點解2024仲有人信有鬼

你係平爺爺張床？

一睇就知係AI
0分重作

你仲話「直頭鬼上身啲出名嘅公眾人物你知唔知鬼上身有幾難？個道理同你話「普通人想刺殺總統」一樣。成個世界大把人想某啲政治人物死啦，咁啲人宜家咪仲生勾勾有錢請殺手咪得，點解唔見個個總統中招？係因為有層層防線同保護。你以為靈界無規矩，鬼想上邊個就上邊個咩

你話AI咪AI囉最好放上大學啲turnitin system，然後gen份report證明有幾多係AI generate 真係傻傻地

畀鬼壓床好多次都唔信有鬼
因為我相信科學

應用科學就係要將一啲現象加以利用
鬼呢啲咁虛無又無中生有
又喺係形中影響我地見到嘅世界
重唔係我地想搵到嘅dark matter

有無鬼就唔知
不過怕鬼不如怕人
我就未比鬼搞過，但成日比人搞

信嗰班多數有精神病

話無果d
試下凌晨一點後去最猛果d地方
Eg. 沙嶺公墓，新娘潭烈士碑

因為怕比鬼搞 唔知有咩應對方法

恐懼嚟自火力不足嘛

狗死咗會唔會變狗鬼？
貓死咗會唔會變貓鬼？
牛死咗會唔會變牛鬼？
蛇死咗會唔會變蛇鬼？定係蛇神

信鬼等於有精神病李嘉誠咁有錢都信佛，你意思係李嘉誠都有精神病？

你唔信係你嘅事，但唔好以為自己唔信就高人一等分分鐘你個腦同你個銀行戶口都係一樣空，話人之前先照照鏡啦，唔好成日比人笑都唔知

lm

個人對住塊黑玻璃，理應得我自己一個人嘅人影，
但係我隔離多咗個人影

每個人都會死
每個人都會變鬼 到時後大家咁高咁大咪睇下邊個搞邊個?
如果鬼勁過人 人就唔應該怕死 而係應該去迎接死亡

先講清楚我無宗教信仰
鬼同神喺科學領域都係不能證實嘅存在
既然呢個世界有數以億計嘅人信神
咁就算有同等數量嘅人信有鬼都好正常
你好難用科學去只否定其一
換句話說，樓主嘅問題其實亦可演繹為
”點解仲有人信神？”
Believe一字解 ”信任而又未能證實”
信仰嘅本質本來就有違科學基礎理念
而呢種無憑嘅信任並唔係單單存在於宗教
舉例，阿媽唔信自己個乖仔會蝦人
又或，股民對自己嘅投資策略有莫明信心
又或，高估自己才能相信未來越來越好
一個人只要有做過以上同類行為
都無乜資格笑人信鬼神

親身經歷過，老豆死左後
頭7有晚個廚房，廳係咁發出拎野，擺低嘅聲，
仲有拉凳嘅聲
全家都聽到，仲要個個都feel到床褥下陷，好似有野壓落黎咁，壓落來果下會令到我地個身好凍，打冷震


利申：如果我鳩up死全家

呢個post好得人驚

屎忽鬼就有

有冇外星人同科學有咩關係，有科學家話有外星人 有其他科學家話冇 有d持開放態度，不嬲都冇共識

你實會駁咁即係乜都證實唔到 點解要話信果班人係錯

科學係講緊咁多年以來用無數實驗，數學公式同研究得出既公認理論
例如核分裂整到原子彈，登陸過月球或者射衛星上太空研究其他星球

你就會話咁有晒片影到有野冇啦啦郁，有怪聲或者鬼樣，有晒證據啦

因為佢違反物理定律，一定有科學物理解釋，例如有風，鏡頭反光，偽造影片，心理病

仲有一點， 如果人死後鬼仲可以溝通。 咁警察有查案嘅必要嗎？


或者開個部門係啲警察死後繼續當鬼警察去查案。 查完報夢又好，顯現係啲牆又好。 咁呢個世界仲需要法官仲需要審訊嗎？




仲有， 如果鬼係一啲所謂嘅精神力，怨念之類既事物。 咁伊斯蘭呢類極端宗教統治左世界啦。 或者咁講，美國一早被敵國靈體攻擊滅左國幾次了

去旅行係酒店遇過

最後一晚訓酒店
本身已經訓得唔好係咁醒
到3點幾酒店房個門柄俾人禁咗落去鬆手彈返起
勁大聲，啲聲一聽就知係房入面發出唔係隔住道門
成個人坐咗起身，女朋友都醒咗問咩聲
最初當有人想入黎但入錯房啦，無理繼續訓

第二朝走個時係走廊試下禁個手柄，發現外面個手柄係緊嘅禁唔到落去
即係琴晚個手柄係由房入面操作

如果係可以證明到有能量可以無中生有地產生， 例如係度門自己產生啲聲音被你聽到。 突破熱力學第一定律：能量守恆定律。 單係發現到就已經係世紀偉人。 如果真係發現到，唔該好好努力加油下，讀多少少書，寫篇論文。祝你成功。

你唔信鬼係你嘅事，但唔代表你可以用啲科學定律嚟死撐一切都要有個科學解釋。你啲咩風、鏡頭反光、偽造影片？講真，你有冇真係接觸過啲靈異事件？唔係淨係睇下啲YouTube片再喺度扮晒專家。

科學係講證據，但唔係話一切都可以即刻解釋到。好多嘢而家都未解釋到，好似黑洞之前都係理論，後來先有證據。靈異呢啲嘢，你講冇證據？大把人經歷過，難道個個都老作？冇可能咁多人咁一致，全部都係幻覺、心理病掛。

你信科學，我無問題，但係唔代表你乜都要用科學定律去推翻。科學都唔係話現有定律就可以解釋晒所有嘢。你唔信鬼，我理解，唔同人有唔同經歷，但唔好假裝自己已經掌握晒世界上所有嘅知識，成個宇宙有幾多未解釋到嘅嘢你知唔知？

你唔信你自己睇少啲，唔好喺度死撐啲你未經歷過嘅嘢冇可能存在