《小丑2》嘅導演編劇至係最唔在乎Arthur嘅人！ (講晒劇情)

1樓同意
2樓唔同意

由頭到尾Arthur都清楚自己無癲
Arthur / Joker都係佢

反而覺得導演純粹想用第2集推翻第1集
唔想大家投入Joker反社會個concept所以先會咁設定第2集

但極度眼高手低
第一 歌舞劇個方式係差 雖然做出黎幾反映到Arthur個心理好跳脫 但不停唱歌令件事好撚out of picture 睇睇下只會有種「做乜鳩？」既感覺

第二 上集都有既問題今集仲嚴重左
上集最後個殺Murray前怒屌發洩再開槍 一個引爆位好靚 但其實靠講晒所有野出黎收尾 唔係一個「好既手法」去完結
但上集因為有Murray個節目由頭鋪排到尾 又有開槍打死murray呢件事作結 所以引爆得流暢舒服

今集法庭戲 Arthur突然間大轍大悟認罪講埋自己殺老母
所有野無鋪排 中間一直講佢同Lee既「幻想」 突然間佢大轍大悟odd到仆街

最後佢比人插死 雖然有鋪排 但又係多餘 你寫佢上電椅仲好
完全係導演想「撥亂反正」（完結第一集個反社會崇拜)
而拍出黎既打飛機作品
我睇完出返黎個一下已經將兩套戲分離左 你話佢唔係同一個角色我都信

但我都係唔明你想表達啲乜

我唔覺得佢諗法同普通人一樣
arthur從來都唔係一個普通人 佢未殺人前都唔係

咩叫殺意mode？佢殺咗6個人就會不斷殺人？
首先第一集個timeline 其實佢殺6個人嘅period係好短 佢殺每個人都有一個好明確嘅trigger point

個殺意mode係點理解出嚟？
殺人就唔係請客食飯

另外你話導演最唔尊重arthur 最唔在乎arthur
呢個我會咁答你 其實導演就係好想你哋認清返
arthur係一個殺咗6個人嘅殺人犯 係佢眼中arthur雖然係慘 但其實係佢自己脆弱 面對唔到呢個世界嘅殘酷
（咁當然佢本身就係精神有缺陷嘅人 好多情緒唔可以用常人標準去批判）但佢終究係殺人犯

根本第二集由一開始佢就係一個已死嘅人 要接受返佢殺咗人嘅後果

個joke反而係 一個由故事開端已死嘅主角 佢成個故事面對就係不同人係佢身上扣不同帽子 佢甚至嘗試去戴得靚

會唔會有可能， 佢小丑人格係出自極度唔開心。極度需要自我保護既時候， 今集都係庭到比人數臭，就變左小丑人格。 平時一安全，就會變番廢柴。

邊有殺意mode 殺得6個人
佢冇係Gotham City 殺咗一堆nobody
全部唔係欺壓佢，就呃佢

我一直唔明點解個個當佢係The Dark Knight 嘅Joker咁睇

冇人當佢希夫列達

同埋短短一個月殺6個人原來係太少

少到同冇殺冇分別？

殺意mode

判斷左要殺

就殺

不停強調全部都係Arthur由自由意志殺人話其他人解讀錯先係扭曲緊第一套設定

由頭到尾都話有精神病白咭要食藥

點樣自由意志

由內分泌講嘅話獄卒其實話一個女人搞得掂你

藥物控制病情而戀愛代替左藥，gaga 不停pua控制左Arthur

兩集對稱

上集反抗system 但係反抗唔到system要拍joker 2
結果畀個system 出身成功人士gaga收服
票房不如預期轉頭又拋棄

多重meta 變成boardway喜劇之王

能力上TDK joker係一個掌控局面嘅director
plan 好要sending a message

J1 最多係一個反應快嘅psyco
好多位都係base on reaction爆發嘅人

Agger 直頭無睇第一集入場 都完全對第二集無影響
直頭好似搵啲理由騎劫左成個上集ending咁

認同巴打所講
第一集未被拉果陣佢覺得自己天下無敵，可以為所欲為咪可以癲得起
第二集一開始已經係監獄令佢認清現實，自己只係一個皮包骨既廢老

律師係專業想幫佢甩身，但不斷提起佢既童年陰影無疑係二次傷害，arthur既脆弱心靈無辦法再承受到依種當眾羞辱，佢需要愛，需要承認欲求，只有再次化身joker武裝自己先可以佢想要既野

但係佢手上無槍無子彈，把口得戚，過足口癮，對佢處境係百害而無一利，周圍叫囂既小丑FANS亦只係花生友、勝利球迷、鍵盤戰士，得把口支持，如果係有料一早劫獄救左joker

而返到監獄被落左妝佢就只係變返個廢老，再次被獄警羞辱，獄友被殺而無能為力，再次令佢認清現實，佢成為唔到理想中既joker，係壓死「joker」既最後一根稻草，所以後面先有「依度冇joker」依一幕，睇到依度已經明白，arthur早已殘破不堪既心靈正式完全粉碎，只有死亡先係佢唯一救贖

整體黎講，好睇談不上，但係好deep，全套都focus講arthur既心靈創傷、軟弱無力，抱住睇爽片既人會失望而回都好正常

錯晒

一開始就講左，今集嘅脆弱係導演編劇扭曲，粉碎上集人設，夾硬構成。

喺法庭全國直播踢爆肉卒殺人已經係可以完美秒殺肉卒。

你可以重睇第1集

就會明白否定Arthur嘅殺人價值觀，就等於否定Arthur.

最後果幕應該就係想表達咁
arthur可以死，但joker既精神唔可以比法律道德所制裁，所以要係被權力殺死之前令佢死於非命，先可以令joker既精神遺留世間

最後一埸歌劇都係講希望有人可以繼承自己，arthur唔係唔想反抗，唔係唔想成為joker，但現實佢就係一個軟弱無力既廢老，唔係有刀有子彈搞偷襲佢根本手無搏雞之力
而拮死佢個真痴線佬就係比「joker」更優勝既存在，有資格成為新既joker既精神形象
甚至個炸彈可能都係想炸死佢多過想救佢

一開始就講左，今集嘅脆弱係導演編劇扭曲，粉碎上集人設，夾硬構成。

喺法庭全國直播踢爆肉卒殺人已經係可以完美秒殺肉卒。

Arthur本身就揸住毀滅制度個掣，只係導演編劇夾硬扭角色，唔俾佢㩒。

暫時撇除導演要奶gaga嘅私心唔講

今集導演要扭曲同毀滅上集Arthur人設嘅原因，亦好有可能係導演極度唔想人崇拜Arthur嘅殺人意志掛，喺戲外呢種道德觀係一回事。

但唔理第一集已經完滿嘅人物成長，夾硬扭曲人設就令成第2集極度醜陋，同顯得導演更加唔在乎Arthur。

到而家仲聽到有種講法話Arthur只係毒撚

呢種講法係完全侮辱左，無視左Arthur由殺老母開始嘅自由殺人意志。

但之後被人拉咗其實好易比人打沉變番死狗
佢只係一個無super power既普通人

其實所謂「普通人」係咪可以做到冷靜咁用枕頭焗死老母?
然後再殺同事，
之後再當眾揀殺埋羅拔?

然後喺睇到大混亂後，真心覺得美麗同快樂?

等於有啲示威既人開頭好情緒高漲,一比人拉咗就會變死狗一樣
入咗去監倉仲點惡得起

請問香港有邊個示威者殺過人?

你意思係未如果殺咗人嗰個係你,你就算比人拉咗你都唔會變死狗
依然鬥志頑強,咁你勁law,Arthur就唔得啦
入到去比人點玩都得啦,幾時輪到你惡
你覺得殺咗人之後條友意志就會變金剛不壞之身,唔會比人打謝

因為佢由細俾人打呀
俾人打，暴力對待係常規
如果會接受而變死狗，上集就唔會開槍殺人，枕頭焗阿媽，刀仔喪插肥佬啦。
唔係我勁，而係上集嘅人設已經寫左Arthu變左。

所以至話導演編劇今集係扭曲上集人設，夾硬寫。

開槍殺人，枕頭焗阿媽，刀仔喪插肥佬
就會意志變金剛不壞身,入咗監倉都唔會磨到謝
仲keep住圑火
永不退轉

唔係火
而係明白殺，暴力至可以解決問題
肉卒暴力唔會改變任何野，因為暴力回應已經喺上集成為Arthur嘅價值觀。

即係等於一個人相信法律，然後就一直處理法律事項咁樣。例如律師，法官由於成日面對法律，所以就會唔信法律?唔識再用法律回應?