[每一次出ID，都係一個死亡挑戰] 快閃多洛米蒂山區亡命行軍 [2023]

除咗即刻check-in之外，我地好快就用咗張卡去翻Ortisei。

離開St Christina


鄉村景色




隔離城鎮同鄉村景色



Ortisei巴士站


過河


大型酒店

之後再轉纜車上去mont seuc同Alpe di siusi, 係Ortisei南面嘅地方，由於第一日大家都坐完通宵車/飛機，我知道大家都攰，所以就買咗來回飛上落山。上到山頂，一望出去就已經係一大堆灰色尖嘅山頂。


纜車



纜車風景


上到山頂

上面有廣闊嘅視野，而我覺得dolomites靚嘅位係佢嘅層次。



山下係一群松林，再上少少就係翠綠嘅草原，隨住山坡越黎越斜，就只剩下一塊塊尖尖嘅山石。

喺Mont Seuc一邊係Ortisei，另一面係一個平原，有另一組纜車連接山上同平原。我地落山圍住下面嘅平地行咗一圈。





草地上有放牧嘅牛，其他行山啊姨就係咁講happy cow, happy milk。而一路除咗風聲，葉聲，就係牛牛嘅鈴聲喺度歡迎我哋。



本來諗住搭第二組纜車上落山上同山下嘅平地。




繼續係山下嘅平地行





好大舊黑雲

但由於我貪心想行翻上山，再搭翻纜車落去同上翻山，結果貪字得個貧，我同台長上翻山時，個纜車已經關閉。(編按: 又要行軍式旅行 )


遠處有幾隻馬




山下好大段路


Dolomities好大舊石


纜車同後面嘅牛



遠處嘅Dolomities


停左嘅纜車




Dolomities



附近風景


好無公德心


啲人係到打卡



落山見到附近村落

留名儲肥再睇

晚上，我地喺DeSPAR超市買咗好多嘢食，喺朋友s酒店露台食晚餐，一面望住遠方被夕陽照得金黃嘅山頂，仲有半條彩虹添。但由於朋友s處理手機問題，所以佢就無心情去欣賞如此美景。



附近住宅



準備上山走人



返到酒店晚餐

第二日-Seceda

第二日，我地又一早各自喺自己間酒店食早餐。

起身嘅景色




酒店設施



早餐，有即叫即整嘅炒蛋

今日嘅行程係去我認為係今次trip其中一個最靚嘅地方Seceda。唔係講笑，呢度喺10分嘅scale入面有12分咁靚。

由Ortisei (隔離鎮) 同我個鎮Santa Christina分别都有纜車上山，唯一唔同嘅係，由我個鎮上山嘅話，要先坐Col Raiser纜車上去山腰，再行幾十分鐘落少少山轉另一組纜車Fermeda先上到Seceda山頂。

咁但係好處就係我遊說到台長，既然都係要行，咁不如直接由山腰行上山（差d比人打,好彩嗰位人兄無氣無力）。
編按: 屌你老味

由於酒店有派發免費巴卡，喺Bolzano開始整個region都可以免費搭巴士，我地先搭車到三十分鐘路程外嘅巴士站，再揾纜車站喺邊，一開始睇google map，以為有纜車由巴士站直接上Fermeda。




但原來係一個family park嘅chair lift，而且無開，所以我地就要上番一百米去到山下嘅纜車站先，再上八百米去到二千米高嘅山腰。

呢個只係開始


纜車站風景




纜車同行駛中風景

跟住精彩嘅事就黎，台長問話點解山頂好似有少少遠，跟住我又真係幾遠下，我先開翻Terrain mode，原來都要行上海拔五百米先上到Seceda，但我地都買咗同用咗單程到山腰嘅ticket，無理由再加多一個double買多程纜車，所以我地喺附近草地打完卡就出發。




google map嘅建議時間係1小時4分鐘行3.7公里上山，但我肯定唔止行咗3.7公里，亦唔止用咗一個幾鐘。

一開頭係一段平坦嘅林蔭小路。

小路




開始爬山

但之後就開始黎料，喺google map上面睇到係一片高原，不過呢個高原一d都唔平坦，仲要越近山頂就越斜。



四周風景優美



越嚟越斜

我哋慢慢就要行停下（其實係台長要停），由於我哋好慢好慢咁行，仲要越行越慢，所以我就越行越輕鬆，由於子非魚，我就唔知台長行得開唔開心。[編按: 我都唔知點解我要出現係個到，不過出現係現場就有一定風險] 仲要由於我地嘅方式係跟人行，好多人都開創捷徑，我地跟人就行咗更斜嘅路。

我地最後用咗兩個鐘頭上到山頂。沿路嘅景色已經好優美，可以望到北面，東面同南面嘅群山。



去到山頂景色真係值得點個讚。



係山頂休息的人




山頂風景




可以坐纜車落山

東面係一大舊石，東南面都係一舊石,南面係尖嘅一大舊石，北面都係石（有名你叫dolomites, dolomites就係白雲岩嘅洋名）只有西面唔係石頭，而係近處嘅山谷，Ortisei同Resciesa,

爬上觀景台



觀景台



山谷


十字架像






四周圍的巨石

仲有遠方嘅雪山，呢一帶嘅山都唔係好高，但由翠綠嘅樹林到灰白嘅岩石就有層次，而且天朗氣清。岩石一層層由平穩，被外力推斜，直到90度傾側，連小草都唔可以喺上面生根。





遠處風景

我哋欣賞咗山上嘅景色，好快又到落山嘅時間。Google map話只需120分鐘，睇一場戲嘅時間，我地就可以落到山下。由於我地由Santa Christina嗰面上山，我地想試試新路線，所以就行去Ortisei。




落山嘅路一d都唔平坦 ，係10公里keep住由二千五米行翻去千幾米，根據守衡定律，由酒店行咗幾多米上山，而家就要行翻幾多米落山。



我地喺滑嘅沙石路都小心翼翼，得别係好斜同非常斜嘅路段（即大部份路段）。而且山下都係松樹林，就無咩景睇。



落山嘅路




周圍風景

我地見到外國人原來會行路邊嘅草叢落山，先識得咁做。由纜車喺頭頂經過，到纜車停駛，我地仲喺梯田隔離睇埋夕陽映照對面嘅山頭，先落到Ortisei，再搭車翻酒店食晚餐。


踩草落山


見到個雕像


上面有纜車





見到馬路就即係到山腳



返到酒店


晚餐



天黑嘅酒店附近

第三日- Ciampinoi

最後一日，其實我地得半日去行山，[編按: 得半日都唔可以比人休息下，係都要軍訓] 因爲我地要reverse翻第一日嘅行程，搭150號巴士去Bolzano，再轉火車去Austria嘅Innsbruck，所以我地就近近地去咗附近嘅Ciampinoi。

順帶一提，其實呢幾日我地都係去圍住Ortisei同Santa Christina嘅山頂或者係高原。睇黎睇去都係嗰幾座山，例如第一日就見到同喺我酒店對面嘅Langkofel (3181m)，Sassolungo同岩石Sella Tower（由好多座dolomites組成）。


由市鎮出發

我地又係搭單程纜車上山。



山坳後面又係一座座雪山。話雖如此，無論係第三日睇座山定係睇翻相片，我都仲係會睇到wow一聲。

請問其實有冇話一年邊個時候去最好？

又啱行山

又見到有雪喺山頂

樹葉又變紅

又唔係雨季



［利申：做伸手黨］

真係唔知

而喺山上嘅纜車站有一大堆沙灘椅比人坐，我地坐下聽下歌，慢慢都入咗夢鄉。


纜車站同山下城鎮




玩Paragilde 落山



附近風景



第二組Paragilde





第三組Paragilde


清楚見到山下小鎮

我地食完簡單但美好嘅午餐後，再行落翻山。呢度冬天係滑雪場，夏天就係一大片草地，唔少遊客玩mountain bike，喺草原上奔馳。我哋就沿著前人留下嘅路行一個鐘頭翻巴士站，同酒店攞行李。

落山途中


躺平的牛




離遠見到山腳纜車站

我唔想咁快離開Santa Christina，就同朋友坐喺停車場邊嘅長凳欣賞Langkofel，又有唔少人直接喺我哋前面嘅水喉打水。

去到停車場下嘅巴士站人山人海，唔少人要企喺車路，而且有好多人上唔到一班去Ortisei方向嘅車，我就好怕上唔到第二班經Ortisei去Bolzano嘅150，因爲我地要接駁火車去Innsbruck。好彩都係有驚無險，後面嘅車仲有好多位可以上車。

落山嘅風景

[跳返去主編視角]

經過幾日死亡行軍級別嘅行程，我地終於平安去到Bolzano火車站，出發去Innsbruck。本來我去倫敦，唔係朋友W小姐唔得閒我都唔會係意大利山頭軍訓。 我落山之後因為太辛苦發左誓2023年唔再行山。


返返去文明世界

跟住我地就上左火車先去意奧邊境。

火車到了



意奧邊境


奧地利村莊

火車穿過奧地利村莊之後，就到Innsbruck車站。

Innsbruck車站



火車站隔離嘅巴士電車站可以見到雪山

一出到奧地利感覺同意大利唔同，啲建築宏偉有氣派啲，同埋感覺上乾淨有條理啲。 同意大利係兩個風格。




Innsbruck市區


呢到都要幫誠哥打工


Innsbruck賭場


Triumphpforte，1765年當時女皇慶祝個仔結婚而起

我同朋友B去佢今晚間Hostel，一路行一路欣賞Innsbruck嘅景色。Innsbruck都係係雪山下面嘅城市，係啲樓後面可以見到高山。

跟住我同佢放低行李之後去左食Burger King，我一路睇啲資訊，見到兩三日後幾個port返嚟架機仲有四十個位，就立flag話返嚟應該無咩問題。

天色漸黑


Burger King

食飽之後就天黑，夜晚嘅Innsbruck有啲大學生出嚟玩同食雪糕，不過整體都係安全舒服。






朋友B送我去等通宵巴士之後就返返去Hostel繼續佢嘅歐洲之旅，我就去下一站。



朋友B視角: 今次嘅分别無上次咁依依不捨，因為原本無plan過去以見到面，而可以一齊去dolomites已經係賺咗，而且翻到香港可以再見面。

夜晚嘅Innsbruck其實都無特別野，所以我都係去火車站瞓一陣之後係Flixbus巴士站等車。Flixbus又唔生性遲到，架巴士係奧地利落一落橋兜客之後就上高速公路。

去到德奧邊境個陣見到德國Polizei檢查護照，佢一見到我本共享中國人榮耀嘅護照就問我有無簽證，我好冷靜咁同佢講我其實免簽證，好快問完其他人就開車去慕尼黑機場。


我過左安檢之後又睇左我架機有幾多位，仆你個街五六個鐘之後回程架機無左大半位。我個下淆到仆街，不過都係reposition去到巴黎再算。

Munich機場


Munich Lufthansa World Shop


啱啱日出嘅MUC

去到巴黎之後我係戴高樂機場睇返香港班機有幾多位剩，架機好多last minute booking，我決定今日專心行巴黎，第二朝瞓醒先算。跟住太眼瞓係機場恰左陣，瞓醒就坐RER出市區。

巴黎上空


降落CDG


長榮B77W


RER列車

本來諗住係聖母院落車，不過我落早左車，係著名臭嘅巴黎北站落車。一落車好撚臭，一大陣尿味。



我睇一睇地圖見到自己係第十區，於是我行落去塞納河畔行下。係街見到啲法國人係麵包鋪等即焗麵包出爐，果然係中意食嘅國家。





街景圖


1848年歐洲革命

條街日照充足所以都幾熱，行左陣就到羅浮宮。時間有限影左張相就繼續行。