基督教連登堂2024年10月6日主日崇拜：將身體獻上當作死祭（六）

†

歡迎各位巴打、絲打，黎到今個星期既崇拜！

基督教連登堂2024年10月6日主日崇拜
經文：利未記1:10-13
講題：將身體獻上當作死祭（六）
同工：Yellow, Laila, Isaac, Nine

多謝酒巴建議，之後會搵機會講下同「永火」有關既題目。
暫時會繼續一齊睇利未記入面既燔祭。

開始之前，我地去撒馬利亞睇下。

撒馬利亞Samaria 有D咩？
有耶穌比喻既好人，有係今日唔少機構既名入面，有猶太人睇做唔血統同宗教都唔純正既撒馬利亞人Samaritan，有撒馬利亞五經，有基利心山Mount (Mt) Gerizim，有每年一次既逾越節慶典，有獻羊既燔祭。


Image courtesy of www.HolyLandPhotos.org

https://www.youtube.com/watch?v=Acs8JhV5jFk

黎巴主日平安

好欣賞你咁堅持

（一）祈禱

奉父、子、聖靈既名，我地開始今個星期既崇拜。

讓我地低頭祈禱。

天父，我哋依家好擔心世界各地嘅紛爭，尤其係以色列同烏克蘭嘅戰爭。睇到咁多傷痛同破壞，真係好心噏。求祢賜俾佢哋平安，停止呢啲無謂嘅爭鬥，俾所有受影響嘅人得到安慰同希望，等佢哋可以重建家園，重新生活。

另外，台灣最近嘅風災都好嚴重，好多地方水浸、山泥崩塌，搞到好多人無家可歸。求祢保佑所有災民，俾佢哋有足夠嘅物資同支援，可以渡過呢個難關。亦都求祢保守所有救災人員平安，俾佢哋順利完成救援工作。

我哋知道祢係愛嘅上帝，祢一定會睇顧祢嘅子民。求祢垂聽我哋嘅禱告，奉主耶穌基督嘅名求。阿們。


（二）讀經

請起立聆聽神既話語。

利未記1:10-13
//10 “人若是以羊作燔祭供物，用綿羊或山羊，他就要獻一隻完好的公羊。
11 他要在祭壇北面，在耶和華面前宰殺這隻羊。亞倫的子孫，就是那些祭司，要把羊血潑在祭壇四壁上。
12 獻祭者要把燔祭牲切成一塊塊，祭司要把這些，連同頭和硬脂肪，排列在祭壇燃燒著的柴上。
13 至於內臟和腿，獻祭者要用水洗淨；祭司要把祭牲全部獻上，在祭壇上焚化為煙，作為燔祭，這是耶和華喜悅的馨香禮物。//

阿們。感謝主。
請坐。

以巴平安，今日搭完飛機又夜又攰，仲有屋企野等住做，多謝你既鼓勵

（三）訊息

我地今日睇獻羊為燔祭。

主耶穌係神既羔羊（約翰福音1:29），佢將自己一次獻上，擔當好多人既罪（希伯來書9:28），我知。今日唔係講呢樣。
照住黎講一句咁既野好容易，咁究竟獻祭係一回點樣既事先？有咩效用？有咩要做？有咩要諗？聖經講既（可好惜要同教會入面既人講既分開黎講），係有根基有內容，唔係留於表面背口號。

神既說話好寶貴好甘甜，我地一齊細心睇。

（１）省略

最容易留意到既，就係呢一段好短，比起上次講既獻牛為燔祭短好多。試下一次過放晒出黎比較下，填埋顏色：

利未記1:1-9
//1 耶和華就呼喚摩西，從會幕裡吩咐他說：
2 “你要吩咐以色列人，對他們說：如果你們當中有人以家畜為供物獻給耶和華，你們就要以牛或羊獻為供物。

3 人若是以牛作燔祭供物，他就要獻一頭完好的公牛，獻在會幕門口，好在耶和華面前蒙悅納。
4 他要把手按在燔祭牲的頭上，祭牲就蒙悅納，可以為他贖罪。
5 他要在耶和華面前宰殺這頭公牛。亞倫的子孫，就是那些祭司，要獻上這血，把血潑在會幕門口那個祭壇的四壁上。
6 獻祭者要剝去燔祭牲的皮，把燔祭牲切成一塊塊。
7 亞倫祭司的子孫要在祭壇上添火，把柴排列在火炭上；
8 亞倫的子孫，就是那些祭司，要把肉塊連同頭和硬脂肪，［都］排列在祭壇燃燒著的柴上。
9 至於內臟和腿，獻祭者要用水洗淨。祭司要把祭牲全部放在祭壇上焚化為煙，作為燔祭，［這］是耶和華喜悅的馨香禮物。//

利未記1:10-13
//10 “人若是以羊作燔祭供物，用綿羊或山羊，他就要獻一隻完好的公羊。
11 他要在祭壇北面，在耶和華面前宰殺這隻羊。亞倫的子孫，就是那些祭司，要把羊血潑在祭壇四壁上。
12 獻祭者要把燔祭牲切成一塊塊，祭司要把這些，連同頭和硬脂肪，排列在祭壇燃燒著的柴上。
13 至於內臟和腿，獻祭者要用水洗淨；祭司要把祭牲全部獻上，在祭壇上焚化為煙，作為燔祭，這是耶和華喜悅的馨香禮物。//

重複既部分填晒紅色，淨返既係有出入既地方。當然1:10-13 獻羊呢段就比起1:3-9 獻牛果段短好多。獻祭者按手係頭、蒙悅納、贖罪、剝皮，同埋祭司添火、排炭，羊呢段冇再重複。

咁洗唔洗按手？神悅唔悅納？之類既問題，照計係都係一樣，我地知道係省略而唔係唔洗做，因為1:7肯定係省略左，否則1:12個火唔會無啦啦出現。

但係聖經冇需要「慳稿費」，我地都係其他地方見到非常大篇幅既重複，例如：出埃及記25-31 章、出埃及記35-39章 接近一模一樣。咁當然，呢兩大段擺明夾住中間既包金牛像事件同後續，民數記7:12-88 冇夾住野一樣接近重複13次（12支派各一次，再講總數）。

會唔會經文想我地將個重點放係冇重複既位？的確，獻羊為燔祭呢段，仲有幾樣新既資料。
如果獻牛為燔祭係要特別記起包金牛像事件，仲特別講贖罪，咁獻羊為燔祭，又會令人記起邊一件以色列人熟悉既事件？

歡迎大家討論。（待續）

神之所以係神，因為佢可以做到人做唔到嘅嘢

歡迎神巴
你咁講又唔係錯，不過睇落聖經就唔係向呢個方向描述。

頭文字D嚟

冇睇唔識野，原來係咁。

又咁諗，一個奧運冠軍都係做到冇任何其他人做到既野。

阿伯蘭獻子？

都有關係，雖然我唔係諗緊呢個位。
個羊既品種都值得講下，多謝提出

問號既原因係

（２）品種

上次既比較，改返少少令到再更加符合原文先：

利未記1:3-9
3 人若是以牛作燔祭供物，他就要獻一頭完好的公牛，獻在會幕門口，好在耶和華面前蒙悅納。
4 他要把手按在燔祭牲的頭上，祭牲就蒙悅納，可以為他贖罪。
5 他要在耶和華面前宰殺這頭公牛。亞倫的子孫，就是那些祭司，要獻上這血，把血潑在會幕門口那個祭壇的四壁上。
6 獻祭者要剝去燔祭牲的皮，把燔祭牲切成一塊塊。
7 亞倫祭司的子孫要在祭壇上添火，把柴排列在火炭上；
8 亞倫的子孫，就是那些祭司，要把肉塊連同頭和硬脂肪，［都］排列在祭壇燃燒著的柴上。
9 至於［他的］內臟和［他的］腿，獻祭者要用水洗淨。祭司要把祭牲全部［放］在祭壇上焚化為煙，作為燔祭，［這］是耶和華喜悅的馨香禮物。//

利未記1:10-13
//10 “人若是以羊作燔祭供物，用綿羊或山羊，他就要獻一隻完好的公羊。
11 他要在祭壇北面，在耶和華面前宰殺這隻羊。亞倫的子孫，就是那些祭司，要把羊血潑在祭壇四壁上。
12 獻祭者要把燔祭牲切成一塊塊，祭司要把這些，連同頭和硬脂肪，排列在祭壇燃燒著的柴上。
13 至於內臟和腿，獻祭者要用水洗淨；祭司要把祭牲全部獻上，在祭壇上焚化為煙，作為燔祭，這是耶和華喜悅的馨香禮物。//

比較返兩段，除左「牛」變左「羊」之外，呢度提及兩個羊既品種：綿羊或山羊。

所以問題就出現喇：點解牛又唔分品種呢？


咁我地就睇下羊既品種：

綿羊 sheep （כשב kesev）


山羊 goat （עז 'ez）


公綿羊 ram (adult male sheep) （איל ayil），留意佢對角


睇返經文，呢D羊的確係之前出現過。

以撒被綁果時，亞伯拉罕見到「公綿羊」：

創世記22:13
//13 亞伯拉罕舉目觀看，看見有一隻公綿羊（איל ayil），兩角纏在灌木叢裡。亞伯拉罕就過去把那隻公綿羊牽來，獻為燔祭，代替兒子。//

逾越節既羊羔，可以揀「綿羊」或者「山羊」：

出埃及記12:5
//5 你們選取的羔羊必須是完好的一歲公羊，綿羊（כבש keves）或山羊 （עז 'ez）皆可。//

比較返今次睇既

利未記1:10
//10 “人若是以羊作燔祭供物，用綿羊（כשב kesev）或[red]山羊 （עז 'ez），他就要獻一隻完好的公羊。//

就發現到可以同出埃及記12章果段經文一齊睇。
咁呢兩種羊有咩特別呢？都係睇返希伯來字根：

綿羊（כבש keves / כשב kesev）同 כבש kavash 奴役好似。（兩個字母掉位唔算好罕見，例如「外套」 שמלה simlah -> שלמה salmah）

山羊（עז 'ez）同 עז 'az 力量好似。其實呢個字係陰性feminine ，專指「母山羊」，但係因為1:10後半節講到明係「公羊」，所以就譯左做「山羊」。又其實，係有一個字係專指「公山羊」（צפיר tsaphir），但係經文偏偏唔用。咁即係好想提起「力量」。

奴役，力量。
呢個咪正正就係 出埃及記 既故事囉，以色列民係埃及被奴役，上主用大能救佢地出黎，等佢地做上主既奴僕。
如果咁睇係啱，應該會係 利未記1:10-13 搵到更加多既支持。

（待續）

（3）北面

利未記1:5-9
//5 他要在耶和華面前宰殺這頭公牛。亞倫的子孫，就是那些祭司，要獻上這血，把血潑在會幕門口那個祭壇的四壁上。
6 獻祭者要剝去燔祭牲的皮，把燔祭牲切成一塊塊。
7 亞倫祭司的子孫要在祭壇上添火，把柴排列在火炭上；
8 亞倫的子孫，就是那些祭司，要把肉塊連同頭和硬脂肪，［都］排列在祭壇燃燒著的柴上。
9 至於［他的］內臟和［他的］腿，獻祭者要用水洗淨。祭司要把祭牲全部［放］在祭壇上焚化為煙，作為燔祭，［這］是耶和華喜悅的馨香禮物。//

利未記1:11-13
//11 他要在祭壇北面，在耶和華面前宰殺這隻羊。亞倫的子孫，就是那些祭司，要把羊血潑在祭壇四壁上。
12 獻祭者要把燔祭牲切成一塊塊，祭司要把這些，連同頭和硬脂肪，排列在祭壇燃燒著的柴上。
13 至於內臟和腿，獻祭者要用水洗淨；祭司要把祭牲全部獻上，在祭壇上焚化為煙，作為燔祭，這是耶和華喜悅的馨香禮物。//

獻羊為燔祭既經文入面，指明宰殺既地方係祭壇北面。

點解東南西面都唔得？

答呢條問題之前，重溫下燔祭壇同會幕係向咩方向：

上主吩咐摩西既係：

出埃及記40:6
//6 把燔祭壇放在會幕門前。//

摩西當然就照做啦（出埃及記40:16）：

出埃及記40:29
//29 燔祭壇，他放在會幕門口，然後在上面獻上燔祭和素祭，照耶和華吩咐摩西的那樣。//

咁會幕門口又係向邊一面呢？

出埃及記38:9-18
//9 他又造了聖幕的院子。朝南的一面有院子的幕牆，是用搓成的細麻線造的，共一百肘。
10 幕牆的柱子二十根，銅柱座二十個。柱子上的鈎子和箍都是銀的。
11 北面的幕牆共一百肘，幕牆的柱子二十根，銅柱座二十個，柱子上的鈎子和箍都是銀的。
12 西面的幕牆共五十肘，幕牆的柱子十根，柱座十個，柱子上的鈎子和箍都是銀的。
13 東面，就是向著日出那面，五十肘。
14 門的一側有十五肘的幕牆，幕牆的柱子三根，柱座三個。
15 門的另一側也是這樣。院子大門兩側各有十五肘的幕牆，幕牆的柱子三根，柱座三個。
16 院子周圍所有的幕牆都是用搓成的細麻線造的。
17 柱座是銅的，柱子上的鈎子和箍都是銀的，柱頂也包上銀；院子的所有柱子都有銀箍。
18 院子大門的門簾，是用藍線、紫線、朱紅線、搓成的細麻線，用織彩色布的方法織成的；寬二十肘，高五肘，與院子的幕牆相配。//

呢度見到南面同北面都係100肘，20條柱係20個柱座，係長D果兩面。（38:9-11）
西面得一半咁長，50肘，10條柱係10個柱座。（38:12）
東面就夾埋同西面一樣長50肘，但係分開做三截：
1）15肘既牆，3條柱3個柱座
2）20肘既大門（簾），冇柱冇柱座
3）15肘既牆，3條柱3個柱座
夾埋啱啱50肘，中間有個入口係冇柱既。講左咁耐，就知道呢個入口向東。而東面好多時係理解做前面。

下面呢個係以色列亭拿國家公園既1:1模型：

根據上面既經文，向左係東，向下係北，所以劏羊做燔祭既地方，係個壇同下面（北面）幕牆中間。

好特定咁指明左呢個位，點解？最後都係睇返原文既一語雙關。

利未記1:11
//11 他要在祭壇北（צפוה tsafon-ah）面（על ירך 'al yerekh），在耶和華面前宰殺這隻羊。亞倫的子孫，就是那些祭司，要把羊血潑在祭壇四壁上。//

「北」，字根係צפן tsafan 珍藏。

出埃及記2:2-3
//2 這女子懷孕，生了一個兒子。她看見兒子很俊美，把他藏了三個月。
3 後來不能再藏了，就為他找來一個莎草箱，抹上瀝青和石漆，把孩子放進去，然後把箱子放在尼羅河邊的香蒲叢裡。//

「面」，個字係度出現算係好唔尋常，呢個ירך yerekh 可以解做「大髀、側邊、腰部、根基」，其中可以指到身殖能力。

出埃及記1:5
//5 雅各的所有血脈子孫（יאצי ירך־ yotse.ey yerekh-），共有七十人。那時約瑟已經在埃及。//

「血脈子孫」，直譯係「大髀（或腰）出黎」，好特別既講法，偏偏就同利未記呼應。

所以我地睇到，獻羊為燔祭，係同出埃及既事有關。整理返只有 利未記1:10-13 先有既字：
「綿羊」=「奴役」
「山羊」=「能力」
「北」=「珍藏」
「面」=「生殖」
以色列人繁衍、滋生、增多，極其強大，遍滿那地（出埃及記1:7），受到奴役，摩西既父母將摩西收藏，上主顯出大能力比全部人認識佢。

幅大圖畫開始清楚，但係有冇得再詳細D，經文入面仲搵唔搵到更多既關聯？

（待續）

其實樓主有冇一種「吃力不討好」嘅感覺？

咁又冇，冇諗過要討好人，相反聖經咁甘甜咁精彩，有得深入咁睇係最值得享受既事

你花咗咁多心機，但冇人理你，如果得你自己享受，咁樣其實你都ok？好似一個人喺度唱獨腳戲咁

放心，集集追緊
心機野，係要多少少時間欣賞同消化

其實你似解經多過講道，信息似教緊人主日學／帶緊查經多啲，講道嘅話真係Overinterpret，似show off多啲

信息長度其實你就咁呢個#5已經好夠，而且死症係，你嘅「信息」夾雜住啲經文，其實例如你#4 post經文，#5信息，信息嘅行文唔好再post經文，一係就例如（利未記 1:1），啲人想睇返經文咪去#4睇我覺得會好啲

即係好似啲人寫文章咁，唔洗下下都成段quote出嚟，仲有你「利未記1:1-9」都講咗成兩個月，想講到幾時？我真係冇見過有人講道講一章經文講成兩個月，可能你覺得好多嘢分享，咁應該諗下有乜值得分享，唔係自己自high就算

你一直以來嘅模式可能都吸引到啲信徒嘅，但連燈應該冇乜非信徒會理你，淨係一大段經文啲人已經唔想睇

內容就唔評論了，因為我係冇睇過，原因就係上面我所講嘅

我諗又係享受又係責任黎，既然明左，就要講。So far 冇聽過其他人/解經書咁講，既然係新講法就小心咁確認。
一般人又唔熟，又relate 唔到，又唔習慣，冇果份渴求都好正常。
我夠可以讀一段經文，然後諗三個生活例子，但係咁又有咩意義呢？
另外我今個星期特別勁忙，得今日有得抖下氣。我都知遲晒大到會趕人走，但係無計。
另外應該係有人cd rom ，個個星期都留言唔係咁易做到唔停。

百貨應百客

你算係成日浦頭，你同黎巴都幾傾得埋，我諗可能因為你哋都有接觸開夏達華嘅資源

其實樓主好有心，佢嗰種教導熱誠好多人都feel到，希望論壇上嘅人都好似你咁，同黎多啲討論，咁個氣氛都好啲（有時啲人不妨唔好淨係post emoji推post，可以討論下信息）

唔知係咪因為黎巴睇夏達華多，感覺佢成日講舊約（不過正正堂會比較少著墨喺呢度），有好有壞咁

同埋最大問題，我諗黎巴自己都知，佢真係太忙（好奇係忙乜？）

黎巴平安 各位平安