佐賀偶像是傳奇 聖地巡禮 2024

祝好天氣
去到影多d相分享

sorry累到仆街，本身諗住一朝早起身再去咗河游一游、
點知而家12點比酒店職員叫醒要check out，
時間上都趕唔到去其他地方啦，
今日要返福岡去LALAPORT， 到此佐賀遊完結。
晚上會去姬路。

等有時間先再補返文字描述。
呢兩日瘋狂趕行程跑晒剩低嗰28個點

學上面巴打話齋，第二、三彈真係嘥氣嘅好多都係市民會館或者公園附近根本沒有景點

已經好勁，去左咁多
真係有d地方係渣車去都要揾地方泊車而煩惱

揸車去搵人面蓋唔難，全部位都停到車，
或者係有免費停車場，
我只係去唐津城參觀果個車場要俾錢，
而且同人面蓋無關。

番到福岡還車時大概行左720公里，
我本身出發前估計應該只係400公里左右可以走晒，
真係事前準備不充足。
早知係咁我會留多一晚。
佐賀市內好多地方冇去，有啲係有經過但冇時間搵地方停車再影相，
今次場景位同eye catching 位應該係仲有3成地方冇去，
最可惜係鬼之山果個觀景台去唔到，應該係話車去唔到，
要入林，有好多蜘蛛好荒蕪嘅地方，
車行到一半覺得唔對路要掉頭走。
所以我好佩服嗰個台仔踩單車上。
如果喺山頂停車場個邊行路上去唔知會唔會近啲，
但完全冇人，我唔敢一個人行，勁多巨大蜘蛛網。

我見佢個地圖明明車係有路上到去，但行到一半冇咗條路。
浪費咗差唔多兩個鐘時間過黎但去唔到影相位果種感覺真係好難受。早知係咁skip咗佢去多兩個點仲好。
停車場對出有一個赤鬼滑梯，唔係eye catching 果個黎

希望個風唔好搞事

啲蓋

影得個角度唔統一真係唔好意思

祝好天氣，番黎分享靚相
我呢幾日個天麻麻，之後應該會好天

如果你哩幾日去佐賀
佐賀 you me town商場間紀伊國書店放晒幾個角色的等身紙板
好似擺到11月4

你依條路揸上去？

係，行到一半會入林

正確條路係紅色嗰條，車泊在停車場，行路經過遊園地，跟條之字形樓梯就可以行上到。

下次去日本行山可以先參考依個地圖：ヤマレコ
唔洗估估下，或者比Google Maps老點浪費時間。
https://www.yamareco.com/modules/yamareco/detail-3886305.html

補番day4
9點幾出門首先去多次屍家大宅
途經當年山田妙獨自出門購物的路線



大宅內有個奇怪嘅物體


然後沿海岸線進發，去呼子朝市

可能係假期，朝市勁多人，
停車場滿晒又冇位泊，所以影兩張相就走左，冇食到串燒

再上係波戶岬，海中展望台，酒店觀光卷有折，折左都要800羊，不過黎到唔入去更蝕底，呢度完全係拍拖聖地。


有班50路大叔揸JDM黎影相，好正！

然後去睇下一個戀人勝地，梯田，呢度要夏天日落黎先正，秋天麻麻，另外聽講有一個小櫻寫比幸太郎既木牌，但我搵唔到

個人面蓋係梯田再行幾公里既海岸溫泉設施外面，去到呢度下午2點。

跟住係有田町，賣有田燒既地方，我影左個蓋就走左，唔記得去搵角色圖案既有田燒


下一站陶山神社，大門前係JR路軌，個設計師小癲


下一站大楠公園


下一站武雄神社，同動畫冇直接關係，
但武雄哥既家鄉點都要拜一拜，
莉莉這麼可愛一定是男孩子

神社停車場亦係武雄中央圖書館，設計好靚

下一站 御船山樂園，晚上有幻彩fing燈光，又一溝女勝地。
紅葉季黎應該超正！

黎到呢到5點半，6點3走人

下一站大町町 7點半左右到，附近好似得個車站冇景點


下一站minnano公園

把鬼蓋位系列

下一站道之駅白石，8點9

今日直到黎呢度之前一路都算順住蓋位行唔使用腦決定下一站，
但黎呢度要決定到底下一站向東入小城市/佐賀，定向南落太良町，無錯我其實一路都冇plan要點去，見步行步到咗再決定下一站。
雖然比左酒店錢，但本身係打算今晚訓街聽朝大魚神社⛩️睇日出，咁就唔使由呢度渣2個鐘車番酒店。

最後當晚係去左太良町既道之駅太良福館訓車。10點前

D4完

我有見到人行果條路啊，問題係比蜘蛛大軍霸佔咗
我一個人又冇帶長棍唔夠膽行上去，
個公園應該係太耐冇人行過，比其他地方更多蜘蛛網。
同埋我唔係用google map，我係睇公園自己個牌

明明係有路上山，可能條路爛尾未整好

比較看板幅圖同Google maps，條車路又真係起到一半斷咗喎，不過就算條路通嘅，都只係沿山腰度行，上唔到展望台。ヤマレコ上橙色點點係有人打卡嘅地方，見到大部分人都係行山脊，連續過幾座山。 都仲有少部份人係停車場行不同路爆林上山。

試過搵福岡北九州嘅秘境搵咗三次先搵到，頭兩次都沮喪，最後搵到真係興奮到喊出嚟。
你下次試吓搵呢個地方當探險，難度同呢個展望台有得比：Fujishiratama Shrine 冨士白玉神社⛩️

我討厭爆林，討厭好多蜘蛛既地方

直接瞓沖之神海邊仲好，有個乾淨廁所有花灑添
我都去過兩次，專登一次水漲一次水退，真係好靚，好值得去。
期待你嘅分享。

眼瞓頂唔緊喇，踩左成日

好中意呢套動畫，D歌好好聽
多謝CY爸爸
講莉莉個集同佢爸B真係有喊左

幫燒雞賣廣告個集
個老闆配音真係老闆本人
有冇幫襯食下？真心九州D雞應該幾好食

想知咩季節去好玩D?
大約記得有熱氣球節？同埋有明海/伊萬里灣玩泥漿運動會好似幾搞笑

莉莉真係好正，
第二季天才表演果集超燃
利申not gay

食左，燒雞勁好食，不過自己燒，唔識燒既人就難搞。
呢度係我今次去過既店之中最多腐爛臭眾野擺出嚟既鋪，
同埋我諗大家搞錯左方向，唔係佢地搵動畫幫佢賣廣告，
佢間鋪年均來客量8萬人次，使鬼賣廣告咩。
佢應該係有份出資整動畫想幫手推廣佐賀，然後CY整一集比佢玩。


補充多小小
可能係星期六加上1730晚飯時間，超級多日本人黎食，等位等近30分鐘，我冇諗過我一個人都會比包間我，明明有普通座席。
本身諗住食個招牌定食就算，1150羊包人哋一個箱房好似唔太對路，叫多份伊萬里牛同雞可樂餅，大佬一個人邊食得晒，有啲後悔叫太多野，食剩半份雞飯。
燒雞肉冇得輸，嫩滑得來又有雞味，
伊萬里牛出唔出名我就唔知，
但呢個牛里脊肉好食過伊萬里秋祭路邊攤嗰個長崎和牛2萬倍。
至於炸雞可樂餅，我就覺得冇乜特別，味蕾記憶點係個醬度。
仲有個雞湯都正！
反而係個雞飯，可能唔啱我口味，麻麻地。
想試埋個鹽味雪葩，但真係冇位擺落肚喇。

drive-in tori 博多有分店，純粹想試唔使走嚟伊萬里本舖，不過如果係朝聖就必須要嚟本舖啦。
呢條街有好多餐廳，但我見全部都唔多客。

泥漿好似要初夏
熱氣球每年都係10月30～11月4左右
仲有個唐津宮日祭11月2～4號
伊年里花火大會就11月20打後既周末

我覺得11月頭睇埋個熱氣球同唐津宮日祭，
或者月尾睇煙花都唔錯，
如果駁到11月中後會有埋紅葉，
佐賀算係郊區景點多又分散既地方，
冇櫻花/紅葉既季節去應該麻麻地，
除非你同我一樣純粹為咗動畫而去朝聖

其實真係哩段時間去好
宮日節 熱氣球

上年今日我出發到佐賀