其實，人生好多問題，都係父母傳畀你

駁唔到

不要再說了

lm

冷靜D照下鏡, 睇下自己個樣, 同埋睇下你本銀行存摺有幾多錢先啦


世界好公平

如果人人都心想事成
會天下大亂

世上總要有你D咁既廢人

全中

生仔真係要考牌
自己人生都顧唔掂 唔好生仔累人

1000% 同意
我父親是一個極度自私既人, 影嚮得我好深遠
直到識到一D朋友抖正返自已既價值觀, 先開始似返個正常人無咁乞人憎

大咗有無同佢哋講返？
呢個過程好重要
無論傾唔傾得埋
都要比自己講返出嚟先解到個結

你唔錯得晒, 但睇下統計, 好多殺人強姦既罪犯都係有問題既父母或不愉快既童年
所以細路成長左做個咩人同父母好大關係

其實低學歷家長更應該放養

世界太大 既然自己乜都唔識 只要唔係去學壞，小朋友想做咩，應該陪佢去。分分鐘誤打誤撞 發掘佢才能

養兒防老正仆街，而且細個果陣又唔係比到好嘅資源個小朋友喎，分分鐘資源、機遇仲差過老豆老母一輩，唔知佢地憑乜覺得仔女可以成龍成鳳 同埋講真 頭頭呢d野都幾講基因天份，小朋友資源仲差過佢、成長環境壓力仲壓迫過佢，邊有可能會無啦啦成為千萬富翁

人要有好強意志先可以走出固定思維
要天時地利人和推動
改變唔到擺脫唔到陰影先係常態
大把人小小一個缺點/習慣都改唔到
未經他人苦 莫勸他人善

好似自己咁，師兄可唔可以分享下點打破呢個迷惘

無DC9 份？

人既思維就好似裝軟件咁 成長時期就好似一部新機咁 係最易安裝軟件既時期 呢段時間如果裝錯軟件 搞到部機中晒毒 或者比D冇用既野佔晒D Ram, 成年之後部機已經灣晒 又慢又易Hang機 要改變難度會加倍 成本都會加倍

窮二代就算有呢個決心 大個之後仲要用返以年計既時間去Over come成長期被動吸收既錯誤思維/習慣
同一時間同齡人屋企識教既有資源既 先唔講屋企比到既實際幫助 都已經用屋企比既富人思維積累緊資源人脈 向成功一步一步邁進緊

睇書真係好重要，聽到有啲人講唔識搵資源，搵到又冇人教。其實呢啲唔係問題。由你去圖書館拎起第一本書，真係第一本就夠，我夠膽講隨手拎起！當你拎起某一本書，坐埋位靜心睇，我唔敢講你人生變，至少豐富左你個腦先。成人嘅書驚睇唔明就拎童書！唔好怕，睇書係你自己你理得人。（但唔好低能到全圖畫，至少有字，有故事有脈絡）

書你睇唔明唔緊要，本來有啲書係要學左前面個啲你先會明，前面個啲都有另一批書，簡單講係有順序，你想像有個金字塔，你心急一嚟睇最頂你緊係死。所以我先叫你由兒童版睇起，兒童版唔會有你唔明嘅野，淨係講故事，咁你可以揭住去咁你就有個概念。之後你再睇成人版，憑住童書經驗你就開始掌握到佢講乜。有時睇書係為左睇下一本書，你可以有個目標係決心睇明某一本書，但睇明個本書之前就要讀左其他先。打個比喻你想睇康德，但連經驗主義同理性主義係咩都搞唔明就只係對住本書發呆，呢個時候你就要睇左西方哲學史先。

本身圖書館就係資源，你睇下書名，睇下作者，用wiki search，google search，你就大約掌握到個作者係咩料，寫過咩書。如果呢位作者嘅書你睇得明就一路讀住呢個作者嘅書先，簡單講是但捉住救命草。可能你會擔心會唔會上錯船？唔怕！到你知自己上錯船時你已經有個概念就係岩同錯，你已經建立左！你既然知自己上錯船咁你即係知岩嘅船喺邊啦！咁你可能又會講：屌，咁我之前咪白讀？唔會，因為你走過嘅讀書路，之前讀過嘅野都會為你下一階梯作鋪墊。你同我定，依家你覺得錯嘅野，繼續落去時你會發現有其他書係專係屌尻佢！你會睇到好爽。但同時另一個作者都會寫書屌尻返另一條友轉頭！冇錯，其實書本世界都係屌嚟屌去！某程度只係巨型連登

但當你發現到原來書本世界就係咁時，你距離脫胎換骨不遠，但我講緊嘅係你要明班友屌緊啲乜，你要分到佢哋唔同學派同立場。你可能會話：屌你，到時我收入咪仲係咁…我家庭仲係咁…乜乜77。我都只會話，你睇左先，行左先。因為你個腦建立左知識網時，你就會知自己要做啲咩，有能力做啲咩。學歷低，人工低，唔好比自己精神低同知識庫少，有時間就拎起第一本書試試。

有時我覺得「讀書無用論」害死好多人，成日聽人講讀書嘥氣，畢業之後唔洗再讀，甚至學校都已經冇讀畢業後就更加唔會讀。但其實學業畢業但學習唔可以畢業，調轉睇低學歷嘅人更加要睇下書，唔係嘅話真係同咸魚一樣。我所指嘅咸魚唔係冇夢想咁簡單，而係個腦冇野。你個腦都冇裝野又點樣諗野？你問點解自己個腦唔郁，因為你個腦根本空白，空白又點郁？人哋講句野用深少少嘅字你都搞唔掂，甚至你嚟嚟去去揸住僅餘嘅連登常用gif圖、改下啲歌詞，講下女人係雞男人係鴨嘅野去應付生活，一係笑下台仔台妹，一脫離呢啲就收皮，你嘅人生點會唔死？當笑緊人睇愛回家、日日tvb時又何嘗唔係個腦得連登。

我講緊呢啲係可以用領域形容。人地領域唔單止連登同tvb，人地領域係一個學科，從孔孟荀到宋明理學，笑人大中華膠既你又識幾多？唔好睇到孔孟荀就：「屌，呢啲呀」，叫你解釋「仁」呢個字都夠你寫一篇論文，唔信就search。好討厭大中華膠就睇西方，從蘇格拉底、柏拉圖到康德、又識幾多？唔講哲學講歷史，古典時代到中世紀，科學革命、工業革命、法國大革命又知幾多？睇新聞日日講自由民主人權又喺邊嚟？社會契約論又講啲咩？平時屌人左膠右膠又識唔識潘恩同柏克？佢哋兩個就係左右派嘅祖先。一開始唔係講平等同自由，係後來發展出嚟。

返返嚟大中華膠，同人講做人要善良但我淨係問你點解要善良你都答唔出，因為「做人要善良」呢句野你淨係道聽途說，你可能會話：「下！呢個真理嚟喎，做人唔係要善良唔通惡咩？」話你道聽途說係因為你呢個知識唔係嚟自書本係嚟自其他人講，即係人講你就信。但我話你「人講你就信」唔代表句野係假，而係你要有系統！點樣有系統？哦，因為句野孟子講嘅，呢個叫性善論，因為人有惻隱之心，睇見人地受痛苦我都會痛苦，呢個叫良知….咁咪慢慢建構左系統。點做到？睇書啦。唔同意孟子講，覺得大中華膠，咁你咪屌囉，但你屌我都要有理由架，你真係一句「大中華膠」咩？「我唔同意！儒家文化拖累中國，搞到個個變成書呆子」咁你同胡適同魯迅就好岩傾啦，胡適就係屌儒家道家係懶聖人。讀魯迅唔好淨係一篇孔乙己，人地除左孔乙己仲寫左好多篇文章，好多篇小說。如果淨係揸住孔乙己笑人就真係比人笑返你「充滿快樂的氣氛」。

呢個時候可能有人話「屌 ，文科食屎啦」咁你咪去睇其他書囉，呢啲架構應用喺其他科都得架，唔中意文科咪理工商金融管理股票市場甚至英日韓文囉，圖書館咁多書緊有岩你架，我寫咁多字都係勸你睇書姐拎起第一本，唔好理係咩，岩你眼緣就揭啦。年紀唔係問題，唔好用功利心。可能有人話返工返到好辛苦仲叫我睇書會攞我條命，一開始唔洗多，你咪放假抽半個鐘囉，再唔係咪碌wiki囉。

係，我一定解答你疑問，wiki啲野任人改唔可信呀嘛。咁緊係比書爭一截架啦，但大方向唔會偏離得去邊，至少唔會孔子變現代人，孫中山變法國人（除非有人玩野，但呢啲錯到離譜嘅野你都知錯）學習階段就唔好理啦，咩都讀下先。你可能依家分唔到邊啲岩邊啲錯，但有個大方向，wiki有問題嘅位往往係啲小細節上面，小細節嘅野隨住閱讀經驗增加你就會修正架啦。但大方向都未搞掂你去執著小細節就萬事不成架啦

利申：00頭絲，dse全炒，一樣父母廢努力中。同意父母廢盡早脫離，刨過一兩本厚少少嘅書都已經覺得佢地無法溝通。我唔叻，只係開始讀下書識下啲terms，唔岩聽就屌

培養自己有growth mindset 本來就唔易
但搞清楚, 呢樣野同有咩童年無關
而係人嘅天性黎
上連登打幾隻字做怨婦好易，本來就低成本過努力上進
梗係多人寧願做失敗者
同時將失敗賴落父母又更方便
令自己更加唔洗為自己嘅失敗負責
大把人20歲講到80歲都可以同一個故仔
家庭因素永遠只係佔部份
大家都有24個鐘，永遠有人好食懶飛咬老綜，亦都有人勤力做野建立事業
呢個世界就係咁，運氣唔好抽到爛牌係一回事
你肯唔肯慢慢幫自己砌返副靚牌又係一回事

巴打加油
好多人都唔明童年父母嘅影響有幾大
個個都企係道德高地 叫你大個咗要自己掌握人生

但其實有啲野係跟一世 童年時期塑造嘅性格 溝通技巧 處事方式 做事嘅態度 等等

好多都係由細到大父母影響 再一直伴隨住整個人生

我上一代都係小學同初中程度
但叫做識慳 同 努力搵錢供書教學 無私樓比我
80 90後 大把人父母都係咁
我連自己房都無 要落圖書館自修室讀書
最後都大學畢業 之後自己再讀埋PG

問題 大家都要面對嫁啦 怨天怨地有乜用
個個都想自己老豆係李+×
屋企環境唔掂 就要靠自己
睇自己個人能力 點去克服

大體同意

窮人生仔正仆街
老豆老母唔識天山天養自生自滅
永遠都係人哋個仔好無論讀書寫字運動考試跟住嗰個就係學下人哋咁人哋個仔個仔一尾叫你讀書
讀書唔成就逼你出嚟做嘢唔會有錢畀你
自生自滅搵錢仲要供養返去轉頭

生仔唔養就等於買六合彩中咗就發
就再買一張老人飯票養佢過世


結果就係一張白紙讀書唔成出去做嘢做低下階層做努力工作好彩啲嘅就學到一門手藝至少搵到餐養到自己


跟住30歲就迫你結婚
不如你結婚就迫你生仔因為抱孫就係佢哋人生最大嘅勝利

而佢哋從無諗過畀錢畀資源去令你有增值成想全部都係身上剝削理所當然就係成日佢生得你出養得畀錢讓大就係等於佢哋盡咗佢哋嘅責任

根本學識低唔識教唔懂得去問

所以得出嘅結論就係唔生仔最好
只要生就會造成一個新嘅痛苦同循環
猶如無間地獄

所以千祈唔好生
呢個係釋迦牟尼佛講嘅

見親呢d留言就好撚燥：「淨係識怨呢樣怨果樣、將所有責任歸咎父母、你做人懶唔夠努力怪得邊個」

講得呢d說話既人肯撚定你未經歷過窮
或者本身貧窮家庭出身但天生讀書叻搵到多錢 已經脫離貧窮
又或者你成個人生都好順利

連登仔成日叫人做炒散/保安

同意

諗起細個嗰陣
老豆又買車又大哥大又玩女人
佢只係普通打工仔一名
如果個陣識諗
正正常常儲錢買層居屋
而家至少可以自己照顧自己
當然而家只係住係間公屋窮撚
如果早少少佢有教我了解經濟投資財務管理
今日都唔洗咁辛苦

不過係到想講嘅係
大家都唔好太怪自己過得唔好
人生問題除咗父母傳比你仲有好多野都控制唔到

其實大家都已經好盡力

講埋一樣係試吓原諒佢
不過應該好多人屌9我原你老母咩

只係想講原諒佢對我人生好大改變
真心原諒佢之後
你唔會係心到無時無刻都諗起佢做嘅嘢
係心裏面個條刺會突然無左
先係真正咁放過自己
離開佢嘅陰影
過你自己嘅人生

大個左就用自己力量去改變

或多或少可以改變到一點



唔係個個可以做獅子 重做埋獅子王

總有人做老鼠兔仔 命中注定