無恥獨裁任天堂再度重申：模擬器使用和分享均屬違法行為

咁老任應該要聯合埋其他廠商去美國告埋電子遊戲歷史基金會同所有民間收藏者，相比模擬器，依啲組織同人係佢眼中更加係十惡不赦

歐盟出手，封住任天堂把口

點解以前 NDS R4可以出咁耐，大家都玩到。

因為今次模擬器暴露咗ns機能垃圾嘅弱點

老任嗰陣根本唔重視東亞市場，如果唔係R4自己走去日本，都唔會咁快收皮

個大老闆連客都敢屌，你話呢

唔係老任個壟斷係90年代中比人打破咗
佢個「初心會」可能到今時今日仲存在緊

你好，唔好意思，我有啲題外話想問下你，聽聞有啲遊戲模擬器仲係用緊32bit,如果用8gen3或以上嘅android機會行唔到，我想問係邊種？

唔清楚，冇check過，因為我用緊7+gen2。你冇講錯，包括8 gen 3以上嘅高通U已經完全移除咗32 bit support，即係如果唔用兼容層做轉譯就冇得搞，因為VM要run 32 bit都要CPU support，而家得2個解決方案，一係用小米14，因為得佢有兼容層，一係就等官方出64 bit version

https://m.eprice.com.tw/mobile/talk/4568/5803596/1

唔清楚之後會唔會有類似嘅開源項目，但都唔會係短時間可以用到，其實最大獲唔單止係32 bit support被移除，仲有arm v9好似唔會向前兼容

但我估實作難度點都高唔過windows<->linux，arm<->x86

其實電子遊戲歷史基金會23年已經出咗報告，就算係最暢銷嘅PS2，而家仲係市面流通可以買到嘅game只係得返12%，其他主機情況可想而知，街機、PC（包括x86同其他）應該仲大獲

任天堂最近對所有的模擬器加大了打壓力度，而且不僅是模擬器的開發者、遊戲檔案的提供者，現在連許多關於模擬器影片的頻道也收到了警告。

先前，就有任天堂對一家評論模擬器遊戲的「RetroGame Corps」Youtube頻道發出了版權警告。該頻道的描述為「深入的評論和展示手持式模擬裝置」以及提供模擬器設定指南。其中就有影片收到了任天堂的版權警告。

不過，如果用模擬器來直播任天堂的遊戲內容，恐怕問題會更嚴重。最近就有一個遊戲直播主「gdkchan」在任天堂最新的遊戲《瑪利歐& 路易吉RPG 兄弟齊航！》的遊戲發佈前，直播了自己使用模擬器遊玩遊戲的影片，結果遭到任天堂直接提告。

現在有其它的Youtuber研究了任天堂對他提告的內容，根據 Video Game Esoterica 發現，在訴訟書中任天堂再次重申了之前在提告 Ryujix 模擬器時提出的觀點，即「模擬器並沒有任何的合法用途」——即便是出於遊戲歷史保護性質也是如此，並且還進一步表示，分享和宣傳模擬器的下載連結同樣是違法的。

（有鑑於任天堂公司本身也在任天堂博物館裡頭用到了自家的模擬器去展示那些紅白機時代的遊戲，所以任天堂認為違法的模擬器，應該一律指的都是非官方的模擬器。）

任天堂表示：「僅僅是使用到任天堂 Switch 模擬器的行為就形成了‘引導犯罪’。」

Esoterica 稱，整個訴訟其他方面都是非常正式的官方用語，但只有這一主張相當荒謬。他認為任天堂是在利用「gdkchan」這個理想案例來推動其比較極端的觀點，即「模擬器完全違法」這一觀點。

任天堂似乎想徹底終結模擬器，目前主流的 Switch 模擬器已經被警告，並且官網被剝奪。不僅僅是 Switch，即便是已經關閉商店的 Wii U 遊戲和模擬器也遭到了打擊。

最近的版權爭端不僅僅影響到了遊戲，保存了許多學術性圖書以及保存那些已經不再發售無法購買的遠古遊戲的 Internet Archive 最近不僅面臨起訴，也被要求徹底關閉其服務。

果然係任地獄

唔知老任夠唔夠膽出聲名話自家模擬器冇用過一行開源模擬器代碼？

依個世界最無恥莫過於啲大公司拿來主義，用人哋啲嘢整product賺錢，之後過橋抽版想走去整死人哋

唔好同我講佢係"自主研發"，佢自家主機OS就已經唔少開源代碼

任:商業機密,唔洗同你講

其實sony好包容模擬器

御三家其他二家係後來先改變對模擬器敵對嘅態度，以前實際上都唔好得過老任幾多，但起碼冇老任咁無恥先。sony一向出名對開源項目友善，每年都會捐錢比對佢有幫助嘅項目，M$雖然對開源項目好孤寒，但起碼做唔出利用完人之後走去整死人哋

sony唔係唔想告，係知難而退。

當年PS1現役果時已經俾人出到2個行到大多數game的模擬器，但告來告去都告唔入，最多係用訴訟出到臨時禁制令。官司贏唔到，於是干脆買起對手(VGS)或者用訴訟陰乾對手(Bleem!)，但咁樣又要駛咁多錢。所以佢地依家知道法庭呢條路根本唔通。

retro game corps我有睇開
某程度上佢自己攞黎，yuzu剛剛先被封，佢就大搖大擺介紹migswitch結果收一次warning, 之後都未夠一個月就介紹cemu android version係咁showoff老任d game
佢喺呢個圈都多人follow，佢要咁明顯都好難唔搞佢
雖然老任report佢既原因係因為佢showoff左老任既gameplay，而唔係因為用左模擬器
但真係睇得出鬼佬係好堅持自己既論點 佢亦多次強調自己有買好多switch正版遊戲

其實老任都係針對switch, wiiU呢d比較higher-end system。3DS既citra只係因為同yuzu係同一班人整先落埋架

雖然睇落老任好企硬，但希望佢唔好搞埋gba, gamecube呢d模擬器，因為真係玩唔番

dolphin好似未出事？

呢排老任咁出力
我覺得可能switch2推出同時會出部分remastered/hd game
或者NSO會追加更多title甚至係GC, Wii模擬器

anyway，我係幾欣賞3DS/WiiU時既virtual console, 至少買完game唔怕佢摺埋個NSO雖然可能成本問題佢先轉行月費模式
但宜家NSO上title都仲係太少，部分gba game我都係要用模擬器玩。

老任到底係咪真心想整死所有模擬器甚至整個模擬界，我哋拭目以待就得，下年2至3月應該就會出新主機同pokemon新game，肯定仲會有大動作

Dolphin上年都比老任告過，話佢包含decrypt key，cemu好似最近收到老任warning