失戀/感情/壓力問題加油援助區68

冇
但唔代表可以講大話，對嗎？
信任就係咁慢慢冇
我想死 唔係有小朋友我真係自殺死左去算

巴打不如嘗試同老婆坦誠講出嚟
唔講嘅話佢唔會知

講左，佢會答我咁大家唔好一齊
識左差唔多十年，結左婚十年
岩岩拍拖，佢係外國，我係香港
佢瞞住我同個ex一齊住，原因係唔想個ex會傷害我
後來我都去左外國，發生左好多唔愉快既事，大家決定關係重新黎過
後來結左婚，因為我做野太忙，冇時間陪佢，所以同個仆街朋友出去飲酒，特登識一個男人黎激我，因為知呢個係我死穴
算數，我由佢，我逼佢同個朋友唔好再做朋友，因為個個係損友，明知朋友結左婚仲介紹人比佢識
後來佢同我講，個個朋友佢識左好多年，唔可以冇左，所以呃住我仲會出去。同性啫，算數
結左婚咁多年，小朋友我照顧多，我搵錢照顧屋企，去左外國，屋企野我做哂，飯都係我煮埋，咩都唔駛佢做
換黎就係大話，大話，大話
一同佢講我唔開心就話唔信佢/成日黑口黑面分手
我想死我想死我想死我想死
當年我發現佢識左個新男仔private WhatsApp
我晚晚坐係度喊，飲酒，佢只係話我煩完未
但我又唔想離婚
宜家晚晚飲酒，唔飲酒訓唔到，心情會好差
懷疑自己有抑鬱
最慘係
唔可以同佢講，同佢講佢會話離婚/分開

其實都講過好多次
每次佢只會話一齊左咁多年你都唔信我
但如果你另一半呃過你好多次
你又知佢會刪信息，你點信佢
我係話佢會出軌，但成日講大話都會令人好不安

我諗到個方法 一係你試吓反常唔關心佢一排
睇吓佢會唔會主動問你咩事
你咩都做晒就會顯得你唔寶貴
搵其他事做吓 出街搵下朋友咩都好
試吓畀老婆付出更多
冇可能工又你返 仔又你湊 飯又你煮
你咩都做晒咁佢做咩？

其實佢到底仲有冇打算維持婚姻
維持到佢咁hea不如飛咗佢

佢就會話點解黑口黑面，點解咁既態度
就算我有經濟壓力，心情唔好
但我冇發脾氣，只係頹
佢都會話我點解咁既樣
做幾多唔係問題，我愛佢，我唔介意做哂
但我唔明點解我做哂所有野，我都要比佢話到地底泥咁
說話有咁難聽得咁難聽
話我成日黑口黑面，唔愛佢，做家務煮飯呢d工人都做到，唔代表d咩
我移民之後人工小好多，但佢幫小朋友報好多興趣班
我經濟有壓力，同佢講、不如唔好學呢樣，佢話會個樣好緊要，一定要學
心情唔好，個人頹，冇心機，就會話我黑口黑面
駛錢全家去旅行，嘈架個陣會話佢唔想去，佢可以唔去，只係陪我去
點解要咁，點解唔可以知冷暖小小我到底做錯咩
我宜家已經唔想出去，唔想出街唔想同人social
佢同外國d小朋友家庭聚會，我唔想去，唔想出，因為我冇心情，我好頹，我唔想同人講野，就算去到我都唔會出聲
佢會逼我去，唔去就要離婚
去到我唔出聲，又會話我黑口黑面，咁點解要逼我去
話我以前唔係咁，去到好多野講
有冇唸過我已經頹到唔想出去，唔想應酬

我想死
我都唔知係我問題定佢問題
我只係想簡簡單單生活，另一半唔好講大話呃我、體諒下我
點解都咁難

巴打 佢會屌佢愛唔愛佢
咁你有冇諗過佢其實愛唔愛你
我睇你形容佢淨係覺得佢好貪心
淨係想你單方面付出大部分
亦唔打算關心你 你未來都會係咁
你甘心咩

我唔知，我已經唔知佢唸緊咩
嘈架個陣講既說話，我唔知係唔係佢真心
就算我想同佢扑野，佢都成日話累，唔想，懶
累？咩都我做哂我未累，你累d咩？
愛唔愛咁又點，一齊左咁多年，小朋友都咁大個
就算佢唔愛我，我都唔想離婚
某程度上死局黎

你嘅問題係堅持對個唔愛你嘅人好
所以先一直喺個深淵度走唔甩

佢要持續講大話 你就放手由佢走
佢嘅行為只係幫你篩走唔啱你嘅人
人生流流長 唔好作賤自己

前前後後成二十年，點樣話走就走
由拍拖開始我已經知係我愛佢多過佢愛我
但點解我付出左咁多，我都係感覺唔到愛
如果佢愛我，點解要講大話，表面仲可以冇野
我做唔到，我唔開心就扮唔到開心
喜怒哀樂會放哂係臉度
我宜家連嬲都冇，唔敢嬲，嬲就會離婚
我只係頹，好難過，好想死，好絕望

巴打 其實作為外人睇到你咁樣都會難過
你諗吓佢係你最親嘅枕邊人都冇擔心你
你其實應該好清楚要點做

你明知死局又唔肯放棄
真心冇人可以幫到你
及早放過自己啦
揀咗就接受自己揀嘅路
仆街唔好喊唔好呻

鍾意佢唔代表要一齊
放手後你或者會發現自己開心咗

睇住你咁樣 諗返起以前嘅我
又要不停呻但又要一齊
成日喊住過日子
就係因為我當時冇好好照顧自己感受
而家冇再一齊的確開心返好多
不如你都試吓

知易行難阿巴打
如果離婚我唸我幾日後已經唔係度
而我亦肯定佢唔會難過好耐

返工壓力

佢難唔難過佢嘅事啦
你先係你世界嘅主角
咩情況下都好 你係最緊要

好多謝巴打你陪我傾左咁耐
香港時間都夜了，做咩仲唔訓？你都有野難過嗎

你個款似係俾人pua到真係覺得自己冇用
明明你有好多嘢可以做但係又怕改變
睇文字都覺得你兩個冇咗夫妻之實
你點解要執著喺呢個人？

冇呀 我只係瞓瞓下冇啦啦醒咗
跟住瞓唔返

唔使多謝 只係想同你講
你未來睇到自己就會覺得自己好傻
希望你早日明白我嘅意思

我今日晏就同佢講
話我唔係介意個男仔有冇contact你約你食飯
因為我知你冇去到，我介意既係點解要呃我
我當面問你你都話冇
佢叫我唔好再pua佢，話佢唔係十幾二十歲個陣
我愛佢，所以我唔介意就佢，付出更多
只係唔明點解付出永遠得唔到回報
仍然係小小事發脾氣，仍然係小小事講離婚
我同佢都講左好多次，點解成日要講「後悔同你係埋一齊」，「點解會同左你一齊」，「人地老公唔係咁」
點解唔可以覺得我對佢好，起碼都唔差，唔係講到咁一文不值
聽到一次，等於係我身上面割一刀
我唔係完美，我都有缺點，我脾氣唔好，但我已經冇發佢脾氣好耐好耐
我個人直，生活唔如意，唔開心，我扮唔到開心，所以會成日令佢覺得我發放負能量
如果你係我，你會開心嗎？