勢政權用嘅語言
唔會話你有自己語言就咁易建立民族國家
高加索地區啲語言仲誇張