失戀/感情/壓力問題加油援助區69

其實大家都有另一半，識左幾年朋友，突然互相出軌半年時間，之後佢就慢慢疏遠，然後無左依個朋友了。睇黎異性係無純友誼，熟左就會出事.....

完全明果下心痛，睇黎你都係長情既人，都分手差不多一年。唯有時間沖淡，可能連佢IG都要unfilled 廢事見到心痛。

當係佢主動都好，你控制唔到自己受咗，依家走嚟後悔？
你後悔冇咗個朋友定冇得繼續呢段關係？

佢疏遠你嘅原因係佢最後係揀番佢另一半
就算有冇超友誼關係，佢冧你嘅話，都係要斷
有冇純友誼，好睇你有冇自制能力
冇自制能力嘅話，有機會俾你出軌就唔會放過

你覺得幾耐先叫做冇咁快？

後悔一時貪玩，無左依個朋友。因為識到啱傾既朋友都好難。我有時都好犯賤whatsapp 下佢，希望佢會應下我，好似以前朋友咁傾計。當然結果係2讀不回。

其實佢已經唔值得你咁做，我明白你想佢回頭。但佢已經move on，希望你2025年可以忘記依個人，同一個更值得既人相處。

都係差90日啫，就算一年你都係唔甘心
唔知你哋傾唔成啲乜啦
但以結果論嘅話，就係冇結果
佢可能覺得同新歡有好嘅結果
就唔會拘泥於分左手270日定360日
佢選擇嘅係結果，你懷緬的是過程
這是你哋最唔夾嘅地方
咁唔夾好難行到盡

俾你結到婚，都可以有更多嘢傾唔掂
要傾得掂我覺得總要有一方要作出妥協
要妥協就要眷戀佢好嘅嘢嚟包容你要妥協佢唔好嘅嘢
你妥唔到唔一定係你問題，都可以係佢好嘅嘢係唔夠
相反亦然
既然你妥唔到，就無謂再想佢嘅好/過程
要記住佢嘅好不足以彌補你要妥協佢嘅不好
會易啲 let go

你屋企咩料？

佢對你有嘢，就算冇一時貪玩都應該同你斷
你對佢有嘢，其實你都應該要識自制要斷啦
你都講得出「熟左會出事」，
咁點解仲想「回復番以前朋友咁傾計」？
傾傾吓咪又係熟又會出事？
沒完沒了的，最終loop到斷聯是唯一的結局

多謝你既發表，其實我都知個結局，不過係唔甘心。睇黎放過人放過自己，唔好再打擾佢，希望我做得出做得到。

雖然講番都冇乜意思
但下次真係要你取捨
要家人定要戀人

你拖住一個，仲唔甘心同另一個延續唔到
其實都幾仆街