《破地獄》根本被吹大咗

同意嘅，但理想與現實啦，呢啲遺憾係亞洲家庭先顯得真實

但下套戲用返同一招港豬仍然受落

破地獄嘅儀式 一直係超渡先人 等佢可以投胎 燒金銀衣紙 係為左先人可以喺下面有錢使 有野用 但呢啲形形式式嘅野 看似係為先人超渡 實際只係在生嘅人去做一定一啲野去代表完結 正如燒嘅野先人係咪真係收到？破地獄有塊瓦片冇爛 係咪就投唔到胎？其實冇人知 但成個儀式就等在世嘅人覺得完結 為先人做左最後嘅事

一個喃嘸佬一生做嘅野好似係為超渡亡魂 覺得癲婆個小朋友投唔胎好慘 但冇人諗過在世嘅感受反而更緊要 為左一個逝去嘅細路可以得以超渡 但忽略左在生嘅人得唔到解脱 而在生嘅人先係你切切實實感受得到佢釋懷嘅對像

我覺得如果係講佢做左咩實在既野幫個孫，呢個行動唔似係一個成世都無乜接觸世界，墨爾本都唔識既喃嘸佬會做/做到既事，要比朱康知老豆對佢既支持同付出，就係比佢行多次儀式。雖然對比細妹，呢個接納同釋懷相當唔明顯。

佢做到既所有野，成世人既牢籠同成就，都係祖先傳落嚟既儀式。用呢樣完結好扣題。

另外如果無血緣關係，好似突出唔到2兄妹「我想做你又唔比，佢唔想做你又逼佢做」既對比同矛盾。

https://temples.tungwahcsd.org/tung-wah-coffin-home

義莊係俾人咁做

仲會混到其他人既骨灰

子華 讀對白 有一手

受洗唔再俾佢做破地獄 到老豆俾佢再著套衫做儀式 而一定要係個仔係因為仔先會突出到老一輩驚個仔讀唔成書 教佢一門手藝揾食 但個仔就會覺得自己細細個就俾人逼去學去做 無血緣關系係唔會有呢種思想上嘅衝突

義莊係暫存無人認領屍體

但講緊包木乃伊喎

佢啲戲不嬲都係吹大咗
包括佢演技
套套都係余樂天

同Nolan比

呢一個post真係擲地有聲啊 講得好 啲打手文化就係害死香港電影

冇人話唔俾包住再放入去嘅正如著壽衣一樣姐

同埋冇限無人認領嘅先放得 佢個網寫埋香港居民同海外同胞都可以暫存

兩個都識唱南音 咪fd 左囉屌

下次要忤工先鋒，作定先

打手只係公關宣傳手段之一
就算有打手做嘢，都要作品受歡迎先令人接受
作品麻麻嘅，吹到天上有地下無都冇人會睇

真 好少可星期一朝早都差唔多full house

基本上屌7呢套戲既人都係恨鐵不成鋼，唔支持做咩要晒錢晒時間入場睇者
D打手就見人有反對意見就起晒鋼

唱南音果度咁長，我唔係好明有咩用，不如飲茶，跟住鏡頭越黎越遠咁過左去咪ok

輪迴塵間的人 揮之不能
徘徊來生的往生 ...

淨係呢兩句聽完都幾乎比林家謙超渡咗

道生本來就唔係壞人，只係每月要還十萬，等錢洗急功近利咗，係文哥眼中係個貪錢小人而睇唔起佢，認定佢接癲婆只係為錢(雖然真係，柒咗上一單分分鐘要賠錢息事寧人，係job都接，直到被擁抱道謝先改變）

文哥會幫手我覺得一係間長生店自己有份，二係為咗小朋友
道生見文哥明知瞞住佢接job都肯幫手，無係家屬面前令佢難堪，佢心係感激愧謝; 最後文哥幫小朋友免費做法事，加埋佢守長齋，尊敬文哥係一位敬業樂業有堅持嘅前輩，令佢都想想做得咁好，個個都嗌死者做魚嘅大環境下做好自己

道生講話生人有自己嘅地獄要破，文哥先明白自己一直以來嘅敬業，只係傳統上條文上為死人所做，無諗過家屬，道生互補咗呢點，佢冇道歉呢下非常真實，一個傳統老屎窟唔會認錯，但叫佢留低一齊食宵夜，飲珍藏大紅袍，充分展現咗佢對道生嘅欣賞，呢度我覺得處理得非常好

到咗年紀就會知，破地獄入面啲家庭糾紛係好港式，香港啲家庭中產以下所有都係fuck up嘅，唔走根本解決唔到，朱栢康其實一啲都唔自私

一開頭道生話佢老竇聽南音，佢先識唱，之後閪佬文教佢點唱，呢一幕之後道生唱嘅南音都喺唱返啱嘅

可能想突出，之前兩個人之間嘅衝突，因為兩個人之間嘅交流，互相影響價值觀，之後變咗好朋友。

成套戲後段用南音貫穿，道生喺閪佬文條屍前面飲酒唱南音，再做返個收尾。

唯一問題係，黃子華啲戲太出戲

加上，兩個人年紀相差30歲，但係道生識唱南音，知道飲嘅茶係大紅袍，其實都係想反映返，兩個人有啲common topic，令到之後變朋友嘅轉折更加自然