你睇咗Anora《阿諾拉》未？

睇到俄仔走，可以走

個ending先係神來之筆喎
成套戲根本充斥着悲涼嘅感覺
女主就係現實中最低層嘅人
不斷被壓榨
佢咁樣完令到劇情更現實

你收皮啦，你根本唔識睇戲
如果真係好似你咁拍就俗套到同TVB冇分別
導演就係要突顯女主呢啲現實中咁低層嘅人
資產霸權同父權係點樣壓榨佢哋
佢拎到金棕櫊獎就係因為咁
你睇返Popcorn片算啦

點講都好
女主角3個星期內收左接近1百萬港元

而且講呢套野有問題，唔係得我一個

有啲傻鳩真係唔適合睇戲

睇完
一向係Sean Baker fans
佢幾年前嚟香港做大師班都有入場睇
呢套絕對係佢巔峰之作
繼續關懷弱勢社群(難聽d講句d人話係"white" trash)
少咗佢之前作品(尤其Tangerine同Florida Project)果種raw味但完全係更深層咁define佢既個人風格
仲要特別大讚佢既剪接真係一流,節奏完全係佢掌控之內
不可不看

我認同你話套戲想突顯女主呢類底層生活嘅人改變嘅心態+父權同資產霸權壓榨佢呢part，我認為套戲都有好好咁表達到呢方面出黎，理論上黎講可以清晰表達到導演諗法嘅戲都唔會差得去邊，所以我都諗左好耐點解我咁唔中意呢套野

我得出黎嘅結論就係套戲呈現出黎嘅野同現實中大家唔中意女權嘅原因一樣，就係自相矛盾+女權自助餐

就好似中段女主好嬲d人話佢係雞而極力澄清自己只係脫衣舞孃一樣
女性自願出賣身體就係身體自主，而男主用錢買起佢就係父權壓迫
女主為錢接近男主就係女性力爭上游，而男主同樣為錢(為左父母會繼續供養佢)而拋棄女主就係忘恩負義
男主性格幼稚就係巨嬰廢物，女主性格西就係真性情

如果結局係塑造到男女主都係扑街人渣咁我覺得觀感會舒服好多(因為事實就係佢兩個都真係扑街)，但結果你淨係要男主道歉？女主一開始為錢接近男主就冇錯？最後話自己係真愛就大曬？

成套電影將女主塑造成為真愛奮鬥嘅現代女性而將男主塑造成反派，成件事根本就好二元分化好old school(呢part真係好似睇緊tvb)，所以我先話呢男女主角形象極度扁平冇深度嘅刻畫

另外真係要講女權主題substance高班好多，入邊嘅男性其實都係角色扁平好中意物化女性，但substance嘅女主唔會特登被塑造成一個正面角色反而係被父權壓迫下嘅瘋狂嘅產物，既可以諷刺到父權又唔會有女權自助餐嘅問題出現(因為substance女主其實都係用男性凝視去檢視自我)

所以我就話個ending係神來之筆

女主就正正係習慣用自己身體去交易
呢樣其實佢自己都知但唔想承認
估唔到有男人係打從心底對自己好
崩潰嗰下自己嘅脆弱暴露出嚟
將所有之前發生過嘅昇華晒
嗰吓好可以令人共情

如果導演唔咁拍，我諗我都會唔鍾意
不過最大功勞都係建基於女主演得真係好好

我睇緊嗰陣一開始已經覺得條友喺 hq
女主逃避現實唔敢想像老公會返去都算
但神父都諗唔到，然後四條友去啲無謂地方睇到我勁燥
交代一句話如果去咗 hq 嘅話啲舊同事會通知女主，然後先去其他地方都睇得舒服過而家咁

女主角度我明白
只係接受唔到另外三條友都忽視呢個可能性

純粹最危險嘅地方變咗最安全
正常人點會返去

只可以話係好surface level 嘅愛情/搞笑片？
其實我睇唔到有幾相戀 由頭到尾都係一場deal 同埋大家have fun

我個下淨係覺得佢係俾人玩而喊 冇咗個筍盤而喊
佢個下嘅脆弱對我嚟講冇咁deep as you said

我覺得幾好笑，點解會話呢part無聊

如果佢真係為咗個筍盤
一早就日喊夜喊啦
仲會連條fur都唔要
你留意吓佢望個戒指再除埋衫到崩潰嘅表情變化

估唔到Once upon a time in hollywood
接連出咗兩個女仔
仲要咁啱兩套都主演
兩套今年康城都拎奬

唔明點解可以攞獎
有啲投入唔到套戲，完全脫離現實，一隻雞點解會覺得自己可以變鳳凰
初認識條仔都見到佢唔成熟唔定性年紀又細，行為舉止講嘢柒吓柒吓，點會覺得熱戀過後可以維繫到，
就算冇佢老母出現，條仔都好快會玩厭
而最後光頭佬都只係水泡，轉個頭又會返去做雞，
根本條女2成為愛，8成為錢，
同埋女主角額頭d紋好難頂，前半段覺得幾正，後半段唔知點解越來越醜

伴遊夢想變鳳凰最後跌返落嚟有乜咁唔現實?
睇得荷里活戲太多,以為主角一定要係正派?

點解女主做既工都話自己唔係雞?

同Florida Project比差幾多

個女主mix黎？？
有啲亞洲feel