認真求教成人英語課程

段落同句子對記憶影響唔一樣
段落故事完整好多，故事越完整對記憶越好
同埋你睇完個故仔可以講返出嚟，咁你嘅說話能力就由二十秒鐘進化成五分鐘十分鐘

因為你未做到腦補
你要明白言語喺個腦係點運作
用廣東話做例子，你聽新聞未聽完都估計到佢之後想講啲咩，你朋友講句子講幾隻子，你都估到下一半句

點提升？睇咗相關資料嘅文章再去聽，就聽到八九成
另外，開字幕睇返3至6個月，唔好越級打大佬，或者youtube個啲讀書片：只有文章加聲音，無圖像個類
最後，唔想睇字幕就聽podcast，因為你個人腦會用Ram去處理畫面。同時處理聲音加畫面，係對陌生語言使用者好困難
三樣嘢做晒，一年就聽到九成到十成

我會睇片 所以本身就有段落 故事 feed

八仙過海，各顯神通

每個人都有自己方法，不過我覺得如果我喺以前嘅中學英文老師，我會咁推介俾同學去學，個人認為咁最有效率

同埋，課文喺有專業人士設計過，會將所有重點嘅英文生字串聯返一齊，集中強度，你應該要識嘅嘢都會放埋一齊，例如係想考DSE或者IELTS需要識嘅字。
youtube片啲用字，未夠全面，或者會簡單啲，未夠學術水平。加上你睇片多數選擇返自己鍾意嘅範圍，男人唔會走去睇女人化妝野，女人唔會去睇運動嘢，文科人唔睇理科野，理科人唔睇文科野，一定會有嘢miss咗又唔知。

我自己成日睇片，但最後都要回歸課文。

唔係迫你跟我方法，只分析返咩方法最快最易最完整學到英文。唔洗考DSE或者ielts其實點學都得，最緊要學得開心同享受

兄弟爬山，各自努力
同枱食飯，各自修行
八仙過海，各顯神通

巴打好勁
我淨係放假先有力去睇
返工日子就.......進步好慢，睇完又唔。記得

喺外國，學英文學到抑鬱,想死

想記得就睇課文，睇小學生啲reader 故事書
輕輕又搞笑，又有專人設計，放晒啲要學啲詞語落去

鬼仔小學生都睇得明，你一定睇得明
有故事性先會記得

所有名著，都先睇兒童簡化版，之後先睇原著
千祈唔好越級打大佬，當自己係兒童學英文咁就得㗎喇

學黎學去嗰幾句， 去叫西雞就有用

我而家學英文方法，係去學啲自己將會用到嘅英文
一定會用到嘅係去旅行，所以我youtube save 晒啲片分類
20段機場英文片，20段入境英文片，20段酒店片，餐廳片。大量讀數字嘅片(以前弱到只聽到1-100，而家練到聽6位數)
我覺得用每一個主題去學英文，又學啲生活上自己會用到嘅，就最有興趣＆最易記

我最大問題係listening
reading 可以慢慢睇，writing 可以慢慢寫。對住鬼佬聽唔明先係最大問題，你完全聽唔明，你想逐隻逐隻字講出嚟都唔得

我推薦 有道詞典，大陸app嚟嘅。不過save單字，英文句子 真係好好用，我平時坐車就會背英文

好睇又練到英文

仲可以打埋J

想問去英國文化協會上英文堂有無幫助？

咁呢d你諗你啦
笑鳩woke撚都幾解壓
woke撚真係冇乜邏輯

面對鬼佬，我嘅策略係，我主動講曬我要講嘅嘢，一輪咀咁講，然後等佢回應我，咁我就可以控制到主動權。如果離開咗我識嘅範疇，咁我就聆聽能力大跌。

我都有聽嗰啲100句旅行英語，係幾好
有冇睇啲旅行介紹嘅節目？可以學到好多外國文化上面嘅嘢，夠實用又學到生字

條女真心正Wor，靚過好多荷里活女星

旅行片，之前都有睇過下，不過對我嚟講用字太深，2-3句就有1-2隻字唔識，查字典查好辛苦，同埋好快會唔記得
嚟緊想搵返啲初中世史嚟睇，因為我去旅行鐘意睇博物館，下下開個google len 出嚟又慢又柒。同埋語音導覽嗰啲耳機，拎英文機又聽唔明，拎普通話機又柒

我暫時對自己英文要求係去到旅行實用，商業英語或ielta 知道自己仲未係短期目標住

我都係自學歷史嚟學英文，又係由零開始
歷史啲字好難
好多外來字
又歷史人名
又神話人物
又地理用字
又要查字根

例如mesopotamia兩河流域, meso=中間，potamia=河流
Mediterranean=地中海，medi=中間，terran=地勢
palaeolithic=舊石器時代，paleo=古舊，lithic=石
個個字都勁長又少見, 要查字根先知實際點解

pyramid係金字塔，pyra=火，mid係中間，係糕點嚟，pyrorapter=火盜龍
crusader 係十字軍，原來crus=cross


但好處喺識多好多人名，知道啲人名嘅典故，好過癮
例如Cassandra 係斯巴達公主被國王拎嚟獻祭，改名唔會俾個女叫Cassandra 或Sandra
叫Helen同Paris都係禍國殃民
Antony 係敗軍之將，都柒柒地

Russian俄羅斯，Rus=row=撐艇, 係指維京人撐艇去到基輔建立政府，Russian即係撐艇佬

不過係幾好玩嘅.........

記錯咗Iphigeneia先係斯巴達公主，Cassandra 先係Trojan princess, 不過都係慘死

喺網上見到有兩派人，一派係主張背多啲生字先，咁都可以大致睇得明，另一派就係邊睇邊估，想話如果真係想重拾翻係咪背生字先

我覺得叫一個成年人去睇兒童用reader 仲要搵到樂趣係唔現實嘅

要持之以恆最好都係consume自己 enjoy嘅content

如果英文水平連呢樣都未做到就應該背生字先
做到就邊 consune邊學就得

為考試學英文就另計 建議針對性訓練

兒童reader好多大人放唔低身段去睇所以無樂趣
其實就好似我叫你睇動畫學英文一樣
如果睇動畫係小朋友嘢好低B，咁你一唔會睇以下呢幾套
但如果你肯睇，學生英文又容易又享受

呢樣好主觀喎

我只能講我投入唔到
幾多人投入到 我主觀覺得唔多囉

唔關身段事啦 你唔考慮任何因素之下 搵樣娛樂
有幾可會諗到兒童卡通片

陪個仔睇，晚上講床邊故事

咁完全唔同啦

如果條女鐘意睇 都大把人會陪睇啦

但唔係個個都有咁嘅處境