《小丑2》嘅導演編劇至係最唔在乎Arthur嘅人！ (講晒劇情)

先講結論，小丑2係以修改第1集設定，人物，甚至扭曲第1集人物嘅方式製作。

第1集嘅Arthur由殺老母果陣開始，已經唔係一時衝動，係深思熟慮嘅無悔，無疚決定。
Arthur係真心醒悟要點做，又或者要殺咩人。



而第2集借檢察官哈維口強行話Arthur低智，亦係錯誤地扭曲第1集人設。
Arthur就算唔係超級天才，都絕對有足夠智力，甚至有略高於正常人智力嘅表現。
例如，第1集醫院果場，Arthur三言兩語就拋番問佢話果兩名警察，大番佢地轉頭。

而第2集導演編劇最可恥係夾硬寫乜鬼雙重人格。

睇第1集，冇人會認為Arthur有雙重人格，佢可能有幻覺，但意識，理智由始至終都係統一。

Arthur係由普通被壓迫者，到轉變為要以自己方法葬送佢憎恨對象嘅殺手。
第1集由殺母，殺肥佬同事，殺羅拔已經明確講左Arthur就係有執行能力，決心嘅殺人者。而佢認為係要咁做。

而當佢見到外面世界大亂果陣，佢清楚而理智咁講，自己明白一切，而佢覺得咁係美麗。

佢喺第1集尾，已經完成蛻變。

你可以唔認同Arthur嘅新價值觀，但唔係夾硬修改左Arthur嘅角色人設去寫第2集。

同意

因為坐監既時候已經悔改左。

完全錯

係人設崩潰

如果佢嘅價值觀又改變，變做傳統殺人要死，咁佢起碼要喺全國廣播果陣踢爆 Jackie殺囚犯。

咁至少係普通人會做嘅事。

仲有，有人話導演係想講d人唔關心Arthur係完全離譜，睇第一集都知
Arthur唔係用Joker呢個名嚟征服觀眾，佢係用Arthur呈現嘅殺性同叛逆征服觀眾。

就好似Tony 第一集最尾著住西裝叫自己iron man一樣，唔駛甲，一樣係Iron man.

Tony又好，Ironman又好，冇衝突。

導演喺第2集夾硬寫Arthur話冇Joker係錯。

導演好想喺小丑2誤導人，誤導觀眾，將Arthur同小丑割裂開，佢以完全無視第一集嘅方式，否定Arthur.嘅個人能力同殺性。

但事實係Arthur就算唔用小丑呢個名，
Arthur仍然係一個有自己信念，殺性，以及殺人能力嘅人。
強行否定小丑，等於否定真正嘅Arthur。

咩夾硬寫乜雙重人格
你講得岩 arthur由頭到尾都冇雙重人格
係想幫佢打甩死刑個辯護律師 話佢有（而佢確切相信佢真係有）

根本成套戲大部分角色 都不斷係度套arthur帽子
個律師問arthur 「你有冇見到白光？我可唔可以同joker傾吓？」其實arthur係完全唔知佢講乜 亦冇興趣知，
明顯個作者又ref緊嘢，24個比利/學術性地挪用 解離性人格 嚟寫，

所以檢察官搵個個 精神科醫生作供 咪講返事實，arthur只係有「常見」嘅精神病病徵，只係 抑鬱乜乜乜

arthur由第一集去到第二集個人設係冇變過 只係角色內心轉變
個導演係講得清楚的，因為arthur最後放棄 都係法庭上當住所有人講「從頭到尾都冇joker 只有arthur」
所以就係唔存在雙重人格

當然導演清楚 唔代表觀眾要buy
但你呢個point我睇套戲就唔會咁理解 同埋亦覺得作者冇表達錯誤/含糊

你可以重睇1，2樓

第一集Arthur已經表現左冷靜殺人嘅決心，殺老母又好，殺同事，殺羅拔都係計劃。

Arthur,亦表現左智慧，仲有佢新嘅價值觀。
係導演喺第二集夾硬破壞第一集人設。
就好似有人續寫龍珠，但夾硬寫悟空唔鍾意同高手戰鬥咁。

殺性，有執行能力，要毀滅就係Arthur
呢個係第一集嘅設定。

第二集拍成超級meta作品好難三言兩語講晒

第一集可以話佢精神病發作本我超我打交超常發揮

joker 2個轉變係Arthur有食藥

gaga 叫佢唔好食藥下一個cut即刻同你講佢冇停藥

法庭Arthur筆記簿畫joker已經同觀眾講今集由頭到尾都係Arthur 試圖扮番joker（去到侏儒面前已經氣急敗壞扮唔到落去

成套joker2結果最為Arthur利益著想嘅得律師一個
叫佢扮好無辜嘅Arthur博無罪


Arthur 唔係joker
gaga 都唔係漫畫嘅Harley Quinn，而係一個looking for trouble 想食fuck boy嘅典型white bitch

我都唔係太認同你1，2樓個個觀點

我認同你講 arthur並唔係一個低智嘅人，btw我亦唔覺得作者想係2度話佢係智力有問題，成套戲我都睇唔出邊part有想表達呢樣嘢

但雖然佢智力冇問題 但佢精神有問題佢本身係有精神病的
你話佢殺人唔係一時衝動 係冷靜 呢個我不能認同
或者我試吓咁講 呢套戲其實好現實主義咁去諗 唔存在漫畫式個種硬人設

就講返佢殺murray個場戲 佢真係冷靜咩?
無論係1成個劇情發展 同 演員表達上 仲要人設上佢本身已經精神失常
所以我唔覺佢冷靜 係好多嘢累積令佢崩潰咗 從而殺人 佢只係發現殺人令佢覺得對自己公道咗 冇咁可憐

我唔知佢有冇後悔殺人，但當法庭上個侏儒同佢講覺得佢係唯一對佢好嘅人 arthur係有忍住喊的

其實係 所以幫套戲「護航」都有啲難度
我其實都唔係話覺得好好睇 但真係唔係咁差
好巧合地幾理解個作者點解咁寫同拍

btw 食藥呢個係劇情上我又唔係好care/覺得重要
因為一直以來對精神病嘅認知 都係食藥係廢的
無論study定身邊有frd 有病 都係話食藥係無用

殺羅拔係即興，本身佢係想個show 到自殺。事前已經plan 咗點走場，之後一槍殺爆自己個頭，但因為係個show 羅拔講咗句嘢先改變唔自殺，殺羅拔。

殺Thomas Wayne 3個員工係被人打先殺，但殺完係廁所跳開心舞，就開始變Joker。之後開始殺累佢被人炒肥佬同事，呃咗佢成世嘅阿媽。

雙重人格係Joker 2個律師想幫佢打甩先咁講，咩see the bright light都係個律師比佢講。係最尾辯護嗰時都講咗佢係無雙重人格。

btw 其實Joker 1 & 2 都係攞Dc 同Joker個殼嚟講白卡佬，漫畫入面啲joker 無個叫Arthur Fleck。

佢好執著自已認為搵到漏洞（其餘立論嘅前設）

開波幾分鐘動畫已經講晒

個shadow有人當左係joker人格
其實只係本我超我脫離左自我（現實Arthur）
呢個joker等如無superpower亦唔係天才嘅homelander
「they loves me— Peter Parker 」

之後對獄卒沙塵自以為充權woke左

然後畀獄卒一鳩打回原形

我冇講咩漏洞

而係直接講第二集係無視第一集，扭曲第1集角色製造出嚟。

我嘅重點係

第一集建構嘅Arthur,就係有能力殺人有意願殺人嘅執行者。
唔駛Joker呢個名，
Arthur就係有呢種能力，意願以及意志。

食藥我理解係joker同Arthur中間唔明顯嘅anchor
有啲人就話食左血清素好有用（醫學野唔深入）

同意兩集都係現實主義犯罪/精神thrill

好多人話Batman superpower 係錢
但係Batman做親主角嘅戲拳頭交雙方個抗打能力都唔係正常人水平

前半好多第二身鏡頭講旁人(律師gaga獄卒點睇Arthur
導演好古惑咁攞現實存在嘅原形加埋小丑fans塞入去做陳列品

連最尾個下都係都係 （你自食其果啦）

導演畀人屌完全唔同情（但唔係小丑可能冇人討論

大家理解唔同啫但第一集同第二集個arthur真係冇唔同到

例如我理解殺murray場戲 其實我覺得佢腦裡面最大嘅想法根本唔係要殺murray 佢只係想去表演 去企喺佢一直夢寐以求嘅spotlight
因為佢1都幾著重講 佢嘅夢想就係做一個comedian 帶歡樂俾人 而murray就係佢嘅偶像

而個過程只係murray 不斷講一啲好mean嘅真話
令到arthur越聽越谷氣 直至爆發 去到爆佢頭

而2點解arthur點解炒咗個幫佢嘅律師 都係因為佢辯護過程一直講arthur好唔想聽到嘅真話 又係忍唔住就炒佢

另外 殺死偶像呢個劇情喺1，2都係不斷重複

happy boy 個超我加埋attention seeker要spotlight個本我加埋破滅扭曲先變成joker（但都係Arthur

結尾佢又成為左令fans失望嘅星野joker

第二集是同人作

arthur有冇精神其實都好明顯
第一集佢不斷幻想，虛構鄰居愛上佢，到知道原來細個自己俾人打得咁慘，但佢居然要由報紙報告上先知，有可能佢細個果時已經俾人打到精神錯亂，有D失憶失智而不自知

精神失常同腦分泌有關，精神病食藥就係控制腦分泌，令分泌唔好過多或者過少，停藥就會出現返幻覺（可以參考下 幻愛）

獄卒話arthur係到2年，到佢遇上lee 就令佢想停藥，從而令佢本來控制緊的精神病再次復發

或者再直接講

第2集係近乎放棄第1集嘅基礎

試諗吓，一個主動殺左6個人嘅人，諗法真係同普通人一樣？

開左殺意MODE架喇

導演只係將時間浪費喺冇效果嘅歌同舞

導演私心太明顯，只係想拍LADY GAGA

呢個亦係另一個指出導演最唔尊重Arthur,最唔在乎Arthur嘅原因。

導演宣傳觀眾想睇Joker,係掩飾佢想借呢套戲拍Gaga，無視Arthur呢點。
仆街到。

覺得差過同人

同意。去到joker 1尾聲，Arthur 嘅 worldview 係已經接受咗從暴力同混亂去拎到自己嘅價值，反抗呢個社會。

啲跳舞唱歌其實上集都有好多
只係唔係今集嘅歌劇形式

今集啲歌劇幻想其實表達出Arthur 係戀愛腦，好想被人愛，亦好難得有人鍾意佢，但幾場戲都係Joker look 唔係Arthur Look。

上集係Arthur 變joker，今集係Joker 變Arthur