有冇巴打有過長期耳鳴而又好得返

我以為係中耳炎

今年4月有一晚感冒，瞓瞓吓就俾耳嗚嘈醒咗，左右耳vi vi聲(感覺係左右耳而唔係腦內發出）
之後諗住係壓力大冇理到，冇睇醫生
8月睇中醫拎咗啲沖劑飲，飲咗兩星期都冇幫助
9月睇耳鼻喉科，check聽力、耳膜正常過正常，冇照腦，醫生話冇得搞
依家買咗啲維他命B12嚟食，食咗兩星期都冇乜舒緩

個人狀況：
31歲
唔煙、社交場合先飲酒
工作、前途、感情(想脫單）都成日自己比自己壓力
家庭又有壓力(屋企人年紀大難相處)
睡眠狀況一直都差，肩頸成日都好攰(9月中已經換咗張靚啲嘅床褥)
一至五每日瞓6-7個鐘（11-12點瞓，6點起身)
六、日每日瞓8-10個鐘(11-12點瞓，9-10點起身，30歲後瞓唔到太耐)

幾同意你嘅講法，我都突然耳鳴，鳴左兩年半。我一開始都係同大家一樣好焦慮，但解決舒緩左情緒問題後，慢慢學識同佢共存，依家已經習慣左，無乜感覺。

好奇中醫開咩藥俾你

我係日間工作環境唔係好聽到，通常好攰/臨瞓好靜先聽到

呢度都有唔少巴打用各種方法overcome到，而根據外國統計，超過9成患者都可以做到，只係時間問題，唔好睇到耳鳴太灰，唔好淨係take in負面資訊，耳鳴其實比我哋想像中普遍，亦遠比我哋想像中多人能夠克服，你都會係其中一個

另外，如果訓唔著又唔想靠安眠藥，可以食普通傷風藥，會有啲睡意，又唔會有依賴性

記得就係幫助入睡、下火咁上下

耳嗚真係可以好多原因
你生腎石都會產生耳嗚

難怪冇幫助

以下長文，想睇嘅就睇。

自己同樣24/7高音頻雙耳耳嗚，無間斷VV聲步入職場發現經常難第一下聽到同事講嘅原整句子。

睇過西醫轉介去耳鼻喉。耳鼻喉排除咗腫瘤，鼻煙癌原因，亦檢查過外耳及耳膜正常。CT檢查過中耳結構上一切正常。最後診斷為內耳問題產生嘅高頻聽力喪失high frequency hearing loss . 醫生話原因大機會遺傳基因引致。醫生建議配助聽器。

仲讀緊書個陣同老母提及呢個情況，成撚柒日拎啲中醫理論出嚟講，又煲啲唔知乜鳩中藥比我飲話調理身體養腎就好得返，根本一廂情願（當然老母認知有限，佢都只係用佢識/聽返嚟嘅資訊去幫我）。中醫都睇埋，結果聽佢講攪咁耐都冇撚用解決唔到問題。成個過程由讀書到岩出嚟做嘢冇耐呢3-4年最辛苦。第一屋企冇錢直接睇私家醫生。第二，當身邊嘅同事發覺要向自己不斷重覆同一句說話自己先聽到嘅時候，同事難免會燥底甚至俾面色你睇（可以理解，始終無人會第一吓就諗對方可能有聽力困難。甚至有啲仆街啲嘅人知道自己有咁情況仲拎嚟玩鳩你），對方往往會以為自己不在狀態，冇focus佢哋講嘅嘢。但終究耐性係消耗品，當燒耗完人哋嘅耐性，得到嘅結果係他人對自己嘅不滿以及面色。會好影響自己精神建康，自己亦都變得唔係好想同人溝通。而因為聽力差呢樣野，更加會直接影響工作表現。

講咁多係希望樓主：
1. 先搵專科/或者專業人士排除急症或者危疾情況，遺傳嘅無辦法，但助聽器會有好大幫助。

2.唔好比一啲毫無意義嘅意見拖延到你解決問題。每個人遭遇嘅情況想唔一樣，難透過完全參考其他人經驗而解決問題。而且唔好亂咁食中藥或者其他supplements 去試。對個肝臟會有好大負擔，得不償失。

3. 最重要係盡快處理聽力問題，關注吓聽力下降帶嚟嘅心理影響。

我暫時未見過中醫有咩科研支持到佢哋醫到耳鳴。甚至冇可信嘅理論解釋到各種耳鳴。
處理呢個問題，我一律相信西方醫學。

試過一兩年鳴得好緊要
食左幾個月中藥後冇事

巴打都係24小時長響嗎?

我覺得係，但主要係靜既地方明顯

你真心覺得你而家嘅生活好好？

多謝你嘅長文巴打 耳鼻口同body check都做咗 係差頸椎未睇 西醫同我講冇得搞嗰陣我只能去試吓中醫了 冇計

都係高頻耳鳴聲?可以介紹吓你睇嘅中醫嗎

1x歲已經知有耳鳴
可能冇當一回事 慣曬
訓教聽吓嘢就會訓到，習慣就好巴打
利申已經就30

講嚟聽吓咩藥, 依家咩辦法都要試吓, 有得救就盡救啦

其實係咩原理？

我諗係維生素B
之前醫生都叫我食
不過我就唔太work

今年工作壓力大, 之後開始耳嗚高頻weewee聲,
過一排個人放鬆返唔諗耳嗚, 又冇咁大聲, 而家一年了.
懷疑心理問題多

最後都係靠中醫，可惜其他連登仔會當中醫係巫醫，只信西醫

我同你一模一樣

十幾年耳鳴撚 冇理佢

我又唔係好嚴重，去到安靜既地方先聽到，平時無乜影響