基督教連登堂2024年11月3日主日崇拜：將身體獻上當作死祭（十）：血既哀號

†

歡迎各位巴打、絲打，黎到今個星期既崇拜！

基督教連登堂2024年11月3日主日崇拜
經文：創世記4:1-12
講題：將身體獻上當作死祭（十）：血既哀號
同工：Yellow, Laila

歡迎巴絲打建議講題。多謝酒巴提出講關於永火，會係呢個系列之後講下。



（一）祈禱

天父啊，我哋依家來到祢面前，承認我哋好多時都仲係放唔低自己。我哋成日都仲係以自我為中心，諗嘢都係淨係顧自己，冇真正咁樣學似祢嘅樣式。我哋為我哋嘅自私、我哋嘅驕傲、我哋嘅硬頸認罪。好多時，我哋明知祢嘅心意，但係我哋就係唔肯順服，我哋就係想跟自己嘅方法去做。求祢赦免我哋嘅軟弱。我哋都好感恩，祢冇放棄我哋，祢時刻都提醒我哋，用唔同嘅方法，透過唔同嘅人、事、物，俾我哋知道我哋嘅不足，俾我哋睇到我哋嘅盲點。多謝祢咁有耐性咁教導我哋，帶領我哋。我哋知道，放低自己真係好難，但我哋都願意繼續學習，繼續努力。求主祢繼續管教我哋，繼續修剪我哋，即使係痛苦嘅，我哋都願意接受，因為我哋知道，祢嘅管教係出於愛，係為咗我哋好，係想我哋更加似祢。求祢俾我哋力量，俾我哋智慧，等我可以真正咁樣放低自己，謙卑咁樣跟隨祢。奉主耶穌基督嘅名祈禱，阿門。

奉父、子、聖靈既名，我地開始今個星期既崇拜。


（二）讀經

請起立聆聽神既話語。

創世記4:1-12
//1 亞當和妻子夏娃親近，夏娃就懷孕，生了該隱，她說：“我靠耶和華得了一個男孩。”
2 後來她又生了該隱的弟弟亞伯。亞伯成為牧羊人，該隱則成為耕種土地的人。
3 過了好些日子，該隱拿土地裡的出產來作供物，獻給耶和華。
4 亞伯也把自己羊群裡一些頭胎生的和牠們肥美的部分拿來獻上。耶和華看中了亞伯和他的供物，
5 至於該隱和他的供物，耶和華沒有看中。該隱就非常憤怒，臉都沉了下來。
6 耶和華對該隱說：“你為甚麼憤怒？為甚麼沉下臉來？
7 你若做得好，就必蒙接納；你若做得不好，罪就伏在門口；它渴想得到你，你可要制伏它。”
8 該隱對他的弟弟亞伯說：“我們到田野去吧。”他們在田野的時候，該隱就起來襲擊弟弟亞伯，把他殺了。
9 耶和華對該隱說：“你的弟弟亞伯在哪裡？”他說：“我不知道。難道我是弟弟的監護人嗎？”
10 耶和華說：“你做了甚麼？你弟弟的血不斷從土地裡發出聲音向我呼冤。
11 土地開了口，從你手裡接收了你弟弟的血，現在你必承受詛咒離開這片土地。
12 你耕種土地，土地不會再為你效力；你會在地上漂泊流浪。”//

阿們。感謝主。
請坐。

（三）訊息

全能既神，你向以色列既列祖成就左你既應許，使亞伯拉罕成為多國之父，為此我地讚美你。願你既說話發揮功效，使我地認識你，由內心到外在既行為表現都有你既樣式，呢個就係永生。阿們。



今次係上次既未完既訊息既延續。

提一提上次講到一半既經文：

利未記1:14-17
//14 “人若是以鳥類給耶和華作燔祭供物，他就要獻一隻斑鳩或雛鴿為供物。
15 祭司要把鳥帶到祭壇前扭下頭來，把頭放在祭壇上焚化為煙；把鳥血全擠出來，流在祭壇壁上；
16 要除掉鳥的嗉囊和裡面的東西，丟在祭壇東邊倒壇灰的地方；
17 然後要拿著鳥的兩個翅膀，把鳥撕開，卻不可撕斷；祭司要把牠放在祭壇燃燒著的柴上焚化為煙，作為燔祭，這是耶和華喜悅的馨香禮物。”//

揀左該隱，同獻雀為燔祭有共通既地方，係今個星期主要睇既。


（6）暗示

有兩位巴打提出過over interpretation 解過龍既問題，我諗而家都係一個好既機會去攤開黎講。

中世紀猶太拉比綜合佢地之前既解經，有四種方法，字頭砌到出黎既字（acronym）係 פרדס PRDS, pardes （果園），呢四種解經法（對於基督既門徒黎講）係：

Peshat פשט 「表面意思」，即係第一聽眾聽到會點理解。
Remez רמז 「暗示」，即係以經文提示背後深層意思。
Derash דרש 「尋找」，即係解經搵個教導出黎，直情係猶太人「解經」果個字，例如研究經文點樣重複。
Sod סוד 「奧秘」，即係由神直接啟示，例如比人經歷到段經文。


呢排解經既方向比較側重暗示（remez） ，由相似既字（allusions）去睇下經文令人諗起邊D其他經文。

呢個解經法，係猶太拉比一直有用開，事實上佢地用既程度可以更加誇張，例如去解釋普鐵 פוטיאל Putiel 個名（出埃及記6:25），佢地甚至會另外加多個字母（ ם m ），由字根 פטם ptm 既意思去解。
但係留意，佢地咁樣做唔係天馬行空，因為聖經都係咁樣寫：

創世記5:28-29
//28 拉麥活到一百八十二歲的時候，生了一個兒子，
29 給他起名叫挪亞（נח n-ch, Noach），說：“但願這個兒子安慰（ינחמנו yenachamenu，字根נחם n-ch-m）我們，使我們脫離雙手工作的勞苦，脫離耶和華詛咒了的土地！”//

最似挪亞個名果個字，多左一個字母，咁啱又係ם m。

耶穌自己都有用過Remez ：當佢入到耶路撒冷，祭司長同文士好嬲小朋友唱「和散那」，耶穌用左詩篇8:2 黎回應，暗示自己係詩篇入面受讚美果個，即係耶和華神。（馬太福音21:14-15）好絕，又好啱。

既然聖經都係咁樣將相似既字放埋一齊，解經都跟返呢個方向，係冇問題既。

當然如果PaRDeS 四種解經法都用晒落每一句，就會更加完善，但係呢個做法非常罕見（自己唯一聽過Michael Fishbane 係JPS commentary解雅歌果時有咁樣做），亦都好大工程，我自己就暫時唔會咁做喇。

（7）擠血

利未記1:15
//15 祭司要把鳥帶到祭壇前扭下頭來，把頭放在祭壇上焚化為煙；把鳥血全擠出來，流在祭壇壁上；//

去到呢節一半，雀頭已經扭左出黎燒緊做煙，之後要處理既係血。

呢度用既字係擠晒出黎、抽乾（מצה matsah），係祭司做既動作。
而有個相同讀音又好常見既字，מצא matsa ，意思係：遇到、搵到。

而祭壇壁個「壁」字（קיר qir），基本意思就係「牆」，亦都同「挖」（קור qur）（井）有關。

有邊度挖開會見到血，我地啱啱就讀左。

創世記4:10-11
//10 耶和華說：“你做了甚麼？你弟弟的血不斷從土地裡發出聲音向我呼冤。
11 土地開了口，從你手裡接收了你弟弟的血，現在你必承受詛咒離開這片土地。//

改兩個字然後話似另一段，理據係好薄弱，所以我地睇埋落去。

（待續）

唔好入侵污染連登啦

洗唔洗讚你純潔？

唔好喺度打壓別人嘅學術自由

（8）嗉囊

利未記1:16
//16 要除掉鳥的嗉囊和裡面的東西，丟在祭壇東邊倒壇灰的地方；//

才疏學淺，未見過「嗉」呢個字，原來粵音「素」，「嗉囊」英文係crop ，指雀仔食道後段，暫時裝野食既個類似胃既器官：

（ image credit: https://kotobank.jp/word/%E5%97%89%E5%9A%A2-90259 ）

呢個字原文係מראתו mur.ato ，字根ראה ra.ah 係一般既「見到」，成隻字係「佢既被見到既（野）」，翻譯係參考七十士譯本。成本聖經就得呢度出現唯一一次。

呢個部位代表既意義非常之清楚：被見到既（野）。

被見到咩呢？後面隻字有講。

「裡面的東西」בנצתה b-notsatahh（七十士譯本譯做「羽毛」），似係跟返希伯來字翻譯，起碼有個 ב b- ，英文就係in 。
個字根係「爭鬥、廢墟」。

咁既話，「被見到既爭鬥」，就同上述 創世記4章 不謀而合。

（待續）

樓主加油

多謝盾巴特登留言鼓勵，收到了

（9）除掉

我地知道左「鳥的嗉囊和裡面的東西」能夠暗示「被見到既爭鬥」，咁獻祭既過程要點樣處理呢？

利未記1:16
//16 要除掉鳥的嗉囊和裡面的東西，丟在祭壇東邊倒壇灰的地方；//

「除掉」 והסיר w-hesiyr ，字根סור sur 意思係轉變方向，turn。唔係整到消失，而係令到呢D野轉變方向。
「丟」והשליך w-hishliykh，原意係「拋擲」，雖然可以引申到「拋棄」，但係經文係講左一個好清楚既地方，於是我地就要睇埋去邊度。

呢個側邊既「邊」字אצל etsel，係一個preposition ，但係都有個動詞字根 אצל atsal ，解做「放係側邊」，甚至「保留」、「保存」。

由呢個字更加可以見到，要掉既「被見到既爭鬥」唔係要整到唔見左，而係轉變方向，放係適當既地方。放去邊呢？

（待續）

我研究緊中國古文字
睇到呢個字根研究方向都幾有趣
支持下 學下嘢

樓主想問下，未接觸過夏達華，有冇邊條YouTube特別推介 or 俾人了解下？

多謝垃巴支持
中國古文字，你指中／上古漢語？甲骨文？定係再偏門少少既蒙古甚至西夏果類？
東方既文字都算似，雖然希伯來文係閃族語系遠少少，字根除左表示意思仲有字音consonant既聲跟住。文法方面都有共通既位，例如會用將一個字根用落動詞同名詞：e.g. 老吾老以及人之老 vs. 要生草D青草出黎（創世記1:11）
有機會我都想學多D中國古文字，得意野黎

如果基本方向，就介紹BASICS 100 系列，精簡得黎又好有深度，建議了解左先：
https://www.youtube.com/playlist?list=PLWaiUZn3gz2OFvpyFKnRCM5UzdO4ve5IZ

但係當然唔少得主力既查經錄影。入去佢地個網
https://hadavar.org.hk/
既「網上查經」，分開希伯來（舊約）聖經、新約聖經、特別主題（考古、猶太文化、地理、植物等等）。
除左某一兩條有技術困難睇唔到powerpoint之外，全部都推介。有排睇，好正。
呢D唔係YouTube ，而係放左上Vimeo（不過都係一樣）。
特別係摩西五經，佢地循環咁查，年年都有新野，用唔同角度去睇，好精彩。可惜既係淨係得最近果十幾年既幾次。

而轉左去YouTube之後既片，我都未追晒，基本上淨係睇過詩篇119、約翰福音、加拉太書，同BASICS 100系列。好深入，好中point。

個網 https://hadavar.org.hk/ 有其他course 錄左影，不過就唔係免費，可以試上「這根基」果個course（完整成個），形式同查經聚會有少少唔同，不過同樣高質，就係講信仰既根基。

唯一我唔讚既野，係老師既希伯來／希臘文發音有時唔係太準確，比中／英文影響左。不過好小事姐，自己學好就得。

講漏左添，夏達華係有個聖經文物植物博物館，有好多睇得到既野幫手入去聖經既世界。我都好想去不過冇機會。要教會預約。

https://hadavarbiblicalmuseum.org.hk/

佢地仲有帶以色列、土耳其、波蘭等等唔同國家既學習團。考古發掘圑都有。

（10）東

利未記1:16
//16 要除掉鳥的嗉囊和裡面的東西，丟在祭壇東邊倒壇灰的地方；//

「東」קֵדְמָה qedmah ，除左方向既「東」之外，仲可以解做時間上既「遠古」。創世記差唔多一開始就有呢個字：

創世記2:8
//8 耶和華神在東方的伊甸栽種了一個園子，把他塑造的亞當放在那裡。//

呢一個「東」解做「從遠古」一樣解得通。當然，根據之後既重複，翻譯做「東邊」係非常合理：

創世記3:24
//24 耶和華把亞當驅逐出去，又在伊甸園的東邊派駐眾基路伯和旋轉的火焰刀，把守通往生命樹的路。//

第一二次出現就係呢度。

（11）灰

而「灰」字，用左既字係 הַדָּֽשֶׁן ha-dashen ，呢個字本來係「肥油、肥沃」，攞左黎形容「灰」，係因為呢D祭牲既灰係溝埋脂肪（例如 利未記1:12）。另一個引伸既意思係「福氣、祝福」（因為肥沃）。

呢個字有幾肥，可以係詩篇23篇見到：

詩篇23:5
//5 你在我敵人面前，為我擺設宴席；你用油膏抹我的頭，使我的杯滿溢。//

耶和華神係遠古栽種既享樂果園（伊甸園），咪正正就係肥沃到生到各樣植物，係人會中意、有福既地方：

創世記2:9
//9 耶和華神使各種樹木從土地裡長起來，使人看著喜愛，果子又是好的食物。生命樹就在園子中央，那裡還有善惡知識樹。//


所以，「被見到既爭鬥」，原來要轉變方向，丟佢去「遠古有福既地方」（קֵדְמָה אֶל־מְקוֹם הַדָּֽשֶׁן׃ qedmah el-meqom ha-dashen，אל el 係「向」，מקום meqom 係「地方」）。而記返起上一節，利未記1:15，有暗示該隱既事。

夾埋晒，去到呢個位，「獻雀為燔祭」，除左做表面既動作之外，仲係一個提醒，嬲人、想害人（甚至想殺人）既時侯，將呢個諗法帶返去有古時神有福既創造，回想人類聽神吩咐同唔聽既分別，就係上主喜悅既馨香禮物。

（待續）

幫推

多謝川巴幫推

各位平安 黎巴平安

錫巴都平安

路加福音2:13-14
//13 忽然有一大隊天兵出現，與那天使一起讚美神說：
14 “在至高之處，榮耀歸與神！在地上，平安臨到他所喜悅的人！”//

佢唔一定要教會，團體都ok

係喎，講錯左，多謝更正

「裡面既戰鬥」關唔關以掃同雅各事

搵唔到「裏面」添

另外問：知唔知所多瑪係邊？
跟中神睇緊以西結書，睇到 16:46 就好想去睇下有冇考古遺址，結果變左睇人拗到飛起
利申：因為呢節所以唔buy Tell el-Hammam