如果當年國共內戰國民黨冇輸到,今日會變成點

不如話軸心國贏左會點

大家西九龍站搭(超級)高鐵上柏林

台灣咁囉
你港幣除四咁洗囉

共產黨係人民選擇，唔存在咩如果

應該都係菲律賓，印度咁shit hole Country,本身老蔣只係名義上統一中國，下面好多軍頭掛住民國牌頭半獨立，經濟，軍力同工唔會好似今日老共咁勁，內部人力同資源唔統一整合唔到，軍事上就係美國附庸裝備供應依賴美國，西藏做印度傀儡甚至吞併，新疆同東北未必控制到，南海就因為做緊美國隻狗美國就國際會支持中國實控，但分享比美國用

做唔到，下面大把獨立軍頭好似李宗仁呢d，應該老蔣一死就就各大軍頭派系輪流做莊

蘇聯應該會煽動新疆分離，可行就直接吞併

好d就印度，衰d變菲律賓，老蔣統治中國唔同南韓同李家坡，手下仲有大量有控制區同軍隊軍頭，實際上得名義上統一，到時行咩政策都要諗利益分配同預計到不時有人反枱，好d就政府停擺，衰d就成日有周期內戰

其實少左文革就已經完全唔同曬
班知識份子無死，屎糞紅會成為罕有物種

一直返校
直至永遠

高堡奇人

係，隨時為咗拉攏國民黨，包抄蘇聯而提早「收返」

放大版南韓台灣
民主運動起伏，鎮壓再發生再鎮壓免不了
如果真係剛剛好成功鎮壓左中共，軍法管治都係會發生
內戰末期國民政府已經有秘密警察"藍衣社"，如果真係剛剛好可以保住政權，軍統警總之類機構會更大權力
同南韓台灣一樣，七八十年代可能會食住泠戰經濟冒起，重要因為冇成為共產國家美國可能會更多支援，但一樣咪望會民主化，放大版美麗島，高雄事件會發生，陳冠中小說中都假想會有北平(北京) 民主運動
好多依家大家熟悉名字好似董建華，邵逸夫會繼續係上海人，田北俊兄弟都會係講上海話的上海仔，工業會繼續集中長江腹地，甚至影音業都會係，戰前上海已經有娛樂圈，有齊娛樂圈的各種形態好似娛樂新聞，百代唱片都係源自上海，可想而知真係咁的話上海而唔係香港會係中文影音業中心，無線電視會係上海為總部的全國網絡

今日所謂香港係咪衰落唔會係問題
因為咁的時空下香港係冇興起過
二戰前雖然唔算差，但都係二線城市
廣州至係華南中樞

新加坡作為國家依然好短日子
即使李顯龍自已都講過冇可能永遠行佢老子個套

兩睇
好似董浩雲家族本身就根在上海，同國民黨關係好好，國民黨真係保住政權東方海外一定繼續留晌上海
重有唐翔千，田家炳呢批上海江淅工業世家，冇中共佢地都唔會搬來香港
即係唐英年，董建華，田北俊都會係講上海話的二代
二戰前上海都已經有娛樂工業，即係卲氏都會係響上海成立，換言之無線都可能會係上海江淅地區電視台
香港二戰後突飛猛進的確好多係因為呢世家來香港
香港土炮家族好似利氏，主要靠英商買辦起家，未必及佢地影響力
二戰後香港人口由唔夠一百萬突然間升一倍有多，設想中共失敗佢地又返晒去，香港今日係咪差左已經需討論，因為根本冇起飛過，最多咪百萬人左右造船業轉口業細城市，英國佬可能八十年代甚至七十年代都已經掉番比國民政府

你咁講歷史唯物撚會收皮

睇到澳門就知，葡佬一早想掉番比中國係中共唔收，社會上基本上任由中共滲透，早早半解放，七十年代"十一"已經會放假
二戰後去殖化成大潮，雖然話二戰剛完英國死要保住香港主要為"大英帝國"面子，但過多二三十年如果國民政府重執政，美國大概會催促英國交番香港黎鞏固遠東聯盟，即係唔會遲過八十年代香港已經"回歸"祖國，一個遠方百幾萬人小城，交還左晌中國又會有商務利益，自然還左會更著數。

邊有如果

如果日本仔贏左 其實可能仲衰。

唔好睇到日本宜家咁好。當年既日本人同宜家果代係兩個人種黎。

日本果時行軍國主義。

可能殘暴過中共

無人會知

但係國民黨見到文人、知識份子反對就停左

呢個咪共產黨同國民黨分別囉

外國歷史what if 成日有依個，睇過好多，大致係咁

直到依家，日本都會好似鄉下咁。太平洋戰爭後東京變廢墟。因為韓戰唔會出現，美國唔駛日本軍需供應。所以會嚴格執行財閥解體，令日本經濟更難好似現實咁。

島鏈作用大大減少，甚至唔駛島鏈。

因為無紅朝，無毛x東，唔會有革命輸出，亞洲會少好多遊擊隊，同時骨牌效應唔會出現，冷戰時期亞洲會和平啲。唔會有赤柬，唔會有種族滅絕。雖然蔣光頭反對殖民主義，但更反共同埋唔想同資本主義國家敵對，所以唔會支持越共反抗法屬越南，奠邊府戰役唔會打得成，美國都唔會因此插手越南。最終越南共和國會以比較和平方式獨立統一。菲共馬共泰共都唔會出現或咁大力量。

講返中華民國，因為中華民國係美國抗蘇最前線，直接幫美國擋住紅色勢力入侵亞洲及太平洋，所以會得到最大援助。蘇聯同中華民國之間將會重兵對立。因為要抗行民國，蘇聯要分重兵守遠東，減低咗歐洲嗰邊壓力。同時因為咁，蘇聯經濟會早啲頂唔住，會提早解體，外國傳媒計過六十年代，最盡七十年代就會支持唔住。因為由中華民國嗰邊打過去莫斯科無遮無掩，蘇聯無得唔重兵守遠東。

蔣光頭打贏日本及內戰，加上有美國全力支持，國內無人敢反抗，會係無可置疑嘅領袖。地方勢力或前軍閥縱使不願意都要聽命佢。而佢都唔會因為丟失大陸而執行白色恐怖。政經發展會似黃金十年嗰時強化版

雖然中華民國國民生活仲係相對貧窮，但可以做返一個人，唔駛因為集體主義而只係韭菜，知識份子會有所用武之地，唔駛攞住本紅色書鳩叫。河南潰壩、芒果事件、蝸牛事件都唔會出現。

同埋縱使大不列顛十萬個不願意，中華民國喺美國全力支持下，一定會提早收返香港主權。

紐倫港會變紐倫滬。

如果蔣介石治下保持到英殖統治
就有港幣同普通法基礎
仍然會有一定角色
HSBC 係香港上海匯豐銀行
唔係上海香港匯豐銀行
個排名顯示到香港先係英資重心
不過二戰美資會佔主導
國民黨治下上海近南京有地利
一定會好過香港
上海會係中華民國版紐約
香港可能係中華民國版三藩市芝加哥之類

如果無英殖統治
就會係澳門威海衛湛江咁
保留到歐殖特色就算係咁

李登輝真係一個異類

可能維港變左用一條大橋
上面有跨海電車去到九龍

國民黨 支共都打唔贏仲想同蘇共對峙
唔係支共既任何型式既中國既都會一早就俾蘇印分左