點解 天主教同基督教 可以同時存在

我用新教啲人個tone演繹返：
我哋就係灰色嗰條線 當年天主教多行不義擅改教義，我哋先係講返行返基督嗰套真理出嚟，噉我哋咪係基督教囉

羅馬教會 = 敵基督

其實佢地正名係
羅馬公教=天主教
希臘正教=東正教
基督新教=基督教

基督=希伯來文既彌賽亞
猶太教相信世界末日時彌賽亞會拯救佢地

呢位弟兄！你係有智慧嘅！ 神 必看顧你！但出咗教會唔好講得咁大聲得唔得

天主教既錯誤遺傳實在太多
而呢d錯誤教導，部分亦流入於基督教

呢個世界好簡單，渣槍個d人唔會俾你有好大既革命
想從全世界清洗天主教錯謬，唯有擁有全世界最多既槍同錢

另一方面，耶先生教導中，沒有強烈排除自身會堂以外異端的安排
在公元100年前，單單是執行傳道已經花光很多人的人生及力氣

因為沒有很多交通工具

你講個d質疑，大部分基督教係知道，但不一定有糾正的意圖
因為糾正基督教聯會 ／ 中華基督教聯會 ／ xxx聯會

你會面對很多問題，資源上，交流上會有麻煩
以2024年黎講，叫人識番晒公元百年既教導已經極少人

無人會付出人生去面對咁大紛爭

時至今日
還在暗地裏較量
平民百姓受苦

問得好好。我分享下我既睇法啦，我會係基督新教方面講到多D，如果關於天主教有咩講得唔準確，就麻煩熟悉既巴打絲打指正補充。

tl;dr 因為對方係人，無論信咩都係有神形象既人（創世記1:26），所以梗係互相尊重。

以下係信仰內容既討論。

（1）聖經同傳統

簡單黎講，流傳落黎既，有兩樣野，一樣係聖經，一樣係傳統。

聖經就兩邊都認為係出自神，雖然部分書卷既權威放得唔同。
而傳統就曾經帶黎左好大既爭議，16世紀既改革，都係因為D唔合聖經既傳統。

有傳統唔係唔得，但係唔可以違反聖經，正如耶穌指出左當時既猶太教領袖咁做：

馬太福音15:1-6
//1 那時，有些法利賽人和經學家從耶路撒冷來見耶穌，說：
2 “你的門徒為甚麼違背古人的傳統，吃餅前不洗手呢？”
3 耶穌回答：“你們又為甚麼為了你們的傳統而違背神的誡命呢？
4 神吩咐過：‘要孝敬父母’，又說：‘咒罵父母的人必須處死’。
5 你們卻說：‘無論誰對父母說“我本來給你的奉養，已經作了奉獻給神的禮物”，
6 他就完全不用孝敬父親了。’為了你們的傳統，你們就廢棄了神的話。//


（2）禱文

再睇下你提到既禱文。

按照天主教既傳統，聖母經係咁：

//萬福瑪利亞，你充滿聖寵，
主與你同在，你在婦女中受讚頌，
你的親子耶穌同受讚頌。
天主聖母瑪利亞，
求你現在和我們臨終時，
為我們罪人祈求天主。
亞孟。//

呢度前半亦都係引用緊聖經：

路加福音1:28，42（思高譯本）
//1:28 天使進去向她說：「萬福! 充滿恩寵者，上主與你同在!」
…
1:42 大聲呼喊說：「在女人中你是蒙祝福的，你的胎兒也是蒙祝福的。//

完整既成段係 路加福音1:26-56，咁長就唔引晒。
至於後半求瑪利亞（或者其他封為聖既人）代求，就係聖經冇講既。

耶穌教門徒祈禱果段係呢度：

馬太福音6:7-13（環球聖經譯本）
//7 你們禱告的時候，不要重複無意義的話，像教外人那樣，他們以為話多就蒙垂聽。
8 不要像他們，因為你們的父在你們求他以前，已經知道你們需要甚麼。
9 所以你們要這樣禱告：‘我們在天上的父，願你的名被尊為聖，
10 願你的王國降臨，願你的旨意成就，在地上如同在天上。
11 我們需要的食物，求你今天賜給我們；
12 寬恕我們的虧欠，如同我們也寬恕了虧欠我們的人；
13 不要讓我們陷入試探，而要救我們脫離那惡者。//

呢段係一段猶太既禱文。早係耶穌之前，猶太人已經稱神為「我們的父」（源自 出埃及記4:22），而之後既內容就同以色列人出埃及既經歷有好大關係（例如神係曠野每日比嗎哪佢地食，第六日比雙份，安息日冇，參考 出埃及記16:4-5）。

耶穌教既係以摩西五經為主既希伯來聖經（舊約聖經），佢係猶太拉比，係教導入面不斷暗示明示自己就係耶和華神，佢就係聖經。基督教既根係猶太教，好基本，但係歷世歷代都有好多人都唔記得左，包括羅馬天主教會同埋今日基督教各宗派都有咁既情況。
當離開左猶太既根，就會好容易發展出越黎越離開聖經既傳統，例如你提及既封聖。

（3）聖人/聖徒/分別為聖既人

天主教既行政結構係分一層一層，最高去到教宗，所有官方既決定都係教庭發出。
嚴格黎講，聖人受尊重但唔係好似神咁作為敬拜既對像，用既字係 venerate （not worship）。既然唔係敬拜，就唔算係偶像。不過係咪每個人都分得咁清楚，我就唔知。

聖經入面講親「聖」（翻譯：神聖/聖潔）都係「分出黎同其他唔同」，所謂「分別為聖」。

利未記19:1-2
//1 耶和華吩咐摩西說：
2 “你要吩咐以色列整個群體，對他們說：你們要聖潔，因為我耶和華你們的神是聖潔的。//

使徒保羅叫問題多多既哥林多教會既人做「分別為聖既人」（哥林多前書1:2），唔係因為佢地做得有咩特別好，而係佢地既身份就係要活出主耶穌樣式既人，周圍既人可以放縱放蕩，但係佢地要同其他人有分別先會比人見到神係點。

如果單單睇聖經既經文，馬利亞就係一個願意付出代價讓神旨意成就既人。佢後來係睇住個仔係十字架上面受盡苦辱。

路加福音1:38
//38 馬利亞說：“我是主的婢女，願這事照你的話在我身上成就！”天使就離開她去了。//

路加福音2:34-35
//34 西緬給他們祝福，對他母親馬利亞說：“要知道，這孩子蒙神選定，要叫以色列中許多人跌倒，許多人興起，又要成為遭人反對的標記，
35 使許多人心裡的想法顯露出來。你自己的生命也會被劍刺透。”//


（4）先知

聖經講既先知，唔係未卜先知，而係神既話臨到佢，佢要傳講神既訊息。神同人講野，好多時侯都係講得客氣就提醒，直接D就係警告、宣告審判（或者包埋毀滅之後既安慰），只有聽眾悔改離開邪惡先有機會唔洗被神審判。
呢個字，甚至用係講道（哥林多前書11:4），因為講道都係要傳講神既訊息。（但唔代表所有牧者都盡忠職守。其實做先知多數都係不得善終。）

（5）教義

正如上面講左，耶穌係地上面係猶太人（路加福音2:21），用猶太既語言向猶太人教導猶太既希伯來聖經（包括律法書、先知書）：

馬太福音5:17-18
//17 “不要以為我來是要廢除律法和先知；我來，不是要廢除，而是要成全。
18 我確實地告訴你們，直到天地消逝，律法的一點一畫都絕不會消逝，直到一切都發生了。//

咁強調猶太，因為猶太思維同我地習慣既希臘思維差好遠。

猶太：動態（X做Y，例如神創造、神拯救），重視效果，容納張力，為左訊息入心甚至犧牲準確度，追求行出神既律法指引。
希臘：靜態（X是Y，例如神是聖父聖子聖靈三位合一），重視客觀事實，見到矛盾就要和諧左佢，追求統一既理論，想咩都解釋到。

教義，係希臘式。其實猶太教係一直都冇教義，直至希臘化既猶太人整合出黎（Philo, c. 20 BC - 40 AD）

基督教有教義，係受左希臘思想影響。（「信左就可以咩都唔理等上天堂」呢類咁離譜既諗法最終都係咁黎。）
信得啱，當然要，但係如果有熟讀聖經，基本野黎架啦。

如果將重點只放係教義，咁就係離開緊耶穌既教導，拗餐飽都唔會做就到人。所以，我都唔深入教義既討論喇。講到尾，要既話始終可以同聖經拉上些少關係，但係解得通唔通、合唔合理，就係另一回事。解啱經係為左讓神既話係人心入面起作用。

馬可福音4:9
//9 耶穌又說：“有耳朵可聽的，就要聽！”//

「聽」，係猶太人既理解，係有效果有行動既「聽從」，好似我地會叫小朋友「聽話」咁，唔係要聲波傳去耳膜，而係要「聽完做」。

信仰既重點，正如耶穌所教，我會將重點放係同神既關係，同神互相認識（約翰福音8:19）。無論係咩傳統既教會，一樣可以認真研讀聖經，遵行神既旨意，接受神既王權，行事為人同神親近。如果只有教義但冇神同在，咁既信仰係完全冇意義。

真人真事？
如果係真就好有問題，佢地咁做太over，同聖經教導有衝突
第一吸煙好影響健康，仲會上癮
第二體罰咁大力根本傷人，已經唔好講話愛人如己
第三，背聖母經唔係背聖經，其實真係好似拜偶像

都係作故仔
有咩所謂

1.個陴煙味應該係宗教儀式的煙
無記錯佢會拎著個爐/壺係到fing，入面有煙走出嚟咁囉

2.以前的學校體罰好普遍，男仔打屎忽，女仔打手板
有次全班唔知輸咩，要連坐，每個學生出去輪流比老師打，有D好乖的女同學
被人打完即喊，因為佢地覺得好委屈，無做錯但比壞同學拖累，全班受罰

最後一句

天主教相信上咗天堂嘅人會為地上嘅人祈禱 所以我地會求聖人為我地代禱 其實上咗天堂就係聖人 聖母唔係神 我地係恭敬聖母唔係拜聖母 我地會求佢為我地轉禱好似我地都會搵其他弟兄姊妹為自己祈禱一樣

好詳細

1.聖經同傳統 呢個概念好重要
好多教會都唔提，唔會講呢個係聖經講的，呢個係聖經無講不過係傳統
搞到我兩邊MIX埋一齊

2. 馬太福音係新約定舊約?
如果歸入新約我無野問
如果歸入舊約我有野問

咁耶穌教門徒祈禱果段 係舊約係咪已經過去式?
我哋喺新約之後出世，咁段祈禱重啱唔啱用

3.
睇落 利未記19:1-2
你們要聖潔
再睇番利未記18
係叫人唔好犯罪 同 對待罪對待犯罪的behaviour同神睇齊
所以 哥林多前書1:2 ok
路加福音1:38，理解的
路加福音2:34-35，無問題

如果單單睇聖經既經文，馬利亞就係一個願意付出代價讓神旨意成就既人。佢後來係睇住個仔係十字架上面受盡苦辱。

去到呢到都無礙問，原來有聖人/聖徒/分別為聖既人，有屬聖呢個概念
咁點解天主教要向聖母祈禱，即係佢守神的道，我尊敬佢，咁佢就係聖人/聖徒/分別為聖既人。
同我向佢祈禱係兩回事嚟，我記得當時天主教學校教我地學生向天父祈又得，向聖母祈又得

點解天主教特別放大聖母，
聖經入面應該重有好多 聖人/聖徒/分別為聖既人

天主教堂一定有聖母像，又唔見佢一視同人，每個聖人都放個像

我一入去基督教學校，其中一條成日講的就係
約翰福音14:6 耶 穌 說 、 我 就 是 道 路 、 真 理 、 生 命 ． 若 不 藉 著 我 、 沒 有 人 能 到 父 那 裡 去 。
所以我就覺得同聖母祈禱好奇怪

venerate （not worship）。既然唔係敬拜，就唔算係偶像。
咁 敬拜 即係咩
首先我分唔清，因為我問的人都講唔清
我要知 敬拜 的定義先知有咩唔可以對聖母做架WO

4 先知
先知唔係未仆先知，呢個明，打字手速太慢跟唔上個腦

我想講係
被通知，知道部份未來或神已經決定的事
先知唔係超能力，比較接近一個職位或職能

5.我講的教義，意思係聖經神對人、耶穌對人的教導、規條
咩可以做，咩唔可以做
咩野啱，咩野唔啱

所以當天主教 聖母經禱文自己加咗D野
點解信基督的人重可以同信天主教的人，咁友好
我對基督教的理解係，基督教的神唔能夠容許
不正則歪，我接受唔到放一個人係身邊有可能影響自己信仰的人
或走入去一個咁樣的圈子，放自己於危險之中，真係好奇怪

而呢個概念咁重要，對方的信仰多咗D野，
亦點解一踏入基督教的教堂
完全無人提過

天主教歷史耐d, 多年來慢慢發展出好多聖經以外嘅傳統，如果跟聖經，馬利亞同一眾聖人係冇任何神性。將馬利亞捧上神枱某程度係模仿異教女神崇拜，畀信眾有個慈愛嘅女神拜下，唔使下下得個咁陽剛/男性化嘅主神。當教廷腐化到要賣贖罪券籌旗，馬丁路德就出黎一次過反對晒哩d人為傳統，主張信聖經係唯一啟示。

當時馬係被主流天主教視為異端，而佢亦唔當天主教係神嘅教會，天主教亦冇辦法物理上消滅佢，最後兩者就變成分道揚鑣老死不相往來，邊邊有真理等最後由神定奪。所以你嘅質疑係啱講白d新教就係視對方係拜偶像

近年潮流興包容多元，基督宗教同佛、道都可以有計傾，更何況歷史上追到同一源頭嘅兩兄弟。以前血腥殘忍嘅歷史咪放埋一邊，提起都唔開胃啦咩係真理，邊個要悔改，你普通信徒care, 啲大粒嘢唔care啊

首先，三位一體係天主教理論

其他唔使睇

500年前嘅事
打又打餐飽啦
咪講和囉

天主教係梵蒂岡第二屆大公會議
都有請新教人仕列席啦
接受新教嘅說法都有可能係得救之路
不過都係天主教最好 地上最完備 最蒙福嘅教會
新教方面
福音派 三個唯獨 唯獨聖經 係唔會接受有教宗權威嘅
我都係聽網上嘅解釋
利申:覺得兩邊分左五百年 好多野反而似左
好似新教嘅因信稱義咁 都無話點再嘈啦

本身對宗教無乜感覺
不過當我聽到一句, 話只要你臨死前信主, 就會得到寬恕上天堂
咁就覺得有D問題
其實同72處女差唔多

唔係同一樣野黎咩
長知識

無呢樣野嫁
馬太福音 7:21
"凡稱呼我主阿主阿的人、不能都進天國．惟獨遵行我天父旨意的人、纔能進去。"

但新教都係口和心不和噉啦
時至今日，新教徒意識形態上都係排斥天主教
傳道人唔會出口批評，但平信徒講親天主教都會有少少不屑
佢哋嘅最終願望就係全人類都信新教，天主教就算同自己差少少都要排斥

天主教嗰邊點睇新教就唔清楚，可能唔𨶙care
天主教人口多過新教，新教只係亞視 二奶台當然要追住大台嚟咬