BMW車主討論區 [13］

有budget又唔限制梗係玩v8
呢家歐盟咁多環保例v8已經係絕響
我都有架e系馬仔
全車油 冷卻器同喉 底擔狗骨 塔頂 火咀 coil valve cover 都換咗
當車價加多幾皮 換一轉當玩多七八年

玩得二手車最緊要豁達 唔怕第一轉整車
零件有週期 車齡耐 就一定老化要換 金屬都會有疲勞 係歐洲車人工同啲料平均會貴啲
同埋第一轉唔好慳 日本同歐洲車都係 見過有人唔捨得洗錢 二手買入淨係換一兩支coil 點知輪流到期 出入車房幾次人工都蝕埋

通常有啲人會覺得我呢個價錢買返嚟
個價唔值得放咁多錢落去換 其實見仁見智
睇你買舊年份嘅車係咩原因 撇除保值 當買返嚟長揸
有啲就會覺得隻引擎已經絕響又或者架車款喺自己個心入面好iconic好獨特 例如有師兄揸架e92都開心過揸g80
所以正如#1所講
預車價加多兩三萬先係真budget
日本車就通常加多車價一萬左右啦 睇你玩日本車對零件嘅要求係咩 要勁就貴有貴做
如果真budget係10萬
通常都係七萬BBA vs 九萬日本車

各路巴打如有經驗分享或有錯請指正小弟 還請不吝賜教

正時鏈板同條鏈15萬先諗

自從有左港車北上, 成個生態都唔同左, 原來改裝維修保養入油可以平咁多

我諗好多人唔係怕比錢整車
而係怕左香港車房文化
比左錢都唔係整果樣野

所以真心感激連登巴打有ok嘅車房推介

講真比得10萬
真係不如加多少少換部g世代既
真係靚仔好多

十皮嘢都係打個比喻
g世代好多個look都ok
不過近來嗰啲豬鼻我麻麻地 有冇同路人

開頭都覺G系個鼻好核突，但買咗之後又順眼咗

巴打你個id同呢句好夾
自從接觸咗G系之後順眼咗開心咗

有個問題想問吓各位巴打，想問吓寶馬啲brake係咪比較漸進式？因為當我第一下踩brake嘅時候覺得個brake好弱，要踩深啲先有反應，想問吓寶馬啲break係咪原裝設定都係咁？

有冇換brake油

之前聽過話有個巴打冇換到哇佬冚
係咪仲有其他料爆 做衰左個排頭

我未換啊，因為我11月先買，返過原廠做brake test原廠話冇問題，但係我自己就覺得個brake嘅感覺好奇怪。想問吓巴打換咗係咪真係好好多？

我自己係 換咗踩落去頭段冇咁虛 半吋就有反應 唔知係唔係你想要嘅嘢
巴打係咩車款

2017 420i xdrive

BMW車機系統的進步可說一日千里，還記得曲面螢幕的iDrive 9.0剛在台灣推出不久，如今在2025美國消費性電子展上推出即將運用在今(2025)年底起發表的「所有新車」上的全新BMW Operating System X車機系統。與舊款最大的不同在於將前擋風玻璃下方放置橫貫式資訊顯示幕，搭配全新抬頭顯示技術，讓駕駛能更專注在車頭路況。對了，方向盤的樣式也是全新的。

香港天氣潮濕
brake油預都係一兩年換一次
e.g. ATE DOT4 換一次冇壞，都係有限錢

如果行咗8萬km左右切記要換波箱油
如果唔換波箱油，個波箱嘅[終身lifetime]都會快啲
到

btw 四驅xdrive 會多咗個分動箱用嚟做前後動力分配
分動箱同尾牙都留意使唔使換油 呢部分比較多人容易忽略

巴打17年車 都好新 長揸就留意下

唔該晒巴打，因為呢部係我人生第一部車，所以好多保養嘅嘢我都唔熟，多謝巴打提點

通常玩得二手車都係當上手冇換過消耗品
除非上手好有交帶
會畀到啲維修保養單你睇mark返個日期同週期

偈油7000km一次 or 半年一次
波箱油，分動箱，尾牙油80000km一次
break油就1年一次

點火coil同火咀 都要留意，唔係嘅話就會有misfire， 或者怠速打冷震， 通常換coil 火咀都連埋哇佬冚一齊換 人工會平啲 多啲留意哇佬冚邊有冇滲油

另外check水箱水check密啲，水溫到咗100度水會變氣態， 然後就會喺嗰啲鬆咗嘅簪口位以氣體形式洩漏， 所以有時未必會見到水印

理論上係密閉循環， 唔會有液體冇咗，如果一兩個星期見到水位有低就要多啲留意

上手嗰啲水撥水最好就放曬佢， 因為我自己唔入水喉水， 水撥泵管嗰啲喉好細條， 水喉水嘅礦物雜質有機會令到嗰啲喉嘅狀態變差， suggest去油站買支水撥精自己用蒸餾水開

另外 留意返水撥有冇生鏽

如果你同日本車比, 會係有啲分別, 不過慢慢會習慣

想問巴打們有關mdct嘅問題

mdct係唔係唔可以密集式咁印brake同開油
如果好似冼拿咁
點brake同點油推車去控制重心
個dct係唔係好快會收皮

玩架仔車有呢啲習慣， zf8係做到冇問題， 但係mdct唔知， 如果有巴打玩過求指教

https://youtu.be/JUVkVB3SUf4?si=XtNH02UrbuKl2Ga3

補充返先

mdct個工作原理係電腦預判你下一個行為係咩
預備定相應嘅齒輪 準備下一個波咬合

電腦嘅預判方式就係透過油門迫力 而去估你做乜嘢

所以如果咁激烈踩嘅話
mdct電腦夠唔夠聰明去處理
定係會以為我又上波又拖波
然後電腦就畀唔到相應嘅嘢出嚟
有冇巴打有dct經驗