[Sony/罪大滔天]相機集中討論區 (147) 11月發佈新主機？

伸縮自如篤篤樂 · 2024-10-25T17:27:02+08:00

新入坑想買機鏡可睇完3樓FAQ先再問 1、2樓主要係機鏡資訊攝影窮三代，單（無）反毀一生鏡坑深似海，買鏡前請衡量銀包承受力 1）首先講下Sony比較多人講嘅優缺點優點：機身性能好、畫質好、追焦咬得快同實、價錢合理，原廠副廠鏡群極多選擇（Sony最大優勢）缺點：初代直出顏色唔討好，但經歷多代ColorScience已改善唔少。另外舊機成日無新firmware update追加番新機獨有既新feature，就算旗艦機都係一樣情況 # 直出顏色方面其實手機調兩下，post社交媒體已經夠做；真係認真執嘅話用返Lightroom／Photoshop／Capture one Express，Sony嘅RAW檔細節保留得好好 2）機身選購懶人包 1吋Sensor隨身機主要錄影、無需要高速對焦、連拍 : － Rx100M4、ZV-1/ZV-1II 需要高速對焦 : － Rx100M5/M6/M7 *1吋機長期唔更新，歡迎熟既朋友幫手* APS-C 無反 A6700：旗艦APSC，用FX30嘅2600萬像素背照式CMOS、側揭式反MON、新MENU同加入AI對焦晶片。可拍10 bit 4:2:2 1.58x crop嘅4K120p。缺點係而家A7C系列體積已經同A6700差唔多大，APSC嘅輕便優勢已經被收窄 ZV-E10︰舊款入門APSC，2420萬像素CMOS。2024年優點只剩番平；缺點舊電池舊MENU，無EVF同操作體驗會比A6000系列更普通 ZV-E10II︰換左同A6700一樣嘅背照式CMOS、新FZ100電池同新MENU。機頂收音mic有明顯加強；但刪左機械快門。對比上代更偏向VLOG機 Full Frame 無反 A7IV︰水桶型基礎機，用左全新3300萬像素背照式CMOS同側揭式反MON，同時轉用同A1一樣嘅新MENU。2024年價錢親民但有雙卡槽同其中一個支援CF-A卡。唯一缺點係無AI對焦晶片 A7CII︰A7C系例比其他FF細部，體積同APSC機差唔多大，連登最推薦嘅SONY入門FF。用A7IV嘅料同加入AI對焦晶片；但刪剩單卡槽同唔支援CF-A卡。想用黎開工要留意 A7RV︰高像素機，第一部用全新四軸反MON同加入AI對焦晶片，沿用上代6100萬像素背照式CMOS，雙卡槽同時支援CF-A卡。缺點係高像素會令果凍效應同高ISO嘅noise更加明顯 A7CR：用A7RV嘅料，但無用個新四軸反MON。其他同A7RV嘅差別就跟A7IV、A7CII之間嘅差別一樣 A7SIII︰高感光拍片機，低光環境下高iso表現非常出色。可拍10 bit 4:2:2 1.1x crop嘅4K120p，雙卡槽同時支援CF-A卡。缺點係塊背照式CMOS只得1210萬像素同無AI對焦晶片 ZV-E1：高階VLOG機，用A7SIII嘅料同加入AI對焦晶片；但刪左EVF、機械快門，同刪剩單卡槽而且唔支援CF-A卡。想用黎開工要留意 A9III：高速連拍機，第一部有全域快門嘅民用級相機。全新2460萬像素堆疊式CMOS配最高連拍120FPS RAW，絕無果凍效應。用左A7RV嘅四軸反MON同AI對焦晶片，雙卡槽同時支援CF-A卡。無明顯缺點 A1：最高階水桶型旗艦機，5000萬像素堆疊式CMOS配最高連拍30FPS RAW，可拍1.1x crop嘅10 bit 4:2:2 4K120p，雙卡槽同時支援CF-A卡。缺點係2024年價錢依然唔親民但用緊舊式上下揭MON，而且仲無AI對焦晶片 # 留意A9/A1系列都要用原廠鏡，甚至係GM系列先做到最高速連拍 *除左最平價ZV-E10，其他用舊MENU既型號唔再收錄* 3）鏡頭選購懶人包： APS-C鏡頭已cover等效13.5 - 525mm焦段，變焦方面選擇有限，但定焦鏡應有都有 APSC Zoom Lens ●Sony 10-20mm F4 G PZ︰恆定F4、電動變焦，2022年出拍片新選擇 16-70mm F4 Zeiss OSS︰恆定F4、貴、體積細、輕、有OSS、蔡司T*鍍膜加持 16-55mm F2.8 G︰恆定F2.8、貴、等效24-70mm焦段，地位等同FF的2470gmii，另有下位替代S1850跟T1770 18-105mm F4 G OSS PZ︰抵玩錄影鏡，畫質好、體積大但唔重 18-135mm F3.5-5.6 OSS︰有防震、等效28-200mm焦段。畫質比18105g更好、整體手感好平衡，旅行天涯鏡之選 55-210mm F4.5-6.3 OSS︰長焦Kit鏡，建議攝影新手試用，體驗手機攝影做唔到嘅壓縮景深效果 70-350mm F4.5-6.3 G OSS︰高階遠攝變焦定位，APSC版100400gm ●Tamron T1120 F2.8︰恆定F2.8，貴過 SEL1018、體積細、輕 T1770 F2.8︰恆定F2.8，平過1655g，有OSS，APSC版24105，體積同SEL70350G差唔多 ●Tokina Tokina 11-18mm F2.8︰主要對手T1120，不過畫質比T1120差 ●Sigma 10-18mm F2.8 DC DN︰2023出，恆定F2.8，廣角變焦，副廠中最wide 18-50mm F2.8 DC DN︰恆定F2.8，標準變焦，鏡身輕細。焦段重量同T1770之間各有優勢 APSC Prime Lens ●Sony 11mm F1.8：一支自拍vlog既選擇 15mm F1.4 G：原廠APSC line惟一一支1.4光圈 24mm F1.8 Zeiss︰貴、畫質非好、蔡司T*鍍膜加持、被捧為APSC入面最正嘅鏡、夠錢必入 30mm F3.5 Macro︰APSC微距鏡，1x放大率 35mm F1.8 F1.8 OSS︰等效約50mm焦段，正常價、比上面嗰支輕、細、畫質無咁好、有OSS防震。 50mm F1.8 OSS︰平、畫質唔錯、輕、細、對焦較慢、有OSS防震 ●Laowa 9mm F2.8︰APSC最廣，超細枝，中心畫質唔錯，全開光圈時留意暗角 ●Samyang 12mm F2︰平民超廣、畫質唔錯、輕、細、AF，新Coating ●Zeiss Touit 12mm F2.8︰基本同上，但畫質更好、價錢更貴 Touit 32mm F1.8︰ Touit 50mm F2.8 Macro︰ ●Sigma 16mm F1.4︰補齊Sony一直無嘅高質等效24mm 大光圈，以三千蚊有找價錢黎講係超值。重量一般，畫質銳利，色散控制唔錯，但變形略為明顯 23mm F1.4：2023年出，等效約35mm，光學質素比16/30mm為優勝 30mm F1.4︰平、畫質出色、對焦會比原廠略慢、但日常絕對可用，抵買*100 56mm F1.4︰等效約85mm，人像鏡之選，Sony APSC頂級之選 ●Viltrox AF 23mm F1.4︰等效35mm，APSC鏡23mm焦段本身選擇唔多，仲要有F1.4，不過收一收光圈畫質先會更好，平過24F18Z一半 AF 56mm F1.7: