無恥獨裁任天堂再度重申：模擬器使用和分享均屬違法行為

Tear of the Kingdom低fps到

唔緊要，有高遊戲性

有人用影印機印書，你去禁止影印機？

模擬器根本係合法
有哂定論 冇咩好拗
呢單野完全係大石責死蟹

關咩免唔免費仔事
成班任記股東出面護航

有人係任天堂特經銷商 深之都GAME CLUB 遊戲俱樂部老闆黎添

嘩，咁巴閉架原來

講起呢樣嘢我有啲好奇 假設模擬器冇被封殺 一般人想用完全正版嘅方式 用正版實體帶整rom自己玩嘅話難唔難搞

呢個post 睇睇吓真係對用模擬器玩有啲興趣 畫面提升聽落好吸引 但我始終想用正版 會比較心安理得

視乎目標係邊啲機。
如果係萬九幾年前街機，就算你有底板，想dump ROM都要研究一輪同搞一大餐。
如果係ps/ps2/ps3之類，就咁用DVD drive就可以rip到個iso出來用。
如果係sd card，要用特別software同card reader。

我只係試過rip碟，其他兩樣要俾有經驗嘅人講。

https://youtu.be/h5sA_h_w2Lg


今日我朋友睇完片之後講咗啲好過分嘅說話，我照佢講打出嚟:唔怪得啲人玩老翻，當年嘅三百蚊同依家嘅三百蚊完全係兩回事，更何況以前啲game仲貴過依家，依家你哋當然可以好口響話自己支持正版啦，依家啲game咁平，計返通漲賣返一千蚊一隻game吖，睇吓你哋仲買唔買？！

冇錢，玩唔起，咪唔買囉
從來貴唔係間廠問題，係用家問題
乜都係講供需，定價真係太貴冇人買，咪自然會降價降到啱

你自己(你朋友)大種乞衣，就以自己心態當全世界都一樣
你啲GAME賣咁貴，逼我去玩盜版即（有冇諗過唔玩呢？有人拎槍指住你逼你玩？）
你啲顯示卡賣咁貴，逼我去打劫搶即
你啲名牌手袋賣咁貴，逼我去爆格即

遊戲唔係必需品來架，窮撚俾唔起錢，就返去玩手指啦。到個價真係社會普遍唔接受，完全冇人買，GAME廠蝕錢，生產商自然會降價。

鐘意用模擬器嘅多數係真正嘅hard core/懷舊玩家

有冇數據
我係啲破解討論區所見呢，用得模擬器就多數係真正既乞衣來既，hard core/懷舊玩家就冇見過

模擬器多數要做一大堆調校，而且唔保證一定玩到，中間出咗問題多數要靠自己去做troubleshoot，怕煩、又懶、乜都要快嘅人點會肯用

至於咩難用，要調好多野，剩係youtube search下switch模擬器都一大堆懶人包教學，禁幾個掣已經玩到
怕煩、又懶、乜都要快嘅人點會肯用
呢句又係好笑，唔想洗錢又自私既人，個動力大過所謂既怕煩又懶啦

Ps1年代我係玩正版碟喎

我只係轉貼朋友意見，同本人無關

同埋ps1年代sony會將啲出完一排的hit game以best名義出平價版，會再抵啲。

Saturn DC 年代我都係買正版，模擬器我都有好多，但主要係儲番以前街機時代嘅game 當留念，同埋睇developer克服啲難處
例如點樣搵番當年circuit diagram去了解，點樣用現代technique 去做番一啲以前嘅功能 (好似supermodel emulator點樣做番當年spikeout 4打咁)，其實幾過引

叫我用模擬器真係爆一次機真係唔會，人大咗無咁多熱情去打機，反而會用欣賞角度去睇佢哋點樣撚到隻game 變到4k 60fps

都係嗰句，你發現有人侵權影響到你而家/將來利益嘅，你做嘢冇問題，但唔影響到你嘅，有乜必要去搞人？咁樣做同班左膠有乜分別？

至於嗰班站係道德高地指責人哋用盗版嘅，我想問窮人係咪就冇資格娛樂？佢哋本來就冇咁嘅消費能力，即係實際上佢哋用唔用盗版都唔會點影響到廠商利益

而家班細路好多都未捱過苦，佢哋而家郁啲就問老竇/老母攞零用錢，我小學一日得5呅咋，買正版，半年都未必買到一隻

娛樂點會唔係必須品？如果係咁，人類就唔使發明咁多唔同種類嘅娱樂方式嚟消磨壓力/時間啦

㩒幾個掣就玩到？你有冇考慮過兼容性問題？隻隻game都可以4k/60fps?你部機啲硬件真係可以run到咁快？運行中途唔會有惡性bug？遇到嗰陣點搞/避開佢？遇到圖形/聲音錯誤點fix?同乜嘢有關？遇到幻燈片game點樣提升fps?已經發展咗幾十年嘅emu都唔夠膽講可以玩到所有遊戲，更何況新嗰啲？

而家啲end user你要佢行多2步都好似叫佢去死咁，佢哋真係會為咗慳嗰小小錢唔用硬解/軟破依啲一勞永逸嘅方法，而走去用模擬器？

打機從來都係game先係最貴，硬件有限錢嚟，我想問你砌部可以run模擬器嘅頂階PC貴啲，定係買部破解咗嘅主機？如果嗰個人只係要求玩到就得

我好佩服嗰班整模擬器嘅developer，冇返咁上下開發技術同經驗，係冇可能整到

如果純粹因為省錢，而唔係因為對嗰樣嘢有愛，真係會用咁多時間去做turbleshoot?

如果模擬器係犯法，咁大把嘢都收得皮，例如民間漢化就要爆開人哋個rom，搞清楚裏面資料分佈之後先至可以整patch檔，之後再將個patch塞返入去或者用模擬器掛載，先可以做到漢化

模擬器係有佢存在嘅必要性，用上面做例子，冇模擬器嘅話要玩到漢化就只有用經過修改嘅主機，好少漢化可以係未經修改嘅主機運行

㩒幾個掣就玩到唔係必然，玩唔到直接黑屏，遇到依樣嗰樣問題先至係常態，用得模擬器嘅起碼要有返咁上下熱情同會主動解決問題先至得

至於你話未見過hard core玩家，咁做漢化嗰啲人夠唔夠hard core?嗰啲人多數本身就係模擬器使用者，漢化一隻game如果係rpg，字數可以去到數十萬甚至過百萬，漢化週期係用年計，一毫子都冇收過，完全係用愛發電

基界賤種都有雙位數正皮