[每一次出ID，都係一個死亡挑戰] 快閃多洛米蒂山區亡命行軍 [2023]

飛得就介紹下香港機場啲貴賓室，先由最多人去嘅貴賓室講起。

Plaza Premium Lounge (Gate 60)
呢個貴賓室就最多人有資格入，好多信用卡都有送入呢個貴賓室嘅資格。所以呢到有個口別名叫環亞難民營。

COVID後新開嘅Chase Sapphire Lounge


環亞60號難民營



入面環境

叫得環亞難民營裡面環境就一般般都幾多人，都係一個普通貴賓室咁，係有個位坐下。飲品都係普普通通，汽水，啤酒個啲。食物方面魚蛋河係必食，個湯底應該落左小小奶，魚湯底好鮮，加埋自製XO醬有啲蝦子同瑤柱香味好好食。沙律同春卷還可以，其他食物可以唔食。所以呢到亦叫魚蛋lounge，以一個低門檻貴賓室而言有個好食魚蛋粉，有位坐算係咁。


名物魚蛋粉加XO醬

Plaza Premium Lounge (Gate 1)
呢個貴賓室真係似難民營，入去呢個貴賓室係要係出面攞飛。

環亞難民營

入面係最大嘅貴賓室 (唔計PP First)，裡面有好多位坐，都坐得舒服。不過啲叉電位有啲係壞嘅。



入面環境，都有好多位坐

佢入面都係有最出名嘅魚蛋河，有時就用左米粉，都係咁好食。呢到啲XO醬可以自己裝。


魚蛋Lounge


魚蛋粉

除左魚蛋粉之外，呢到啲食物好食過PP 60號貴賓室。呢到啲湯，通心粉同雞扒都幾好食。


其他食物

Plaza Premium Lounge (Gate 35)
呢個貴賓室係開夜晚，用嚟比人瞓覺。入面係個細貴賓室，無咩野食但係好多位瞓覺。


入面環境

Sky Bar
我有一次去PP貴賓室個陣有幸升級左上Sky Bar。呢個都係Plaza Premium營運，佢係Sky Bridge個到開。



Sky Bar環境，佢入面有個吧檯

呢到賣點係可以睇到飛機。


我係升級上嚟，所以包左一份野食。呢到有得選全日早餐同大蝦炒意粉。


係Sky Bar對面就係Sky Deck，個到環境都幾開揚。

1嘅魚蛋粉好過60
不過可能係咁啱60果日唔夠味精,好淡
1嘅XO醬真係好好食 我淨係XO加蔥都食左好多

Skybar睇到飛機不過睇唔到起飛 勝在少人

1除左要等之外其他方面好過60

XO醬應該一樣

Qantas Lounge HK
當然講得貴賓室就要航空公司個啲貴賓室。係北面大堂一出境轉右就係澳洲航空嘅貴賓室。（除左佢, EK同星航之外香港啲外站貴賓室無開，UA/Skyteam個啲）

澳航貴賓室裝潢主要係白色設計，配合深色檯椅，設計師指係用更溫暖嘅色調。呢到空間好大而且人比較少，可以係到靜靜地休息睇電視。


大門口




入面設計


現任反對黨黨魁Dutton接受電視訪問

呢到有沖涼房可以沖涼。


澳航吧檯有各式各樣來自澳洲嘅酒供應。



呢到食野個dining section以高級餐廳形式，會有個侍應招呼，出面全日都有自助野食，同埋夜晚個陣有廚房即煮菜單。即煮菜單有必食叉燒飯，魚蛋河等，仲可以叫侍應攞吧檯啲野飲。 奧克蘭個澳航貴賓室真係... 明明係皇牌航點又有直航紐約，個貴賓室無咩好野食有啲差，不過會裝修。 佢地得閒會同你吹水問下你啲野食點樣，好似去左澳洲咁。

Dining Service


自助區


沙律


叉燒飯, 肥瘦適中, 好食但未到必食


唔錯嘅魚蛋河，不過中意魚蛋lounge多啲



自助區西式野食為主


貴賓室名物芝士蛋糕

呢到好在服務好同多酒選擇同人少，即煮食物要夜晚先有，同埋有時夜啲去就無即煮野食。

歎住睇電視


Qantas Lounge logo


招財貓


出面對住全黑色塗裝Air New Zaland B787-9

EK Lounge
順帶一提我有次有幸入到Emirates個貴賓室，不過太趕淨係影左幾張相。

EK Lounge門口




入面內裝

Cathay Pacific The Deck Business Lounge
國泰係香港主場有幾個貴賓室，最細個個係The Deck，佢係Gate 8附近。


佢裡面裝修似國泰啲外站貴賓室，有一個大嘅休息區，同餐飲區。呢到雖然細但係有得沖涼。



呢到啲餐飲選擇比較少，不過都有幾款即煮食物，仲有招牌即煮粉麵吧。



Cathay Pacific The Wing Lounge
The Wing 位於2號閘對出，係國泰其中一個旗艦貴賓室。


佢比較多白色雲石設計望落去比較光猛。一入去就係工作/休息區同吧檯。隔離有得攞報紙同雜誌睇 ，穿過報紙區就係粉麵吧同自助餐飲。


白色主調設計


即製麵吧


可以睇報紙

不過呢個貴賓室真係太多人，我行左兩個圈都搵唔到一個舒服嘅位坐低，同埋呢到無得沖涼。我最後去吧檯飲杯Cathay Delight就走。Cathay Delight係一杯由奇異果汁，椰奶同薄荷葉調製而成嘅特飲，地面沖嘅比較多椰奶。飲落去少少甜少少酸有啲奶味順口嘅。

濃度同飛機版本唔同

Btw 好快The Pier裝修會係新面貌，下件年會開The Bridge。

Cathay Pacific The Pier Lounge
The Pier 係國泰真正嘅旗艦貴賓室，佢裡面設施係最多同最齊嘅，不過佢係65號閘對出要行好遠。宜家國泰話香港會有新嘅旗艦貴賓室。呢個貴賓室係連登航空討論區有個別名叫MMA Lounge，因為有個姓潘連登會員聲稱佢成日入The Pier First Class Lounge，並挑釁其他會員叫佢地去The Pier 同佢MMA隻揪，所以又叫MMA Lounge。 不過頭等貴賓室我就無緣入，今次入商務部分。


The Pier商務貴賓室入口


The Pier商務貴賓室設施

一入到去就知真正主場貴賓室係點，一入去轉右就見到工作房 ，轉左就係唔同種類嘅位，佢有幾個area，第一個空間有西式小食吧檯同埋熟食。



第二個空間係酒吧。




一直前行就開始見到啲國泰綠色，就係即製粉麵吧。




再前啲就係Tea House，可以歎茶同飲佢自己溝嘅鮮榨果汁。Tea House伙係國泰特色野，比大家認識茶文化同滿足東方幻想。 (Cathay Pacific/Marco Polo Club 個名本來就充滿東方幻想)



嚟得國泰主場貴賓室一定係食佢即製粉麵，有次我叫左雲吞麵同擔擔麵，仲叫多個陳醋雲耳，跟住係Tea House攞兩杯果汁。另一次朝早去就叫左雲吞麵同擔擔麵同粥。當然有其他食物，不過去The Pier就係要食擔擔麵。國泰貴賓室最樣誌性就係雲吞麵同擔擔麵。

即叫即整


Iconic Food


朝早時間，擔擔麵湯底好香花生味好creamy，不過有啲滯

呢到有十四間沖涼房就梗係沖涼先。

貴賓室廁所

沖涼房後面係Cabana，入面有一張張＂床＂比人瞓覺休息。攤落去好舒服，如果無較鬧鐘應該瞓到走左架機。

The Cabana


有貴賓急不及待攤上床

終於入正題，如果講乞丐ID飛體驗呢次好刺激。

上機之前睇架SWISS last minute賣到中間subclass，同埋出飛個到係綠色諗住今次無咩問題啦．同平時一樣都係一早去排隊登記ID飛。

點知去到HAS班地勤同我講: 今日班機full晒，我: ….....
地勤: 如果要坐壞櫈你坐唔坐，我: ok照出飛 (屌, 有位就上)

跟住我問佢SWISS爆晒係幾爆，佢話係全cabin full，連夜啲出發架Lufthansa都爆晒。登記完佢就叫我遲啲返去等消息。我心諗今次仆街啦，要準備學全能嘅連登仔單手游公海。

呢個時候啲人問我搞成點，我同佢講架機啲位全部都係 “Occupied”，睇嚟要準備游水，我啲朋友都睇到呆左。跟住我等左好耐，等到SWISS班Crew都check in。

今晚LX嘅crew

去到架機起飛之前一個鐘，我同其他等ID飛嘅返返去等佢出飛。呢個時候班地勤話要等埋個VIP大客，又等多十幾分鐘。好在今日LX LH啲Premium Cabin full晒，個VIP話長途機太辛苦唔飛經濟艙。我前面有三個人subload priority高過我，貧民係咁乞丐飛都要低人一等，最後佢都出左boarding pass比我。

攞到登機證之後即刻出境，搞得嚟都無時間入lounge，咁我就去影下飛機。今晚影到啲飛機都係去英國同歐洲長途機。

國泰航空旗艦機型B77A (有F)，CX 261呢晚飛巴黎



機場裝飾


英航B789，BA 28今晚飛倫敦


國泰航空新款長途飛機無敵組合A35K，CX 383呢晚夜小小飛蘇黎世。我發現唔知係咪因為簽左codeshare agreement，CX LH LX飛法蘭克福同蘇黎世嘅飛機啲gate係附近。


漢莎航空LH 797，用A346飛法蘭克福。LH group可以話係飛機膠天堂，佢有成堆經典飛機，A340，B747，B767，垃圾A380，不過啲舊機開始退役

今晚坐SWISS LX 139，用細架啲嘅A343飛蘇黎世。宜家呢條線已經用大架啲嘅B77W營運。

A343最出名係5APU，4個風筒引擎。

最後都順利上機，上到機發現得2個位剩。

跟住我就轉機去米蘭，好快過左神根區。




無野做又係影下飛機。


過左神根區都係一堆細機


SWISS A220-100



Helvetic Airways E195-E2


Air Brussels A320


SWISS B77W同一堆私人飛機

SWISS係肺炎之後問airBaltic濕租飛機同Crew，所以見到好多Air Baltic機。




今日坐個架都係Air Baltic機，係拉脫維亞國旗塗裝，同埋係第一次坐A220系列。SWISS係其中一個A220主要用戶。




機艙入面好新淨，頭頂個display都係新設計。

飛左 9 個字之後好快就到米蘭。


呢個時候我又未搞上網卡，見到有巴士幾分鐘開出市區就即刻買飛。不過架巴士坐成個鐘先出到市區，坐機鐵應該快啲。


跟住就係米蘭火車站買左上網卡，又舞左一輪，一出米蘭火車站，座野好似文藝復興時期建築咁。

因為我係米蘭時間得一兩個鐘，所以我把握時間行去啲主要景點睇下就算。不過正午時間條街都好熱.......



行行下有個細路好開心咁叫我幫佢影相。我開始都半信半疑，佢揸住疊chem筆記話佢地今日test完好開心想我紀錄呢一刻嘅喜悅，我見佢行為似佢講嘅野就同佢地影左張相。


呢到有唔同空間就有塗鴉。



揹住個背包係三十度行真係好曬好熱....... 當然我唔知日後我會係熱過地獄嘅亞美尼亞，係36度拖住爆左嘅gip。

米蘭出名時尚，條街都好多名店，樓豬係唔好名牌野。



米蘭電車

行經一個廣場見到個雕像。




行多陣就到好出名嘅時尚走廊。




入面真係好多人........ 始終有啲趕時間同對名牌興趣麻麻，我係入面打幾張卡就走左。



出面就係地標大教堂。



廣場好多人，係有啲人嚟搵食想呃錢，不過個樣好明顯，小心啲就避得開。

跟住我就搭地鐵去坐Flixbus去Bolzano。意大利啲女比起歐洲其他地方一般般，係天氣問題著得比較少衫。



Flixbus一如以往咁又遲到。

巴士總站隔離嘅市集


等車的乘客

架車先去Trento。

Milan Bergamo 機場


向北就見到啲山




Trento市區

去到夜晚八九點就到Bolzano，Flixbus巴士站係Bolzano南邊，要行半個鐘先到市中心。

日落左天氣無咁熱，呢度以前係奧地利，宜家都係以德文人口為主，呢到收到奧地利國營電台ORF。



過河之後就到Bolzano市中心。



河邊


河隔離見到啲高山

好快就去到我今日住個到，係Airbnb，見到住宅區係一間間幾層樓平房。




時間都夜，我就買左個Pizza。意大利人對食係有特別要求，個Pizza係即製。

瞓醒之後朋友B係橫風橫雨嚟到會合，我比左食剩嘅Pizza當早餐之後休息多幾個鐘就出發。


Bolzano街景


有人係到踩單車


經過河流



可以見到後面嘅山


Lufthansa City Office

我本來都想去, 不過冇自駕坐公共交通好似幾煩下, 加上酒店都係比人卜到7788, 一係貴到傻一係遠離市中心......

[以下情節開始由朋友B代筆]

先簡介Dolomites:
Dolomites係位於意大利北部嘅山區，係以前奧匈帝國一部份，距離奧地利Innsbruck兩到三個鐘頭車程。今次我喺瑞士山區同中歐中間嘅意大利Dolomites停留幾日。而及後由於台長就到時間同身係遠東周身唔聚財想係歐洲行下，所以就加入咗今次意大利北部Dolomites行山（軍）之旅。


呢幾日就係圍繞Ortisei同Santa Christina Valgardena呢兩個鎮去行山。其實Dolomites係一大片山區，通常當遊人都會focus係幾片區域，包括Ortisei (因爲交通算係最方便)，每個地區都有local bus，但由於班次疏落，建議自駕方便好多，而且每個山區都有公路連接。

我都係靠我朋友帶隊先搞得清楚

第一日-Alpe di Siusi

第一日我地喺airbnb會合，我沖咗個涼，食個早餐 (台長前一晚買嘅pizza，畢竟呢度都係意粉國嘅地方)，就乘搭150號巴士，由Bolzano火車站，經過重鎮Ortisei,去到Santa Christina Valgardena (每位承惠6歐羅，中途唔洗落車)。

巴士站


同車嘅韓妹



山下景色


Orseti


上到山區

去到Santa Christina，雖然未到check in時間，但我地嘅酒店都好好比我地提早check in。（呢個好重要，因為酒店會喺checkin時提供免費巴士卡，等大家可以免費乘車。）



街景


酒店


遠處嘅山


鎮中心迴旋處



我間酒店



大街街景

我之前一心都係自駕住遠少少出入都唔怕...點知比人停9左牌成個TRIP即刻打亂哂, 仲有半年就出發不過除左買左去米蘭既機票外咩都未攪....連改去邊都未決定好